طلبتكم يا احلى ناس ,,,,,,, لا تردوني

السلام عليكم



انا عضوة جديده في المنتدى واتمنى القى الترحيب منكم

واتوقع انكم ماراح تردوني لانه فيكم الخير والبركه



انا محتاجه افكار ليوم خطوبتي والى راح تكون قريب ان شاء الله

وانا توي متخرجه من الجامعه هذا شئ والشئ الثاني اني راح اسوي حفلة الخطوبة في نفس الشهر الى مولوده فيه

وجاتني فكرة اني اخليه في نفس اليوم عشان اسوي حفلة الملكه ويوم الميلاد مع بعض

بس مالقيت فكرة اسويها للزفه

وانا حابه اخذ رأيكم اسوي الملكه مع التخرج ولا اسوي الملكه مع يوم الميلاد لانه صعب اسويهم الثلاثه مع بعض بتصير ثقيله شوي صح؟؟؟؟؟؟؟


وياليت الى عنده افكار وزفات تناسب مايبخل على

ترا مالى غير الله ثم انتم

لا تطنشوني

شوفي كفكرة موسيقية او زفة مافي شي ممكن يجمع الثلاث او اثنين
الا شعر يصف العروس مع تخرج او ميلاد مثلا

لكن كفكرة شاملة للزفة
انا اقترح هذة الاشياء وتعتبر راي مو شرط تتقيدي بة
1- استخدام الشموع سواء كانت الملكة في الصالة او في البيت بكثرة سواء على الكوشة او الطاولات او حتى البنات الصغار
وهذا يدلل على عيد الميلاد
2- ممكن استخدام طفلتين لزفتك يلبسون ملابس التخرج ويتقدمونك
وهذا يدلل على التخرج
3- فستانك يفضل اللون الوردي ياسلام لو كان زي لون المنتدى يطلع رهيب
صحيح طلعت الوان وموضات للملك غير الوردي بس اشوفة اقرب شي واقرب احساس بالنسبة للميلاد والملكة سواء
4- استخدام الموسيقى في مشيتك افضل من زفة اغاني
الزفات الموسيقية مبهمة لكن تطلق بخيال المعازيم الى افاق اخرى ويقدرون بنفسهم يتخيلونك كعروسة او كمتخرجة او حتى عيد ميلادك
5-باقة اليد ممكن لو محل تمام يفصل لك باقة مسكتها على شكل شهادة تخرج ملفوفة
6- اغاني التخرج تعتبر اغاني فرح ممكن تضيفي كم اغنية بعد وصولك للكوشة وهذة بحد ذاتها معبرة بس احذري دموعك لاتبهدل المكياج
7- الطلقات الورقية هذة ضرورية خصوصا لو حطيتي اغاني تخرج وتنطلق بالذات وقت هذة الاغاني ويفضل وقت هذة الاغاني تقومي لوحدك ترقصي او تحيي المعازيم ومافي احد يرقص معك ولاحتى احد من اهلك
8- دفتر التواقيع المعروف عنه انه يستخدم في الفرح اكثر من الملكة
بس اظن هذة الليلة تحتاج بالفعل الى توقيع العرسين خصوصا انها تجمع اكثر من مناسبة وياسلام لو صممتي قاعدة الدفتر على شكل قواعد التخرج كانها حفلة تخرج
9- في الافراح الاجنبية العروسة ترمي باقة على المعازيم
ايش رايك لو رميتي قبعة تخرج على المعازيم بدال الباقة
10- اظن 9 افكار تكفي بلاشي 10 انتي نفذي اللي يعجبك موشرط كلها

اليوم رايق وطلعت مني هذة الافكار ان شاء الله اكون وفيت

يا سلاااااااااااام عليك اخوي المايسترو

والله اني اتوقعت انك انت اول من يرد على موضوعي وباسرع وقت

الله يجزاك كل خير

وافكارك كلها راااااااااائعه و مرررررررره عجبتي واكثر شئ عجبني فكرة
ممكن استخدام طفلتين لزفتك يلبسون ملابس التخرج ويتقدمونك
وهذا يدلل على التخرج

وكمان
في الافراح الاجنبية العروسة ترمي باقة على المعازيم
ايش رايك لو رميتي قبعة تخرج على المعازيم بدال الباقة

و من الافكار الى طرحتها علي جات في بالي فكره.

اني اسوي زفتين يعني اول شئ حقت التخرج واكون لابسه العباءة وقبعة التخرج وتكون زفه سريعه وفيها بنات صغار لابسين لبس مدرسه وشايله في يدي باقة مثل الكتاب او الدفتر وهو الى يكتبو فيه المعازيم بعدين

وبعدها الزفه الاساسيه

ايش رأيك ؟؟؟؟؟؟


واتمنى الى عندهم افكار ما يبخلو علي

والله يوفق كل من يساعدني

مافي كلام بعد كذا والفففففففففففففففففففف مبروك

الله يبارك فيك


والشكر على المرور

ما شاء عليك يا مايسترو كفيت وفيت