عندك خادمه وهربت .... تعال وفضفض

السلام عليكم

هروب الخادمات من المنازل اصبح هاجس كبير عند الكثير من العوائل الخليجيه وبالذات العوائل السعوديه
لدرجه اصبحت العوائل تستيقظ صباحا وتتفقد الخادمه اول شي هل هي موجودة ام هربت
المشاكل لاتحصى واسباب الهروب اصبحت ايضا لاتحصى
فبعد ان كان السبب الرئيسي سوء المعامله من بعض العوائل للخدامات
هنالك خادمات مرتبين هروبهم من قبل دخولهم الاراضي السعوديه
وبدلا من تعلم نظافه المنازل والطبيخ في بلادهم اصبح تنسيق العمل في اماكن اخرى هو مايتعلمونه
للحصول على مرتبات اعلى او على حريه تصرف او على امور اخرى كثيرة

انا احترت اين اضع هذة المشاركه
صحيح ان الموضوع هو للمناقشه لكن مناقشه بدون فائدة لان مهما عمل الواحد يظل موضوع هروب الخادمات قائم

عشان كدة قلت اخليها فضفضه وكل واحد هربت عليه خادمه يحط المشكله وايش صار معاه
وكم يوم او شهر جلست

وراح ابدا انا
عمتي احضرت خادمه فلبينيه يوم 27 رمضان مساء يوم 29 رمضان هربت صباحا يعني يوم ونص
السبب تحسب انها جات على محل كوافير لانها كوفيرةkaiokensm
والهروب عن طريق السطوح بواسطه انابيب الصرف <<<<< الظاهر كانت في الجيش الاخت تشتغل
الغلط على المكتب ولا على الخادمه ولا على اللي علمها القص والفرد ؟؟؟

وعليكم السلااااااااام


اعتقد الغلط مننا لأننا صرنا مانستغني عنهم وحسوا بأهميتهم صاروا يرفعوا خشومهم علينا ههههههههههههههه

البعض يعتمد على الخدم بأشياء كثيره حتى ان بعض الامهات ماتدري عن عيالها أكلهم ولبسهم وكل شي تهتم فيه الشغاله وهذا اكبر غلط ومصيبه , ما ابغى اطلع عن الموضوع وندخل في نقاش آخر نرجع لموضوعنا

عن الهروب يااااااااااكثرهم شغالة عمتي وخالتي والكوفيره اللي عند عمي

بالنسبه لخدامة عمتك الغلط من صاحب المكتب لأنه غرر بها جابها على انها كوفيرا وصارت خادمه اكيد ماراح يعجبها الوضع , بس مين يتحمل تكاليف هذا الغلط ؟؟ بالاخير عمتك هي الخسرانه وربي يعوض عليها

والله اخس شي لما تعاملهم كويس وتخاف الله فيهم وبعدين يشردون عليك..

اللي عشان تبغى مرتب زيادة..

واللي تشرد مع صاحبها...

واللي تشرد كذا مزاج...

الله المستعان عليهم...

انا افتكر كان عندنا شغالة غريبة عجيبة ... من يوم ما جات من السفر وهي كل ما احد كلمها عن اي شي بكت وقالت ابغى اسافر!!!!!

يعني مثلا تعالي يا فلانة نعيد تنظيف الغرفة تقلبها بكا وتول ابغى ارجع بلدي!!!

والله وحدة مجنونة

غير الساعات اللي كانت تقعدها في الحمام

وفجأة ..ازداد عدد الساعات هاذي ...وصارت تقعد 5 او 6 ساعات في الحمام بسم الله علينا !!!!!

وبعدين شغل البيت ما صارت تمسكه نهئي ...صرنا احنا نشتغل وهي قافلة على نفسها في الحمام

اهلي كانوا طيبين معاها عشان كذا سكتولها الفترة ذيك...

بس فعلا اتق شر الحليم اذا غضب ....

قام ابويا مرة في الصباح وطبعا لقاها كعادتها مقفلة على نفسها في الحمام...

وما اسمع الا صراخ وزعيق ..ابويا انفجر فيها وهاتك يا تهزيء ووداها بيت جدتي وقال لجدتي خليها عندك الين ما اودي العيال المدرسة وبعدين ارجع اتصرف معاها

طبعا هي حاولت تاخذ عفشها معاها بس ابويا ما رضي...

وما استنت الشغالة ابويا لمن يرجع ...قامت هربت .... ابويا قال احسن فكة

بس الذكية هربت في فترة بداية ذي الحجة والجوازات شغالة تمام عشان فترة الحج شافوا شكلها شبهة

هاربة بلبس البيت وزنوبة ولا هي لابسة شي تاني

عاد الجوازات حطوها في التوقيف بعدين سفروها ...

امي لمن جات تشوف اغراضهالقتها حازمتها من اول يعني الاخت كانت عازمة النية على الهروب من اول

غير رسايل حبيبها اللي مدري من فين جات,,,

الله يسامحها والله عاملنها بما يرضي الله

من جد موضوع يؤرق

بس الحمدلله احنا مانتعامل مع الخدم

انا اشوف السبب هوا الراتب في الاول
لانه هيا لما تجي عقدها يكون مابين 600- 800
بس لما تشتغل وهيا شارده راتبها من 1000-1300 مابقي الا يسولهم بدل سكن وبدل مواصلات واستقطاع تأمينات اجتماعيه واجازه مدفوعه الراتب وبونص هههههههههههههه
جد والله الغلط مو منهم
والله مننا احنا الي نؤويهم لما يطلبو العمل لكن لو لقوا الابواب مقفله فوجههم حيشتغل زي اول واحسن شويه
وانا اصلا عن نفسي فحياتي ماافكر استقدم شغاله <--لله فلله مااطيقهم احسهم نكبات وسحره واي شي بطال
وهذا اذ تحذر حكومة خادم الحرمين الشريفين بانه من تسول له نفسه بفعل مثل هذه الأعمال انه سوف ينال جزاءه الرادع والله الهادي الي سواء السبيل,,,خخخ

حد يفهمنى انا مش فاهم حاجة

ما عندي شغالة هربت لكن في شغالة ما تبغى عمتها ودي اهربها عندنا واقدر ايش رايكم ؟؟؟ وايش اقدر اسوي لو يوم صار ودها تسافر ؟؟؟ لا تفهموني غلط انا مش خطافة شغالات بس هي هاربة هاربة خلينا ناخذها !!!