ايهما افضل؟؟؟

السلام عليكم جميعاً..

لوسمحتوا عندي سؤال محيرني شوي..

ايهم احسن ازالة الشعر بالليزر او الضوء؟ ولو كنتوا من الرياض ايش احسن مكان اوعيادة يسويها؟

وبالنسبة لتبيض الأسنان ببلازما الضوء سمعت انه مايدوم كثير ابداً وبسرعة يروح؟
هل هالكلام صحيح ولا لا؟


وشكرا لك من دخل ورد..
قيثارة الصمت

اهلين اختي

اللي اعرفه من استفساراتك ,,

الليزر الكل يمدحه ومافيـ افضل منــــه

والباقي ان شاءالله الاخوات ماحيقصرو معاك

,,

اهلين اختي قيثارة ومبروك فوزك بمسابقة احسن زفة اذا اني ما خربطت (-:

الليزر مرة يمدحونه بس ترا الشعر يطلع من جديد

شوفي في الرياض اظن عيادات ادمة واوباجي حلوين وان شاء الله الاخوات من الرياض ما يقصرو معاكي

بالنسبة لتبييض الاسنان شوفي انا مسويتها

سويها على مرحلتين

مرحلة عند طبيب الاسنان بواسطة بلازما الضوء

والمرحلة الثانية راح يسويلك قالب لأسنانك ويعطيكي معاه معاجين واشياء ثانية تستخدمينها في البيت لمدة اسبوعين اظن

وراح تشوفين اسناك وااااااااااااااااااااااااااو

وبالنسبة انه يدوم او ما يدوم على حسب ..اذا انك تشربين مواد ملونة كثير مثل القهوة انصحك تسوينها كل 6 شهور

موفقة ان شاء الله

مشكورة اختي غزل على ردك ..
واعتقد اني بجرب الليزر اضمن واقدم

وشكرة مرة اخرى

اهلا اختي الوان..

اول شي الله يبارك فيك .. وبصراحة ماعرفت الخبر الحلو إلا منك حتى اني ماكملت ردك ورحت اتأكد من كلامك
والحمدلله انك ماخربطتي..

والليزر او الضوء كلهم يطلع الشعر فيهم بعد فترة يمكن سنة او اكثر او اقل على حسب نوع الشعر والوراثة وغيرها..
اما تبيض الأسنان ..
فهل المرحلة الثانية اطلبها انا من الدكتور او ان الماكان اللي رحتي له يسون لك هالخدمة ؟
إذا كانت هذي خدمة اضافية عندهم ..قولي لي وين المكان حتى لو ماكان في الرياض
وشكرا ياقمر

بس سؤال اخير..
كم لك مسوية التبيض؟ وهل خف اللون او لا؟

ولك تحياتي ياقمر..
قيثارة الصمت

السلام عليكم
^.^
اختي قيثارة

الله يعنك ويوفقك

بس بسالك الليزر ما تخافي يكون له مضاعفات ؟_؟

بصراحة دخلتيها براسي شيل الشعر بالليزر @_@

الله يوفقنا كلنا

تسلمات^____^

هلا اختي قيثارة ..

انا جبتلك معلوما عن الاثنين وتقدمها جميع عيادات الاسنان

وفي ناس يختاروا التبييض عن الدكتور ببلازما الضوء بس

لكن نصيحة خذي النوعين عشان تطلعلك النتيجة تماااااااااااااااام

"هنالك طريقتان لتبييض الأسنان, تبييض يتم عمله في عيادة الاسنان وآخر يتم عمله في البيت وفقاً لتعليمات طبيب الأسنان.

إن تبييض الاسنان في عيادة طبيب الأسنان يستغرق مدة تتراوح بين الثلاثين دقيقة والساعة خلال الزيارة الواحدة وليس من المستبعد ان يصبح السن حساساً بعض الشيء بعد عملية التبييض, ولحماية الفم يتم وضع مادة شبه هلامية على اللثة بالإضافة إلى حاجز مطاطي يتم وضعه حول الاسنان ,

وبعدها يتم طلاء الاسنان بمحلول كيميائي يتضمن عنصر أكسيدي, ويمكن استخدام ضوء خاص لتنشيط هذا العنصر,

إن تبييض الاسنان في البيت يتطلب قيام طبيب الأسنان بأخذ نموذج من الأسنان وتصنيع اطار مناسب لهذا النموذج ووصف المادة المبيضة التي تأتي عادة على شكل مادة هلامية, بعدها يتم وضع هذه المادة الهلامية في القالب المعد لهذا الغرض ويتم ارتداؤه بالفم لمدة ساعتين خلال اليوم أو خلال ساعات النوم لمدة أسبوعين,

ان المدة اللازمة لارتداء هذا القالب تتعلق باحتياجات الشخص المعالج وبتوصيات طبيب الأسنان المختص, سوف يقوم طبيب الاسنان بالاشراف الكامل على عملية التبييض في البيت للتأكد من فاعليتها وسلامتها "


وهاذي صور قبل وبعد التبيض وتختلف النتيجة حسب درجة اللون للأسنان قبل التبييض

قبل التبييض

وانا عن نفسي بيضت اسناني قبل 7 شهور واللون اللحين خف شوي قلت ابرجع ابيضها في نص الاجازة ان شاء الله

وكل واحد وحسب عاداته واسنانه في ناس يحتاجونها كل 8 او 6 شهور وفي ناس كل سنة على حسب يعني

لكن مع الاهتمام بالاسنان وتنظيفها بالخيط واستعمال معجون خاص بتبييض الاسنان من كرست او سيجنال مع زيارة

طبيب الاسنان للقيام بعملية تنظيف دورية كلها تساعد على ابقاء اسنانك بيضاء

اتمنى اكون افدتك وانا تحت الخدمة في اي وقت (-:

اختك ألوان

بتر فلاي

بصراحة ما ادري عن مضاعفاته لأني ماجربته
بس كل اللي اسمع عنه إما انه مايزيل الشعر غير سنه او انه يهيج البشرة لفترة بعد الجلسة ويروح
واللي سمعت انه ممكن يكون بس قليل هو انه ممكن تطلع حبوب في البشرة

و هذا كل اللي اعرف
والله يكتب لنا اللي فيه الخير

مشرفتنا الغالية الواااااااااااااان..
الف الف شكر على المعلوماااات
واسفة على تعبك معاي والله
والله يجزاك الف خير

وراح اجرب الأثنين ان شاء الله

تحياتي لك يالغالية..
قيثارة الصمت