رحلتي انا وابوي للندن الله لا يعيدهااا :)

السلام عليكم ورحمت الله وبركاته

في يوم من الايام ومرتن من المراريت طنت براس ابوي لندن مشتهي يزور الاهرامات
لانه عمره ماشافها لاهي ولا سور الصين
طبعن يوم قال فتسرته لامي على طول قامت تشكى من عضيماتها وان مابها حيل للتمشور
والسفر وخرابيطه ولحضتها بغى ابوي يهون عن السفره
لاتسن انا بنته اكبرهم واهبلهم (طبعن عياله)
شجعت فتسرت ابوي وقلت له لازم تسوي الي يدور في بالك لا والله بعدين تبقي في نفسك تذبحك وتصير وحمتن بعيالي هالروحه
والله وانا اعطي ابوي من ذا الكلام الرخيص كله بس اقناع للهروحه لاني حتا انا نفسي اشوف حدايق بابل المعلقه بلندن
الهم قدرت اقنع ابوي على السفره والله وحنا ياطويلين العمر ولمنا الزهاب وكل الي نحتاجه بالرحله
وجا وقت الرحله وسافرنا
طبعا هذا اول يوم نوصل فيه كله منصرعين من التعب ولاتحركنا نوم الله لايوريكم
وثاني يوم وتسان انا اتنهض من فراشي الصبح بدري قبل لايبدر عندنا بالشمال
ولاموبس بالشمال بالمملكه كلها تصدقون والا لا
ياخواني حتا بالنهار والليل مخالفينا الله يخلفهم
المهم صحيت ابوي وقعدنا بعد دش سويخن يلين العضيمات وينشطنا
وبعدها طلب مني ابوي اطلب فطور وانا اتوهق وقلت له وتسيف يبه اطلبه
قال لي قولي لهم بالعنقليزي
قلت وتسيف بالعنقليزي ماعرف؟
وهو ينطط عويناته والله انا اخبر عوينات ابوي صغير من الغبن فجئها كبرن وانا اذل
منه واضحك ضحكت خريعه واقول:وش بلاك يبه انا امزح معك يعني معقوله
معي شهادت ثانويه عامه وماعرف؟
ويولي بس وربي توهقت قلت يالله يابنت جمعي كم هالكلمه الي بفدغاشتس<<<راستس
وانثريها للامركان
والله وانا اتناول التلفون واطلبهم طبعن رد واحد والله لو اقعد من هنا لين بكرت السنه الجايه
ماعرفه
تسان اقول له:هاااالوووووووووو
طبعا ابوي سمع هاللو فرح يقول ايه وانا صدقت احسبتس ماتعرفين عنقليزي
اثرتس ماشالله عليتس
واقول له ايه يبه اعجبك انا وانا اخررط من جنبها
المهم انا قلت هالو وهو يرد علي مثلها
بس بعد هالو قال كلمه مدري وش هي بها كان ماكن اخاف الله ماحط بذمتي
قلت: تسان يو تكوتر للكتشن وتجيب مي قد افتر نون
قال:قد افتر نون
قلت:ايه ابيه قد افتر نون
ويرجع يخربط علي بس عرفت ارد عليه
قلت :وت يو تسان تكووول مي

