ماعاد تسوى

ماعاد تسوى أفكّر فيـك وأشكيلـك
دامي فقدت الأمل في قلبك القاسـي
شفت النهايه بعينـي ليـه أطرّيلـك
خايف تجي كلمةٍ تجرحلي إحساسـي
غصبٍ علي أنسحب وأرتاح من ويلك
ولاّ الحقيقه غلاك أقرب من أنفاسـي
أخلصتلك وش بقـا قلّـي أسويلـك
من بد كل البشر شلتك على راسـي
أنا على شوفتـك أطـرب وأغنّيلـك
وأنت بجروحك وصدّك تطرد إنعاسي
ليه أحترقلك مثل شمعـه تضوّيلـك
أسهر أنّور طريقك وأعلن إفلاسـي
قلبٍ يضمّك غلا لـو كـان يعنيلـك
لاقلت طال الهجر ماقلتلـي ناسـي
ما كان ودّي بعد ماكنـت اضحّيلـك
إنّي أضحّـي بحبـك يابعـد ناسـي



مع اشواقي : عمو معتوق