~ لهفة الغيبه ,, القائي المتواضع ~

السلام عليكم
ومساء الخير وصباح الخير للجميع
كيفكم ان شاء الله بخير
من زمان ماشاركت في هالمنتدى الرائع وانا احد القراء
بس العجز الله يبعدنا ويبعدكم عنه
يخلي الواحد مايكتب
لكن تشجعت اليوم وحبيت اخذ رايكم
في قصيده من القائي المتواضع
ومن كلمات الشاعر : عبدالعزيز النغموش
وان شاء الله انها تعجبكم
واذا فيه اي ملاحظه ع الالقاء ليت تعلموننا ترى لازلنا مبتدئين ومنكم نستفيد :)

للاستماع


للحفظ كلك يمين وحفظ الهدف باسم :)
كلمات القصيده

في غيابك..آه لو تدري بحالي في غيابك
إلتهت فيني جروحي والعروق اضحت ضمايا
في غيابك لهفتي ما عاد يرويها سحابك
من رحلت اشقيت روحي وما بقى فيني بقايا
كل ما مرت عليْ ذكراك ما فارقت بابك
أدري إن الدار قفراء.. بس ذا صوت الزوايا
صار بابك يحتريني.. ذاق حتى هو عذابك
والمرايا لا دعتني تاه عذري للمرايا
الجرس والباب والسدرة وانا فدوى شبابك
كل ابونا من تركت الدار في حبك ضحايا
إن تناسيتك نسيت ودار فكري وابتدابك
وان تماديت بتناسيك سألت عنك الحنايا
يا مناي ابطيت عني ما يكفيني جوابك
يوم غبت الكل غاب.. وجيّتك كل الهدايا
وينك اشتقت لحديثك، همسك، سكوتك، عتابك
كل شيٍ فيك اشوفه عذب يا عذب السجايا
ما عرفت الحب قبلك لين زينت الحشابك
وانتشت روحي بحبٍ ما وطى درب الخطايا
إن بعدت الله يحفظك.. وان رجعت فيا هلابك
تسكن الروح بغلاك وتغمر ايامي مزايا

ولاتنسون نبي رايكم في الالقاء :)

كل ابونا من تركت الدار في حبك ضحايا
إن تناسيتك نسيت ودار فكري وابتدابك



ابدع الصوت وابدع الحرف

صورة شعريه جميلة

واصل لا هنت


الجرهـــــــــــــــدي