وفجئاه يطبق السماعه بوجهي بس لقطت اخر كلمه وهي كريزي
المهم قلت خلاص يبه ازهلها الفطور دقايق ويجي
قال ايه عفيه بنيتي هذا الفعل السنع الي يبرد التسبد
وانا اتحلطم بيني وبين نفسي اويلي بس لو تدري وش سويت
طبعن مرت ساعتين والفطور ماجى وابوي يعصب هذولا علامهم ابطو بالفطور مصارين
تقطعت من الجوع لايكون انتي مافهمتيهم
قلت:لايبه افا انا ماقفلت الا وهو قايل لي مسافت السكه اوي خالص وحاردهالك
قلت والله انه فندق خايس يايبه الله يلعنهم ويلعن خدماتهم
عاد رحتت للبلتسونه اتفرج وفي هاذي الحضه تسنت افتسر وش لون انسي ابوي الفطور
وانا مع البلتسونه اوايق وتسان اشوف الحمر والشقر بهالمسبح يتمطسن والي تمشرق جنب المسبح
والي تركض وانا يطري علي ابوي على طول
وانا اناديه:يايبه لك والي تعال شف الفاصخات الزلط الملط
وابوي يركض على طول وهو قبل شوي يتصرع من الجوع وهو يطالع وتكبر عويناته من المطالع
ويقول:ول عليهن ياصمله ياهازين قلت يبه هذولا يهوديات عادي عندهن
واثر الشايب خق عندهن قلت يبه وش رايك ننزل نتمشى ماطولهم يسوون الفطور
قال الينها فتسرتن زوينه <<<<<<<اهب يالشويب اثريه خق عند هالشقر
والله وهو يلبس لبس الرياضه سروال اصفر وبه خطين زرق مع الجنب
والجكيت ام سحاب من قدام وسحبه لحد الرقبف وانا اقوم به ترفيع وش ذي الكشخه
وش ذي الحلاوه والله غير يتصرعن عندك هالعمريكانيات
وهو ينبسط الشويب
المهم رحنا نتمشى ونمر من جنب مطعم وقال لي ابوي وقفي خوذي لنا كندوشتين لحمه
مادامنا ابعدنا عن الهوتيل قلت طيب وجبت لنا كندوشتين على قولته اكلناها وكملنا مشي في ربوع لندن
ويسئالني هي الاهرامات وينها بلندن قلت له جنب برج ايفل على يدك اليمين
ايه زين اجل ماهي ببعيده بطريق واحد قلت ايه
وحنا مكملين المشي قال ابوي والله اني مشتهي طرطعه بالشقليطه
طرطعه=طورطه
وقمنا نلف ونحوم لمن لقينا صاحب الطرطعات واخذت له بالشقليطه وانا اخذت بالفانولا
المهم لمن صارت الساعه 12 الضهر الفاين الي معي قضا من كثر ما مسح سعبولات ابوي
الي تسيل من شوفت هالمزيونات امهات ركب حمر بعيد عنتس يالقارئات وبعيد عني
هههههههههههههههههههه
قلت يبه انا تعبت من كثر المشي والمسح قرفت عفت حياتي
قال خلاص هانت نشوف الاهرامات ونرجع قلت طيب بس يبه تكفى اذا وصلنا الاهرامات خلني اتصور جنب
ابو الهول قال ابشر بس انتي حطي لسانتس بفتس واسكتي قلت طيب ابشر
المهم مشينا ومشينا ومشينا لمن تصدعت رجولي من المشي واخيرا لقينا الاهرامات اثري العينه الدلال قايل لنا تلقونها بشمال لندن وحنا لقيناها بوسطها طبعا حقق ابوي امنيته وزار الاهرامات وانا تصورت مع ابو الاهول
ولمن خلصنا طلعنا مروحين وبالصدفه مرينا من جنب برج ايفل ويوم ابوي شافه ويطلق ذيتس التنهيده
اااااااااااااااااااااااااااااه ياعمار اثريه تذتسر نخلته الي بالديره فبستانه
وهو ينطلق وين ودك يايبه:ودي ارجع ذتسريات الطفوله والشباب
امحق طفوله الي ماتذكرها الا بلندن بس يمكن يتذكرها بشي واحد بس الي هو لون شعورهم لمن تشهب من كثر الحومه بالشمس بروس الامريكان الي شقارهم من ربي مو شهاب وصنان شمس
والله وانا افصخ نعولي من رجيلاتي واجي طايره وراه بس تخيلو منضره وهو يركض والترنق الاصفر عليه
والسحاب مسحوب للخر شوي وياصل فمه والله يومنه وصل للبرج وهو يقضبه وثبت كراعينه وبدا يرتسب
وده يتسلقه وانا امسكه من ساقه يابه تكفى انزل لاتفضحنى لا الحين اجي جنودهم ويصكوننا بهالسجن
والله وهو يلفخني بكراعه على فمي جا يهده تقلعي بس عني هنا والا الرجل مابه حيل
ويهو يرقا وانا ارقا وراه خفت ياخذونه بس هو وانا اضيع لحالي بفرنسا
المهم وهذا انا وراه لمن وصل للقمه وهو يقول:ايهيييييييييييييييييييي وعويناته تغورق بالدموع
الله يقطع ابليسه حزني والله وفجئه قمت اتلفت وانا يادوب المح سريت الجنود الي كثر النمل
وانا امسك ابوي مع لحيته :يابوي لك والي الجنود جونا وهو يقمص من الخريعه
وفالتس الشين اشردي يالملعونه وانا وش دخلني تلعني
والله وحنا نجيكم طايرين نزول تزحلق لمن وصلنا للقاع وحنا نفض بعميراتنا
ويوم وصلنا للفندق وابوي يقول لي بسرعه زهبي اغراضنا خلنا نهج لا عادت من ديره
والله وحنا نشد غريضاتنا وشنطنا ونرجع لا ارضنا ارض الوطن ارض الا مان
وابد وهذي قصتي مع ابوي بسفرتنا والي ماهو مصدق كلامي يروح للفرنسا ويزور
عاصمتها لندن ويمر برج ايفل تلقون بطرفه بشت ابوي البيج المقصب طرفه بقصب فوشي
هع(30) (30)

هههههههههههههههههه
هههههههههههههههههههههه

بطنىىىىىىىىىىىىىىىىىى,,

اه ياربي,.,

سلامت بطنتس يالغااااااااااااليه

هههههههههههههههههههههه

اهههههههههههه والله احس لساني التوى ويش هالهجه

بس رحله تفطسسسسسسسس ضحكككككككككككككك

وربي جالسه لحالي اضحك زي المجنونه هههههههههههههههه

اه اه اه اه ياربي هههههههههههههههههههههههههههه

خلاص والله ماني قادره هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه

تسليييييييييييييييين يابنوووووووووته على القصه الفله هههههههههههههههههههههههههههههههههههههههههه

هذي طال عمرتس لهجتنا لهجت اهل الشمال

السننا معووجه بس نجنن

<<<<<<<<مداح نفسه ككذاااااااب

خخخخخخخخخخخخخخ

بس اهم شي عجبتس حبيبتي

ويسلموووووووو على المرور

ياهلا والله باهل الشمال اهل الكرم <<<< وربي تجننننننينو

والله لهجه جونااااااااااااااااان وقصه اففففففففففف ولا احلى اليوم كمان قريتها مره ثانيه من حلاتسها <<<<< بتسوي نفسها شماليه هههههههههههههههههههههههههههههههههه

يسلمووووووووووووووو ياقلبي

والله انتي الجنان يالغاليه

ويالله اذا تبين مساااعده ومصطلحات شمايه انا بالخدمه

خخخخخخخخخ