زفه سندريلا

ابي رايكم بزفتي اللي ناويه عليها

اولا ...... خلوني اقول لكم سبب الفكره هذه !!!!

يوم من الايام كانت حماتي زايرتنا وسرقه معاها جزمتي اكرمكم الله ومن يومها وانا اطالب بها
ومنها سميت نفسي سندريللا مضيعه نعلتها .... وكتبت قصه فيها نزلتها بمنتدى (7)


ثانيا ........... الفكره !!!!!!!


دخولي الاول راح يكون قبل العريس بساعه حتى يملون الناس وهو يناظرون في وياخذون راحتهم
الدخول موسيقى قويه يعني موربشه لالالالا بس لها ايقاع صاخب وبالصوت
ويكون قدامي اربع اطفال يحملون بيدهم ورد نثر وينثرونه على الحضور ووراي مثلهم
ويكونون لابسين فساتين حمراء والاضاءه مطفيه والليزر يكون مشغل ويلعب في القاعه اما الكشاف يكونو اثنين وموجهين صوبي
لما اوصل لاخر المنصه تجيني اصغر طفله معنا ولابسه ابيض × ابيض وتقدم لي القرآن وهي حاملته على خداديه

دخلو العريس الاول طبعا انا ماراح اكون موجوده بنحاش عنه
اللي راح يدخلونه اخوانه وعمامه واهله طبعا دخوله بلا قيود ههههه رجال بيقلبوها سامري
مثل زواج اخوه بعد التنظيم انقلب ساحه رقص وسامري واستعراض مهارات


الان النقطه الاهم دخولي له وهو ياخذني .......................................
راح يكون العريس داخل قبلي وواصل للكوشه اما انا راح ادخل وانا حافيه القدمين
وفي طريقي للمنصه راح احاول انو الناس تنتبه لي وانا بدون جزمه في نصف الطريق بيكون العريس يمشي بأتجاهي
نلتقي بالنص وتجي طفله حامله خداديه وفوقها الجزمه تقدمها له
وهو بدوره راح يلبسني الجزمه وتجي طفله ثانيه من خلفي تحمل نفس الخداديه مع الفرده التانيه وبرضو مثل الاولى وياخذني معه الى الكوشه
وطبعا الخلفيه كلاسيك وانا امشي على المنصه الكشاف موجه علي والكشاف التاني موجه عليه
وبعدها راح يكون الكشافين موحدين علينا وحنا نمشي للكوشه
وطبعا الليزر بيكون يلعب بالقاعه

نسيت اقول لكم لازم يكون بروجكتر موجود في البدايه يتوجه علي وبعدها عليه في الدخول وبعدها علينا حنا الاثنين


عطوني رايكم وبدون مجامله

فكرة لابأس رغم فيها نوع من الجراءة بخصوص انزفافك حافيه
ومادري هل يتقبل العريس انه يلبسك الحذاء امام المعازيم ولا لا

لكن اشوف انك تنزفي في المرة الاولى راح تحرقي زفتك الثانيه

لان الناس شافوكي خلاص

ممكن تخليه ينزف قبلك افضل
ويظهر امام الناس انه يبحث عنك
وبعدها تظهري انتي ويعود لاخذك امام الناس وزفك للكوشه
طبعا لابد يكون وجودة في الكوشه مع قصه السندريلا عشان الناس تستوعب انها زفه السندريلا

ان شاء الله اكون افدتك

مممم

فكره حلوه

مشكوره فديتج

فكره حلوه بس تحتاج شوي تعديلات

مثل ماقال المايسترو اذا دخلتي المره الاولى لوحدك خلاص بتروح طلعتك لأن الناس شافوك

هالأيام صارت موضه ينزف العريس أول مع اخوانه واهله مدري ليش بس اشوف كثير كذا , يمكن يبي ياخذ الجو هههههههههه

المهم لازم تنسقي ديكور الكوشه بديكور مناسب لفكرة سندريلا ,مثلا تكون الكوشه على شكل قصر والكرسي عربة سندريلا ,, واذا قدرتي هدايا المعازيم برضو حاولي تكون على نفس الاستايل

وهذي أمثله



هذي شمعة على شكل عربة سندريلا ,,, من موضوع الاخت مليكه جزاها الله خير

وممكن هذي :



بحاول اجيب لك كم صوره مناسبه


وفكرة انك تنزفي حافيه و يلبسك الحذاء مدري احسها كبيره شوي , الا اذا هو ماعنده مانع والشي يعتبر عادي عنده


وألف مبرووووووووووووووك ,, ربي يوفقك ويهنيك

تسلموووووووووو جميعا على المشاركه
واعذروني تأخري على الرد عليكم

فكره حلوه الله يوفقك ويتمم عليك بخير
بس مثل ما قالو الاخوان احسها جريئه جدا
من دخول العريس على النساء وانه يلبسك الجزمه هذي احسها قويه عليه واحسها حركة ذل شوي
يعني هذي حركه كويسه لو ماكنتوا عرب بس بما انكم عرب وخليجيين فاحس انها اهانه للعريس والوحد الزم ماعليها زوجها انه يطلع في احسن صوره وفي اقوى موقف
هذ كله كوم واتك تضيعين جزمتك كوم .......... بس كيف راح تدخلين مره ثانيه بدون جزمه اذا كنت طويله فكويس بس لو ان طولك موقد كذا فبتصير فشيله ............. يعني اذا دخلتي مره ثانيه المعازيم بيدورونك فوق زي اول ولا راح يحصلونك الا تحت وعاد اذا لبسك الزوج الجزمه بينهبلون المعازيم بيحسبونك راقيه فوق سلم ولا ونش رافعك (هذي معاناتي... اذا خلعت الجزمه اصلي ولا لأي سبب فكأني طايحه من السطح ..) بس ان شاالله انك احسن منا كلنا
والله يوفقك ويتمم زواجك ويعطيك الي تتمنينه
وفي النهايه انتي راعية الراي الاول والاخير وانت الي تعرفين المناسب والي مو مناسب
ويمكن يكون زوجك باالمره جنتل ومتفهم ولا يكون فيه العقد الي متجمعه عند الرجال

iiiiiiiiiii leopfkeo