---> سؤال ينزف <---

إحصائية العضو

مواضيع الكاتب

ظلام .. وللاسف أمشي ومصباح الوفا مكسور
أكحل عيني ابهمي .. وأحسب خلفي أعوامي

بعدما خانني حضنك .. حضني هالألم بسرور
حلف لي مايفارقني .. ويسكن كل أيامي

يمر الليل .. والذكرى تحطم قلبي المقهور
ويسجد دمعي ابخدي .. وأنا أتوسد الامي

أدور في دباديب الغدر .. عن دمي المهدور
واطالع صورتك .. يمكن تفسر جرحك الدامي

واقلب هالرسالة .. اللي مليتيها كذب وسطور
حروف امزخرفة .. تحكي مشاعر حبك السامي

حبيبي لو قسى وقتك .. أنا شمس ابسماك اتدور
تغيب ويختفي صوتك .. وطيفك دوووم قدامي

أحبك .. ااااة لو تدري تضيق ابها سما وبحور
ولو اشرح لك احساسي .. خذلني حبر أقلامي

نعم أضحك على حظي .. على حب قتلة الجور
ولكني صحيت امن الضياع .. وغفلة اوهامي

خست كل الوجوة اتذلني .. دامي أشوف النور
وأنا ماجيت استعطف حنانك .. ناكس اعلامي

أنا جيتك وعندي هالسؤال .. اللي أسرني دهور
أبي منك الاجابة قبل اسافر .. واحمل اعظامي

ما دام ان الوفا عندك .. يشابة أصلك المبتور
ما دام انك رميتيني .. على صحر الهوى ضامي

مادام اني لجل خاطر عيونك .. كم سهرت اشهور
وكنتي ترسمي طول الليالي .. مشهد اعدامي

مادام انك خذلتيني .. وبعتيني بدون شعور
بعد هذا الغدر كلة .. تجيني لية باحلامي؟

طردتك من سما كوني .. وحبك مابقالة احضور
ودرب ايمر لامثالك .. حرام اتدوسة اقدامي

مادامة طيفك العابر .. يجيني في المنام يزور
ياعيني مانبي شوفة .. وبعد اليوم لا تنامي