بسم الله الرحمن الرحيم
نعم ولله الحمد والمنة
أخيرن حلقت دقني خلاص خخخخخخخخخخخخخخخخ
طبعن قعدت شهرين وقلت ماني حالق دقني الا لما تسير ديك الهرجة
ولله الحمد سارت وعاد الهرجة مو لازم تنقال خلينا في الموضوع
ما ادري ليش انا انسان اتحمس كتير مع الحلاقة
فحلقت دقني واتحمست قمت حلقت شعري كمان
يعني اصلع زلبطة ولا أجمل
خلينا في الحكاية اللي جايبلكم هيا ولساعها طازة ما كملت تلاته ايام
صحيت من صباح ربي الصبيح
يا دوبك دش سريع وسريع سريع على الثانويه من الساعه سته الصباح * عشان المدير ما يخاصمني * صح يا ارضاء الكبتن انتا خخخخخخخخخ
والله تمرين واي حاجة خلصت تمرين ورحت على الفصل
حضرت المدروس وجسمي مكسر
القلم طاح ما قدرت اجيبو خخخخخخخخخخخخخ
والدكتور مطوع
يطالع فيا وحاقد
قعدتلو مطوع من بداية السنة بلحية واي خدمة
وشافني مرة متغير فاشتغلني دقدقة بالكلام
خلصت الحصه وخرجت من الالثانويه وهنا تبدأ الفلة
ركزو جيدن واربطو احزمة الأمان فهناك مطاردة جاية في السكة
وانا خارج من الثانويه شفت صديق قديم
قلتلو على فين
قلي رايح التحلية
قلتلو يالله امشي وانا وراك
صاحبنا مشي وانا وراه بالسيارة
ورايحين على التحلية من طريق المدينة
لاحظت انو في سيارة لونها ازرق ماشية معانا من أول بس ما اخدت فبالي
سيارة مضللة والسواق سوداني
وبصراحة التضليل جدن قوي وماني شايف ايش في ورا
اول ما دخلت على طريق المدينة
وتجي السيارة الزرقا اللي بيسوقوها السوداني السعيد
ويسقط عليا
وانا عاد اتحمست ومشيت جنبو
ما اعطاني فرصة وعلى طول رفع يدو * يعني آسف ولا معليش ولا اي حاجة *
ما كملت خمسين متر وانا ماشي الا ويرجع يعمل نفس الحركة
يسقط عليا
ويرجع يرفع يدو يسلم
هلكني عملها يمكن خمسة سته مرات
بس بيحرجني انو بيسلم
دخلنا على شارع التحلية
وعمل نفس الحركة سقط عليا وسلم
اتصلت بصاحبي اللي في السيارة اللي قدامي وقلتلو :
ياخي ايش حكايتو السوداني دا من اول يسقط ويسلم عليا ايش يبغى فحياتو ؟
قلي ايوا انا من اول شايفو كأنو ما يبغانا نمشي ورا بعض * خايف على صاحبي مني خخخخخخخخخخخ *
قلتلو اقلك لو عادها حنزل اقلبها زفت بصراحة قرفني
مشينا في التحلية شوية والاقيه معدي من اقصى اليسار وانا فأقصى اليمين
رحت دقيتلو بوري طاط طااااااااااااااط طاط
طالع فيا
سلمت عليه * خخخخخخخخخخخخخخخخخخخخخخ *
وقفنا في الاشارة
الاشارة اللي بعدها جا وقف جنبي
نزلت القزاز وقلتلو :
السلام عليكم
قلي وعليكم السلام
قلتلو ايش يعني من اول بتعمل الحركات القرعه دي زي دماغي تبغاني ارقمك ولا ايش ؟
قلي لا لا اسف
وفي عسكري واقف ورانا بالزبط وبيطالع
قلتلو لا واللهي حرقمك يا شيخ انتا شكلك انسان عسل خخخخخخخخخ
وسريع سريع كتبت الرقم في ستيكر
وجيت الصقو على القزاز
قلي فك الباب ولصقو جوا
قلتلو اوكي مفيش مشاكل
فكيت باب سيارتو ولصقتلو الرقم على القزاز من جوا
وفجأتن
الاقي يد انمطت من ورا
وشالت الرقم
طبعن أنا حسيت بالتناحة تسري في انحاء جسدي
وصاحبي في السيارة قدامي يضحك ويتصلبي ويقلي طلع في بنت ورا خخخخخ
والعسكري طالعت فيه في المرايا وقلت عز الله جبنا العيد
فكت الاشارة ومشينا ولا أجمل
واطالع في المرايا الاقي العسكري وقف السيارة الزرقا
قلت هيا خير الليلة فيها مصيبة
كلمت صاحبي قلتلو نروح اوقف سيارتي في التحلية سنتر واطلع معاك بلاشي مشاكل
قلي اوكي
وقفت سيارتي في التحلية سنتر وجاني ركبت معاه
وفجأتن
الاقي السيارة الزرقا جات وعدت من جنبي بالزبط
ووقفت قدام البوابة
صاحبي قلي اقلك روح شوف كيف شكل البنت لا تطلع باد فيس
قلتلو اوكي
مشيت على رجولي اللين وصلت عند السيارة
مشي السواق خخخخخخخخخخخخخخخخخ
اول ما مشي السواق دق الجوال عندي رقم غريب
قلت حركاااااااااااات
ركبت السيارة ورفعت
وسمعت داك الصوت اللي يجنن
صوت وحدة جاعوووووووووووووورة
صوت وحدة كأنها بالعة ضفدعة
