[TABLE="width:70%;"][CELL="filter:;"]
عشان اقدر اوضح الفكرة راح ابدأ انا
[/CELL][/TABLE]
[TABLE="width:70%;"][CELL="filter:;"]
• حادثة بمعناها الذي نعرفه وتركت اثر جسدي عليك..
[/CELL][/TABLE]
[TABLE="width:70%;"][CELL="filter:;"]
تتنوع الحوادث طبعا بين العميق والقوي وبين البسيط ولازم نعرف انها اختبار من الله لنا ليقيس قوة ايماننا وصبرنا وتحملنا
وانا عشاني وحدة بشوشة راح احكيكم عن حادث ترك اثر في جسدي بسيط ولكن كل ما اشوف الاثار اقعد اضحك (-:
يمكن لما كان عمري 5 سنين ( وانا على فكرة عندي اخ توأم ) اخويا اللملقوف ذا راح عند المكواة ( اللي تستخدم في كي الملابس ) وطلعها من مكانها وشبكها في الكهرباء
وتعرفون كيف كانت زمان مرة ثقيلة ... المهم قعد يلعب فيها وينقلها من مكان للثاني ...وعشان حظي الاكشر وهو ينقلها وعشانها ثقيلة طاحت على رجلي وهي حااااااااااااااااااااارة ...
وطبعا انحرقت رجلي ..وبكا وصياح واهلي ما كانو في البيت ...والشغالة راحت وحطت معجون اسنان مكان الحرقة ..
بعد ساعة يمكن اهلي جو ونقلني الوالد المستشفى وطبعا الاسعافات والتغليفات ....
ويوم شلت الربطة لقيت مكان الحرقة مكون شكل زي الهلال في ركن قدمي .. شكلها مرة مميز
وبعد 17 سنة والله الاثر موجود ...رغم انه بسيط .... ويذكرني كل يوم بغباء اخي العزيز ..
[/CELL][/TABLE]
[TABLE="width:70%;"][CELL="filter:;"]
• حادث او موقف ترك اثر نفسي عليك وهزك بعمق ولا تستطيع ان تنساه.
[/CELL][/TABLE]
[TABLE="width:70%;"][CELL="filter:;"]
فيه حادثة حصلت من كم شهر واثرت في نفسيتي جدا ... وخلتني زعلانة ومضايقة لمدة اسبوع
وانا راجعة مع الوالدة الساعة 12 الظهر كذا من عند دكتور الاسنان ..كنا ماشيين في شارع التحلية ووقفنا عند اشارة تقاطع التحلية مع الستين اعتقد...
المهم الاشارة صارت خضراء والناس مشيو والسيارتين اللي قدامنا ما تحركت صبر سواقنا شويا برضو السيارتين ما تحركت قلت يمكن فيه سيارة خربت بس ما شفت احد طلع من السيارة
السواق تحرك ورجع على ورا ومشا من جنب السيارات ...السيارة اللي قدامنا كان فيها سواق فلبيني واقف ما يدري ايش يسوي ...المشكلة السيارة اللي قدامه كان فيها شاب لمحته وانا ماشية من جنبه ,,راسه مايلة على جنب والسيارة واقفة بس شغالة والاشارة خضرا ء
الولد كان ساكن مرة ...
المهم واحنا ماشيين قعدت احلل اللي شفته ... ياترى الولد ايش فيه
طيب يمكن صار له شي ..يمكن تعب ..يمكن داخ ..يمكن ... ..ويمكن يتهألي...
قلت لأمي انفجعت .. وقالت ليش ما قلتيلي خلتينا نستنا ونشوف اش صار فيه ...
والله جلست مرة متعذبة علشانه ..يا ترى ايش صار فيه ..طيب انا ليه ما وقفت ودقيت على القزاز اشوف ايش فيه ...ايش فيها لو اني حرمة..هو انسان وكان محتاج لمساعدتي واللي يصير يصير
طيب اقلها لو دقيت على المروراو الاسعاف .. بس يمكن عشان سرعة الاستجابة عندي بطيئة ما فكرت فيها ساعتها
والله قعدت كم يوم اتابع الجرايد ..قلت يمكن لو صار له شيء لا قدر الله يطلع في الجريدة وما لقيت شي
والله وصلت معي للبكى..
واخذت عهد على نفسي وامام الله انه أي انسان يحتاج مساعدة بعد كذا حساعده مهما ما كان الموقف ومهما كانت التبعات وان شاء الله ما اكون اخليت بوعدي ..
