بسم الله وعلى بركة الله
هذاياطويلين العمرمسكني الم اسبوع تمسيكه بنت حرام
وكل مايقولون لي روحي اكشفي اقول لهم لا ماابي الى ماوصلت لمرحله مااقدرت اتحمل فيها الالم حتى طبيت مغمى علي بين اهلي
المهم ودوني وانا ماني صاحيه واكتشفواان معي زايده وملتهبه
طبعا باالاول ودوني لمستشفى عام
عاد حنا ماشالله تبارك الله عندنا مستشفيات مره زباله<<<<<<< الله يعز القارئين
مقبرة ماهي مستشفى
اللي يدخل عندهم سليم يطلع وهو به مليون مرض يحطونه به
وهذا زين ماطلع للثلاجه على طويل زين يطلع به مليون عله
ولا يطلع للثلاجه
المهم قالو لي لازم تنشال زايدتس لانها ملتهبه الحين ولازم تنامين
عندنا كم يوم لمايخف الالتهاب وبعدهانشيلها لك
وانااطالع فابوي نضرة حوزن ابي احزنه ابوي فهمني
لانه دائما يسمع كلامي عن مستشفيات تبوك المتطوره
طبعا ترا على كبر تبوك ماعندنا الا مستشفيين عامات
المهم اكثرها مستوصفات واخس من المستشفياااات بس الخاصه لا والله
جوناااااااااان
وعندنا مستشفى خاص وهو مستشفى الامير فهد بن سلطان
هذاوالله مومستشفى الا فندق خمس نجوم شي
المهم خلوني ارجعكم لخرابيطي
طبعا انا لمن نضرت نضرة حوزن لابوي
قال لدكتور خلاص بس باخذها للبيت حتا تاخذ لها ملابس
وتجهز نفسها وتجي<<<<<ياقلبي على ابوي حسسني اني عروس
المهم وحنابس مسكناالسيب الا وهاتك وركض انا وابوي وماصدقنا طلعنامن المستشفى
ركبناالسياره وقال ابوي مهبول انايوم اخليتس عندهم والله يابعد حيي ماني مستغني عنتس<<<<ياحوبني ليك
لو اخليتس عندهم غير ينسون عدتهم كلها فبطنتس وانت بدون مهبوله ومتحملينتس
بعد يزيدونتس اهبااااال <<<<<<يلعن ام التهزيئ
طبعا انا منطمه وجالسه بالسياره ممسكه بالباب مثل البسيس
شوي ولا تجي (مجاريح يالغالي مجااريح ......من فراقكم سرنا مجاريح)<<<<<<ترا هذي اغاني كسرات نغمة جوالي J
ابوي بس سمع هالكسرات قال طمميمه لا اطمتس انتي ويااااه (طمميه=سكتيه) بس هذا تنقال اذا كان الواحد
مخنفر على الاخر ومأتشه معه<<<معصب
طبعا انامن الذله والخوف قفلته مره وحده
المهم وصلنا للبيت وكان امي تنتضرني في الحوش من كثر قلقها علي<<<<<الله من التسذب بس
انتم ماتدرون من كثرماامي تحبني تتمنازوالي خخخخخخخخخ
طبعا قالها ابوي
تدرون وش ردة فعلها؟؟
يالله تخفيف ذنوب<<<<<<<<وتسان انضر لها نضره واتمتم بيني وبين نفسي واتحلطم
وهي تعطيني بوقس على ضهري احس روحي طلعت انت وش تقولين
قلت سلامتس وانا اروح لغريفتي وابي اسوي اني حزينه بس ماقدرت وكل مادقيت على احد اخبره
عيال الذينا تشمتوافيني وجلست اسأل نفسي انت وش مسويه لهم حتاهذاردهم عليتس؟؟؟
المهم رحت للمستشفى الساعه 10 وربع طبعا مو المقابراللي عندنا
لا رحت لمستشفى فهد بن سلطان التخصصي ليلة العمليه وقالو لي بكره الساعه 11 بنعملها لتس
طبعا دخلت حشا والله داخله فندق وكان يستقبلني سسترارت هذا زينهن صافات تقل طقم صيني
فاخر<<<<<<<من كثر ماتقول امها جبت طقم صيني للمطبخ فنااااان
المهم سلمت عليهن هن وبدلاتهن الورديه ذكرني بنات روضة مدرستي سابقاا
ياناس وربي اول مره اشوف مستشفى يقدم حلا وقهوه فرنسي للمريض؟؟
طبعا انا جالسه مؤدبه قدام امي ومافتحت فمي بكلمه قالت وش رايتس ارافقتس ولا اروح للبيت
وانا اطير بحلقها لا يااامي روحي للبيت ارتاحي وانابعدين ماني صغيره لاتخافين علي
قالت والله اني ماااخاف عليتس يالسمتح والله اني خايفه على هالمسكينات
وانا ابتسم لها ابتسامة خبث لا افا عليتس راح اجلس عاقله قالت اشوف
ورااااااااااااااااحت امي هيهيهيهيههيهيهيييييييي
وكان اناديهن وجتني وحده هذا زينها وجلست تبربط علي واكثر كلامها انقليزي وقمت اجرب لغتي
عرفت اجاوبها بعض الكلمات تدرون وشي؟؟
يس يس نونو اونووو<<<<قال منفعله الحين اذا تعجبت من السالفه واااااااااات افتح فرتي وانطط عويناتي قال ايش قال متاثره
