مرحبا يا جماعة ...
طبعا هذا اول مواضيعي هنا لو سمحتوا حسكم معاي عشان اخذ وجه وابدا اكتب دايم
القصة اليوم عبارة عن نقاش صار في موضوع(( ليش المسجد اسمه موسك بالانجليزي )) وممكن تشوفوا النقاش طبعا النقاش مع صرخة سكوتي ( على فكرة صرخة سكوتي بنت ولا ولد !! ؟؟ ) المهم شوفو النقاش :
اخت عريس
صلوا على النبي يا جماعة والعنوا ابليس ... وهالله هالله بالركادة العن ام اللفة فريناد وناموس وكلام كبيير
موسك هي نفسها مسجد بس مع التعريب اختلف النطق مش اكثر من كذا السالفة وترا هذا شي معروف مش اكتشاف يعني
صرخة سكوتي
اخت عريس اخترم رائيك
واشكرك علي الأنتقاد
بس هذا الواقع اللي نعيشه
وتسلمين اختي
واشكرك علي مرورك
اخت عريس
ميرسي على ذوقك ورحابة صدرك .. بس ترى ما فهمت ايش هو الواقع الا احنا عايشينه ؟؟؟ اننا نفهم الاشياء خطأ ؟؟ او اننا ضحايا كذبة المؤامرة ؟؟ او اننا مدمنين اشاعات ؟؟ او اننا مستهدفين ومحد في العالم له شغلة غيرنا ؟؟ يا ريت توضحلي اكثر ...
طمعنا بطيبك ايش تسوي عاد !!
صرخة سكوتي
¤اخت عريس اشكرك الف شكر علي اهتمامك بالموووضوع
بس الواقع اللي احنا عايشينه ولا نحسبه
اننا مستهدفين وكمان ضحايا كذبة المؤامره
بــــــــس ما نقول اللي
حسبنا الله ونعم الوكيل
اخت عريس
طيب ايش رايك .... نعرض الفكرة كذا للنقاش ؟؟ بطلعها موضوع لوحدها وخلينا نشوف اراء اكثر ...
تعالي هناك طيب ؟؟
وعليه ... جبت النقاش هنا ..
هل صحيح في مؤامرة ضدنا ؟؟؟
طيب ما تتصوروا معاي انه حتى لو فيه مؤامرة ما راح تكون بهذي السطحية يعني احس ان الناس تترجم اشياء سخيفة الي كلام كبير ومستهدفين وبيحاربونا وكل شي بيحاربونا ويقصدوا اهانتنا ما تحسوا اننا شوي مكبرين السالفة ؟؟؟؟
ما تحسوا انه الحكاية عبارة عن ثقافة المهزوم مش اكثر ؟؟
ابن خلدون يقول انه دائما المهزوم يتبع المنتصر ويسقط في وهم المؤامرة ... يعني عشان يرضي نفسه يخدعها ويقول قاعد يحاربني ويهدمني ومدري ايش يسوي والمنتصر بالعادة يكون انتصر وخلص وما درى عن المهزوم !!
طبعا غضوا النظر عن الشرح المبسط لدرجة الابتذال لقانون ابن خلدون ما ودي ادخل في متاهات وما اكون مفهومة فعلا عشان كذا مخلية البساط احمدي واتمنى تفهموني
ياريت تشاركونا انا وصرخة سكوتي النقاش هذا ... وشكرا سلفا ...
هو صحيح ولا وهم ؟؟ شاركونا النقاش
