يا شنبات تعالوا اكتشفت شي مهم

السلام عليكم ورحمة الله



طبعا بتقولوا هاذي ايش عندها ...بس اصبروا اللحين جايتكم في الكلام


من خلال معيشتي في مدينتي الحبيبة جدة ومروري على محطات البنزين ( طبعا مو انا لأننا ما نسوق ) مع الوالد والاعمام

واخوي و السواق, لاحظت حاجة صارت تتكرر وما أظنها صدفة وشوفوا اذا صارت لكم ولا لأ...

لما تعبي بنزين مثلا ب 15 ريال وتقول للعامل عبي ب15 يجي العامل بعد شوي ويقول لك اسف انا في عبي 20 او 22

وانت تقعد تتجادل معاه واحيانا تشفق عليه وتعطيه واحيانا تقله اقلب وجهك

الزبدة انهم يضحكوا علينا ولا هم غلطانين ولا حاجة بس يبغو ياخذوا فلوس زيادة

انا ايش كنت اسوي ... لمن كان يقول لي عامل المحطة انه غلط وعبا بعشرين وانا قايلتله ب 15 ادفعله 17 واخليه يستحمل الباقي عشان يصحصح

لكن في محطة تكررت الحكاية عندهم كثير , مرة معاي مرة مع عمي مرة مع اخوي...والله يا جماعة ماهي صدفة

هم مستقصدين عشان تدفع اكثر وانت ما تدري وبالذات اذا شافوك مش منتبه للمؤشر كيف كان ووين وقف اللي هو العداد

فعليكم بالتالي:

اولا : تحدد المبلغ اللي تبغى تعبي بيه بالزبط وتدفعه له مقدما عشان اذا جا زود من عنده قول له ذنبك على جنبك.

ثانيا : قول المبلغ بصوت عالي للعامل وتأكد انه سمعه مزبوط وخليه يقول لك هو قبل ما يعبي عشان تتأكد انه عارف انت قد ايش تبغى واذا زود بعد ذا كله ( ومش راح يقدر ) قله اقلب وجهك

ثالثا : تأكد من العداد خق البنزين اللي انت بتعبي منه قبل ما تعبي عشان تشوفه هو فين واقف قبل وتابعه اثناء ما انت بتعبي بنزين وبعد ما تخلص عشان يشوفك العامل انك صاحي وما ينضحك عليك

رابعا : ولا شي بس حبيت اكتب رابعا


وعلى العموم مو كل المحلات بتعمل كذا بعضها الله يهديهم وملاك المحطات ما يعرفون شي هاذي من تحت راس العمال الهنود والبنغالة والباكستانية....



ودامكم دخلتم وقرأتم ابقلكم على حاجة ثانية:

شفتم جريدة الشرق الاوسط؟ مش هي عبارة عن جريدتين قيمتها 3 ريال ؟

تدرون ايش يسوون الهنود؟ يفصلون الجريدتين ويبيعون كل وحدة ب 3 ريال يعني الاجمالي 6 ريال وطبعا الزايد في جيوبهم

ويستغلون عدم انتباه الزبون انه الغلافين للجريدة مختلفين...

تقولون لي يمكن الهنود ما يعرفون انه الإثنين جريدة وحدة ..اقلكم والله يعرفون وهاذولي مصايب

وانا قلت لهندي مرة طلع لي الجريدة الثانية للشرق الاوسط بعد ما شفتها انها وحدة بس ( طبعا بعد التهديد بأني راح اكسر راسه) والله كان مخبيها تحت الطاولة....


وسلامتكم بس لا تقولوا اني ما عندي سالفة ...

بس حبيت اجبلكم اخبار من نوع ثاني

عاد الله يعينكم علي

لا والله عندك ســالفــه :)

وهدا انتي ماسوقتي انتبهتي كيف عاد لو سوقتي السياره ههههههههه

لا طلعتي شي

:)

شاطرة

بس تعرفي

أنا غرامي محطة البنزين

أنا لما كنت بأمريكا كنت أنزل أعبي سيارة أبوي خخخخخخخ

مسوية فيها حركات

هههههههههههههههههههههه

والله اشك فيكي الوان تتطلعي تسوقي واحنا ماندري

معلومات خطيرة

انا خايف الهندي يعبي ب 15 الى ربع ويعطينا بالباقي لبان

شفتي كيف غزولة

الوحدة مننا لازم تطلع فطينة كذا ومنتبهة عشان يعرفوا الرجاجيل انه محنا هينين

اسعدني مرورك يا قلبي

اهلين يا قلبي

والله يوم قلت شاطرة احسك معلمة مدرسة وانا طالبة عندك

وانا كنت احب اشم ريحة البنزين

اللحين ما اطيقها

بعدين...

يا ولد يا ولد ياللي ينزل يعبي سيارة ابوه

حركاااااات

نورتيني والله

اي والله صدقت

وتحصل كثيرر ولازم الواحد يحرص من الناحية هذي

ويسلمووا على الموووضووع

شفت كيف مايسترو.....

اعجبك...

حكاية اللبان هاذي ماهي مستبعدة

بعدين...ما قلت صار لك هالموقف ولا لأ؟

اسعدني مرورك اخوي




عاد لا تاكلون بعقلي حلاوة

والا بكيفكم...ترى الهنود بيدفعوكم حق بنزين انتم ما عبيتموه ولا دخل سياراتكم