هذي طريقه زفتي والاغاني الي حطيتها
تلاقو الاغاني بملف مرفق
سويت ثياب بيضاء للبنات الصغار ولبستهم اجنحه بيدهم وكانت مليانه ريش . اول شي شغلت اصوات رياح وخيول وعصافير وعليها دخلو الصغار ومشيو طول الممر وهم بيرفرفو بالاجنحه الين ماوصل نصهم لاخر الممر والباقيين باوله وكان على اطراف الممرات بيستنوهم العاملات وكل وحده فيهم شايله فلينه على شكل جذع شجر ومغروز فيها هدايا للتوزيع قلوب حمراء بعمود وعليه كرت المهم نزلو الاطفال من الممرات واخذوها ووزعوها وبعد كده بدات بلغني ايها الملك الرشيد ..........
وقبل ماتبدا جات بنت لابسه فستان وردي وعليه تل فضي ولابسه طاقيه طويله وتحت رجلها فيه عصايه طويله بنهايتها نجمه
ونامت على الكوشه وكان حوليها 4 اطفال بلبس العصافير وبعد كده بدات يااهل المدينه ........... وعليها صحيت البنت النايمه وصارت تطالع في الي حوليها وتسال ايش في ( كانت حركه تجنن ) وفضلت على هذا الحال الين مابدات موسيقى (رقم 3 ) في الجدول فاخذت عصايتها ومشيت الين اخر الممر وفي نفس الوقت طلع خطيبي من درج البلكونه على نفس الموسيقى واستنى فوق واول ماوصلت البنت اخر الممر اشتغلت موسيقى (رقم 4 )وكانت عباره عن ضربات ومع كل ضربه البنت تاشر بعصايتها على الباب وكانت كمان قبل ماتاشر تلف العصايه على شكل دائري بسرعه وبعدها تاشر وبعد اخر ضربه جا صوت كانه فتح باب كبير حق ايام زمان
وطبعا انا كنت وراء الباب وكان مقفول فاول مابدات موسيقى الباب فتحو ليه الباب 2 من العاملات على حسب الموسيقى وبعد كده اتفتح الباب كله واول مادخلت بدات اغنيه مرحبا يااجمل عروس لراشد الماجد (رقم 5 ) وكانت البلكونه على يميني اول ماادخل من الباب فبدات موسيقى (رقم 6) وفي اول الدرج كان في اثنين واقفين ومعاهم ورقتين شجر نخل كبييره مسوييينها على شكل قوس ودخلت انا من بينهم وطلعت الدرج وكان هو بيستناني فوق واول ماوصلت مد يده ومسكني وبدات اغنيه (رقم 7) الي هي الجو روعه لعبد العزيز المنصور وفضلنا واقفين عليها فوق على البلكون واول مابدات اغنيه (رقم 8) رقصنا عليها خليجي وبعدها بدات اغنيه (رقم 9 و 10 ) وطول الاغنيتين واحنا نرمي ورد على البنات تحت ورد بلدي وعقود فل كانو محطوطين بسله غريبه وكمان كنت حاطه فوق 3 استاندات ورد كبيره اخذ منها الورد وارميه وبعد كده بدات موسيقى ( رقم 11 ) ونزلنا من الدرج وفتحولنا البنات القوس ومرينا وكان قدامنا في 3 طاولات كبيره عليها استاند كبير من فلين عليه ورقتين شجر من فلين وفي وسطهم صورنا ومن قدام زي الكرسي الصغير من خشب وعليه دفتر الذكرى فاول ماوصلنا للدفتربرضو كان في بنات ماسكين شجر كبير ثم اشتغلت اغنيه اول حب (قم 12 ) وكنت انا مجهزه باول الدفتر ورقه عليها صورنا وسط قلوب ومكتوب عليها في اولها معاهده حب فهو وقع في صورته وكانت مكتوب عليها كلمات اغنيه اول حب المقطع الاول بس وبعدها جات اغنيه تدلل (رقم 12 ) وانا وقعت على صورتي وطبعا مكتوب عليها المقطع الاول لتدلل وبعدها بدات زفتنا وكانت زفه خاصه باسماءنا ومشينا عليها وقبل مااطلع للمر قابلتني الساحره واعطتني المسكه حقتي واخذت السله مني واول ماصلنا للكوشه اشتغلت اغنيه (رقم 14 ) وبعدها رقصنا slow على اغنيتين (رقم 15 و 16 ) وبعد كده بدات اغنيه خوخ وعنب ( رقم 17 ) انا اخترتها بالعنيه لانه قاعتي كانت كلها غابه والطورطه كانت بالوسط وكلها خوخ وعنب وحوليها في الطاوله محطوط عنب وخوخ وموز واوراق شجر كثييييييره مرميه وعلى الاغنيه مشينا الين ماوصلنا للطرطه وقطعناها على اغنيه (رقم 18 و 19 ) ولما بدات اغنيه جالسه على الكوشه كان في بدايتها زفه بسيطه مشينا الين مارجعنا للكوشه وجلست على الكرسي وبعدها بدات باقي الاغاني ورا بعض كلها وخلال الاغاني دي لبسني وشربنا بعض العصير واتصورنا على الكوشه واتصورنا مع الحصان (احلى شيء الاحصنه كانت تجنن )
المهم تلاقو الجدول مرفق لازم تنزلوه علشان تعرفو الاغاني
والله تعبت في تنسيقها جلست شهرين وانا اجمع واختار بالاغاني لدرجه انه حتى حددت من أي ثانيه تبدا الاغنيه والى أي ثانيه تنتهي الين ماطلعت روحي
وكمان اكيد تعبت المصمم والمايسترو لما جهزوها لانه بصراحه تتعب لانها كانت دقيقه مره
الله يعطيهم الف عاااااااااااااااااااااااافيه
وان شاء الله تكون عجبتكم لانه الناس بصراحه اتهوسو عليها
جلست زفتي ساعه كامله وعلى الرغم من انها طولت لكن الكل كان مبسوط وبالقوه طلعو الناس للعشاء الكل يستنى ايش حيصير كمان
والحمد لله مرت بسلالالالالالالالالالالالام وعقبال الزواج الله يعينني وتجيني افكار اخرى
جميع الأوقات بتوقيت شبكه افراح 
هذي فكره زفتي ملاك والاغاني الي حطيتها 
العرض العادي