صوتها زي صوت التيس الفرحان
صوتها زي صوت اي صوت وحش
صوتها زي ايش يا ربي حاسس نفسي ما وصفتها صح
ايوا الله
صوتها زي صوت شعبان عبدالرحيم لما يغني بحماس وتأني وسكينة
قلت السلام عليكم
قالت
ليش تسقط علينا وتعطينا رقمك ؟
طبعن انا طلع فوق دماغي حوالي سبعين الف علامة اسفتهام وعلامتين تعجب * ملاحظة ماني متأكد من اعدادهم بالزبط لكن تقريبا *
وتنحت لفترة طويلة جدن
بعدين قلتلها
نعم ؟
قالت ليش تلصق رقمك عندنا وتسقط علينا ؟
قلتلها ايش اللي ليش ايش ليش ؟
سواقكم من اول يسقط عليا وانا ما ادري انو في احد ورا اصلن
قالت انتا قليل ادب وما تستحي ؟
قلتلها اقلك انا ماني فاضي لوجع الدماغ
يالله باااااااي
ودوبي جيت اقفل
قالت
قابلني في الدانوب بعد عشرة دقايق
باي
وقفلت
طبعن انا طلع فوق دماغي مرة كتير علامات اسفتهامات
وطلع فوق راسي كدا سحابة بيضا مرسوم فيها واحد شبهي بالزبط وسواق سوداني قاعد يلطشو ووحدة بنت فسيارة زرقا تضحك وتهزيء
قلت لصاحبي
قلي اقلك طنش يا عمي
قلتلو بلا اطنش بلا مدري ايش
خليني اروح ويسير اللي يسير ايش ورانا ؟
حنخسر حاجة ؟
قلي طيب انتبه لا يكون مقلب ولا تنضرب * ويا ريتني سمعت كلامو *
قلتلو اقلك روح روح لو حسيت اني اتورطت مرة حجري بأسرع ما عندي
ولا نسيت اني اسرع واحد
ورحنا على مواقف الدانوب
واتصلت عليها وقلتلها فينك
قالت خمسة دقايق وادخل من البوابة
قلتلها طيب
ودوبي اقفل منها
والاقي العسكري بيلفلف فمواقف الدانوب
يدور عليا
قلت هيا خيييييييييييييير الحكاية فيها شرطة واي خدمة
وقلت فنفسي
يا عمي يسير اللي يسير
اتصلت مرة تانية
قالت انا جيت وما شفتك
استناك عند ماجيك كافيه
اول ما قفلت صاحبي قلي
صح يا قوي
ترقم وتديت فنفس الوقت مين انتا توم كروز على غفلة ولا سمير صبري * معليش صاحبي ما يعرف يشبه كويس *
ورحنا على ماجيك كافيه
طبعن دايمن قدام ماجيك كافيه في تفتيش
والعسكري هداك موقف سيارتو في التفتيش
صاحبي اخد لفة قدام التفتيش
وطالعت من عند الباب لقيت البنت واقفة جوا تستناني
وقفنا السيارة بعيد ونزلت على رجولي
وفجأتن
جا العسكري وقف جنبنا بعد ما نزلت انا
وقلي تعال
اعطيني اثباتك
صاحبي على طول مشي قلي عندي مشوار خخخخخخخخخخخخ
شرد البايخ
اعطيتو بطاقة الاحوال
ورحت وقفت معاه عند التفتيش
قلي ليش تسقط على السواق السوداني ومن الكلام دا
قلتلو هيا خييييييييييييييييييييييير
يعني الحكاية توريط
قلتلو واللهي من اول والسواق يطاردني ويسقط عليا
وحبيت استهبل عليه وحطيتلو الرقم
وما ادري انو في بنات ورا
لو في بنات كان رحتلو بنفسي * خخخخخخخخخخخخخ *
قلي طيب اتصل عليها شوف فينها
قلتلو طيب
اتصلت
رن جوال العسكري
والرقم اللي طلع على الشاشة رقمي
خخخخخخخخخخخخخخخخخخخخخخخخخخخخخخخ
والعسكري قال
صادوه
وانا فكيت كاي من ابو الم
وضربت صحبة مع العسكري واي خدمة
-------------------------------------------------
خلاص كدا المقلب اللي سار فيا خلص
بس عشان تعرفو بقية الحكاية
قلتلو البنات اخدو رقمي
قال ايوا سجلوه في الجوال
وانا اخدت الرقم من جوال البنت
قلتلو اوكي اوكي
وقلتلو حنزل الموضوع على النت
قلي طيب
بس بعدها رجع اتصلبي وما ادري ايش سار
فجبتلو سيرة ضابط * رائد * دايمن في التحلية يداوم
قلي كيف تعرفو ؟
قلتلو صاحبنا
قلي كيف صاحبك
قلتلو ولد عمو صاحبي وانا اتعرفت عليه عن طريق ولد عمو ودايمن اشوفو ونطلع سوا بعض الاحيان
قلي يعني انتا تعرف كل الضباط اللي في التحلية ؟
قلتلو لا يا عمي مافي عسكري يمسك شغل ميداني اعرفو غيرو
كل اللي اعرفهم يداومو فمكاتبهم
العسكري خاف وقلي
طيب انتا بتنزلها في النت
قلتلو ايوا
قلي طيب لا تكتب اسمي خخخخخخخخخخخخخخخخ
حسيت انو لو شفتو مرة تانية في التحلية حيسألني
انا اسمي مكتوب * مسرحية عادل امام شاهد ما شافش حاقة *
انشالله ما اكون طولت عليكم
واهلن وسهلن ويا مرحبن
هيا خير * أخيرا حلقت دقني * 