المهم سألتها وش اسمتس يالمزيونه قالت نورماااا ماشالله عليتس يانورما يازين اسمتس مثلتس بيوتفل
وقعدة تخربط علي والله مدري وش تقول وانا خاشه معها قال فاهمتها وانا بس ابي اتعبها
المهم يوم شفتها فتحت فرتها تثاوب وانا اتملعن عليها واجيب من السوالف اللي مالها راس من رجلين
وهي تنود عندي بس ياحرام رحمت رقبتها وكل ماغفت وانا اغزها نورما اسمعي
يمكن ابو ساعه وانا ماسكتها حتى خلاص انتهت قلت خلاص طسي
قالت ايش توسي قلت يعني في امان الله
هههههههههههه
المهم طست وانا اطلع في السيب اتمشى طفشانه والمغذي معلق بيدي وانا ارجع
جلست على السرير واشوف جنبي اجهزه مدري وش ضغط وحراراه
والباقي ماعرفته
قست ضغطي ماشالله علي بس مافهمت شي. وقست حرارتي والتفت يساري والقى في جرس معلق على الجدار
وانا اضغطه ثواني وجتني سستر غير شكلت اللي قبلها بس طلعت من المطبوعه خشومهم مثلها قلت ابي ووتر قالت اوكي
جابت لي ووتر قالت مدري وش (اني ثنق)<<<<عاد افهموها
قلت ايه سم جوس <<<<بس لاتفوتكم اللغه
خخخخخخخخخخخ
وجابت السم جوس قالت هاه نوفا اني ثنق قلت اممم قالت خرابيط بنت كلب وهي مكشره حسيت انهاتسبني وانا احقد عليها وقلت طسي يالله برااااا
طبعا ماتقدر تحتسي بكلمه لاني بفلووسي قاعده مالها شغل
طلعت السيب عادرخام وجت بنفسي ازحلق بس مو راضي لانه خشن موناعم يزحلق وانا اتذكر الووتر اللي جابته لي
واروح اجيبه واكب الووتر على السيب وشافتني زنجيه يماااااااااه تخرع قالت هي هي ار يوكريزي وتفنخر علي عاد هي بدون خشمها كبير بس كبر بزياده
يمه وانا اكل تبن من الخوف قلت سوري انكب مني قالت لاير مدري راير
يعني تسذووووووووووب واضحك ضحكه خنفشاريه واوريها المغذي اللي بيدي
وبنت الذينا تدرون وش سوت مسكت يدي وتدخل ابرة المغذي قوه بيدي وانااصرخ باعالى صوتي
قام يرن في ارجاءالمستشفى كلهاويتبع صرخاتي يلعن ابووووووتس
قالت كان مدري شو وذمي
وانا من جناني رحت معها تدرون وين ودتني ؟؟؟؟ اخذتني للغرفة العمليات ورتني اياها
يمه وانا اجلس اصيح وربي من جدي بكيت قلت خلاص والله مااسويها
وانا اطلع بسرعه واخذ جوالي وادق على ابوي والبس عبايتي
وتجمعن علي يبغن يقعدني وتمسكني الزنجيه مع يدي وانا انفض يدها وقلت اقلبي وجهتس الالعن ابوخامستس
وربي صحت لمن قلت بس وهن يجني واعطني حبوب قالن خلاص هدي
وبنات اللذينا طلعت حبوب تنويم ضحكني علي طبعا هذي سارت الساعه ثلاث الفجر
وماصحيت غير الساعه تسع الصبح وهم يجيون لي الفطور وجلست اطقطق على القنوات حتا قربت عمليتي
والساعه 11 جابو لي روب اخضروانا اتذكر العمليه وقومها بكوه بنت كلب شوي جاني دكتور سوري
يمااااااااه مااحلاه يابنات يخرع من زينه قلت ايه هذي الوجيه السمحه اللي تخفف عن الواحد المه
قال لي شو بكي يانوف ليش يابابا<<<<<ياحلوك وياحلو كلامك وانا اامسح دميعاتي
وعلمته السالفه وهو يقلب المستشفى على هالزنجيه اللعينه بس يوم علمته وش سويت بهن سكت عنهاالله يفضحها فضحتني عنده
المهم دخلت الغرفه الساعه 11وربي وطول الوقت مغمضه عيوني من الغرفه وربي غرفة اشباح
مو غرفة عمليه المقص من جنب والمشارط بانواعها يماااااه الله لايعيد ذاك النمضر وصحيت الساعه 2 الضهر من الالم
جلست عاد عندهم ثلاث ايام وبعدهالمن طلعت قال ابي اودعهن وانا التفت والقط وحده تتنهدمن تنهدها عرفت انها تقول فكه وانا احزن على نفسي بس تدرون ماخليتهافي نفسي
ناضرت لها وكان ارفع لها حواجبي اعاندها واقول احسن تستاهلن كش عليتسن
وانا اطلع في اماااان الله واروح لغرفتي يابعد مستشفياتهم
وعساني ماارجع لهم مره ثاني
يارب لاتحطني في مثل هالغرف <<<<<<الله لايعيدها من غرفه
تعالوا اعلمكم وش سويت بالسسترات في اول ليله لي بالمستشفى 
[/center]