[/CELL][/TABLE]
[TABLE="width:70%;"][CELL="filter:;"]
• حادث او موقف تعلمت منه وتغيرت طريقة تفكيرك واتجاهك في جانب من الحياة
[/CELL][/TABLE]
[TABLE="width:70%;"][CELL="filter:;"]
هذا الموقف اللي ححكيكم عنه تغيرت فيه نظرتي للشحاتين والمتسولين
وتعلمت منه ما احكم على المظاهر
خرجت مرة انا واخويا وعشانه كان مكسل قالي اقولك خلي السواق يودينا ..اريح من السواقة (-: والله ادمي غريب
رحنا مخبز واشرينا كيك ومعجنات .. واحنا خارجين شفنا واحد عجوز بملابس رثة ولحية بيضاء كبيرة وكان سعودي ... وقرب من سيارتنا من دون ما يتكلم مع ابتسامة ...مرة حزنت عليه ...وقلت لأخويا يعطيه فلوس ... اخويا هذا ابخل من البخل نفسه العادة ما يعطي احد لكن حتى هو عشانه حزن على الشايب طلع فلوس واعطاه ...
المهم الصدمة جات من سواقنا ..قال (شوفوا سيارة العجوز قبل شوي جا وانا شفته ) والله يا جماعة سيارته اكشخ من سيارتنا
والمصيبة الثانية انه جا مع سواقه .. وعنده سواق كمان ... ولا تقولوا يمكن العجوز مغصوب ...واضح جدا انه جاي بمزاجه
انصدمت ..قلت لأخويا هذا شكله فلوسه بحر واغنى مننا بكثييييرويشتريني ويشتريك kaiokensm
والله بعدها صرت ما ادي أي شحات وجه ..والفلوس على طول على الجمعيات الخيرية ..
[/CELL][/TABLE]
•
[TABLE="width:70%;"][CELL="filter:;"]
حوادث غريبة مررتم بها
[/CELL][/TABLE]
[TABLE="width:70%;"][CELL="filter:;"]
هذي الحادثة مستحيل انساها وتعرضت لها يمكن وعمري 8 سنوات
الوالدة كانت تشتغل مدرسة وانا ادرس معها في نفس المدرسة
في يوم من الايام في الظهر واحنا خارجين في الظهر وبعد ما ركبنا السيارة افتكرت امي انها نسيت وسيلة تعليمية وقالت لي اروح اجيبها
المهم ..وانا راجعة من المدرسة وقاطعة الشارع الظاهر اني كنت ماشية مسرحة ومش مركزة .. وفجأة التفت يساري لقيت سيارة جمس سوبربان متجهة بكل سرعتها علي ..ويمكن ما انتبه لي عشان صغري
ما قدرت اسوي شي وصدمني ..
حسيت بنفسي وانا طايحة على الارض .. والرجال في السيارة حس انه صدم شي وخرج مفجوع وشافني
بس والله يا جماعة ما حسيت ولا شي لما صدمتني السيارة كأنه في غلاف واقي محيط فيني او كأنه الوسيلة ( اللوحة ) امتصت الصدمة
وقمت وانا اطالع في نفسي ..الحمد لله ولا خدش ولا جرح
والله كأنه احد تلقى الصدمة عني ..
طبعا امي شافت المشهد ذا كله ..يوم رجعت البيت قامت تبكي واعطتني كف ( قلم ) على وجهي ...وتقول لي لو رحتي ..لو رحتي ..
والله وانا صغيرة عرفت قد ايه امي تحبني ... وانه ربي حماني ذاك اليوم
[/CELL][/TABLE]
[TABLE="width:70%;"][CELL="filter:;"]
• حادثة سببت لك عقدة من شيء او فوبيا من شيء
[/CELL][/TABLE]
[TABLE="width:70%;"][CELL="filter:;"]
انا يا جماعة عندي فوبيا من مفتاح المكيف ..اخاف افتحه مرة بسبب حادثة
وانا صغيرة مرة فتحت المكيف وعلق معاي المفتاح وشوي صار التماس وحسيت زي الرعشة القوية في يدي
والله مت خوف من المنظر ومن الالم
وخلاص صرت مرة ما افتح مكيفات كل ما قرب من مفتاح المكيف افتكر المنظر والالم وتجيني زي الرعشة ...تصدقون؟؟!!
المهم الحالة هذي خفت شوي لما كبرت بس لازالت موجودة
وربي رحمني اللحين انه بيتنا تكييف مركزي عشان ما اطر اتعامل بالمفاتيح
[/CELL][/TABLE]
[TABLE="width:70%;"][CELL="filter:;"]
معليش طولتها معاكم
وانا تكلمت عن كل شي عشانه موضوعي
انتم اختاروا موقف مأثر فيكم من جد وحكوني عنه
مش لازم كل شي زي ما انا سويت
اعتبروها صفحة ذكريات
وانا في انتظاركم ..لا تكسفوني
[/CELL][/TABLE]
حوادث مرت بنا وأثرت فينا جسديا او نفسيا وتعلمنا منها
