فـقـيـدنـا
قصيدة جديدة تسربت من ملامح أبياتها وقوافي مفرداتها أحاسيس الأحزان وجراح الفقدان نبضت بها مشاعر الشاعر والإعلامي خضر اللحياني ، بعد فقده نسيبه (زوج كريمته) محمد منصور العمري وهو في مقتبل العمر قبل شهرين تقريباً نسأل الله له الجنة وللشاعر وأسرته الصبر والسلوان .
تعجز حروف الشعر.. من قوافي ومفـردات=وصف حالة حزننا.. والآمنا وجمر الأنيـن
أشعر إن الكون صمت.. صار من همّه سبات=وكل شي في وجهتي..أحس به باكي حزين
راح أبـو ريـان ودّع .. هذي الدنيا ومـات=ومابقى في عيوننا .. شي من عقبه يزين
مابقـى من دنيته .. غير ماضي الذكـريات=ذكريـات نحس فيها .. ونذكره متأسفيـن
راح راعي الطيب فينـا ..راح راع الطيبـات=يشهد الله الطيب طيبه ..ويشهدوله الطيبين
من نصـاه بمعضلـة .. حلها له في سكـات=يرتجـي دائم بفعـلة..عفوا رب العالميـن
ولافرقت دنيا القرايب..يسعى لأجل لم الشتات=عطوف وحنين لطيف ..وعنده للطيبة حنين
وأذكر يوم إنه مريض.. قبل تحضره الوفـاة= كان يوصي بفعل برٍ .. يفعله في كل حيـن
والله فقدنا غيبتـه ..ومدري ياكيف السـواة= كيف للدنيا طعم .. وأطفاله خمسة قاصرين
دنياهم فـ وجوده سعادة.. وفـ غيبته مرّ الحياة =كان متعـلق بهـم .. وبه كلهم متعلقيـن
يا أم ريان أصبري .. وأكثري إمن الصـلاة= وأدعي للمرحوم ربي .. يحسبه من الصالحين
الصبر بالله الصـبر.. خليك مثل المؤمنـات=الصابرين عند المصيبة .. الطائعين المحسنين
وأوصيك بأمه الجريحة .. كبير جرح الأمهات=أصبري ثم صبّريها .. قلبها الطيب حزيـن
فقيدنـا نعم النسيب .. يارب حقق له النجاة= وأجعل الفردوس داره .. مع العباد الآمنين
جميع الأوقات بتوقيت شبكه افراح 
للشاعر خضر اللحياني قصيدة رثاء تفوح بالإحزان 
العرض العادي
