تحذير لكل البنات من العضو جاك

السلام عليكم ورحمة الله وبركاته
مساء الخيرات
كيفكم بنات عارفة اني تأخرت بالموضوع يعني مانزلته بدري عشان عندي اختبارات اخر سنة في الكلية والحمدلله تخرجت
المهم موضوعي ماراح يكون الاول ولا الاخير في المنتدى طبعا في خوات جزاهم الله كل خير على المواضيع اللي نزلوها بخصوص الاخ جاك
وابدا في المو ضوع واقوول يابنات مو كل من جا وقال انا مصمم نصدقه وناخذ رقمه بحسن نية ونتصل عليه ترا في ناس كثير ماتخاف ربنا
اوكي انا ماانكر ان اخوي جاك نزل مواضيع كثيرة فيها افكار حلووة
بس في نفس الوقت كل كلام الاخت لطيفة كان صح وكمان الاخت اخرة العنقوود
وهادا رابط موضوع الاخت لطيفة
http://www.afrahmusic.net/vb/showthread.php?t=17240
بصراحة حرام عليك ياجاك مادام انت مو قد الشي ليش تقوله وتوعد الناس فيه
ومو كل شي والثاني تقوولنا انا اعتذرت عن الحفلة الفلانية اللي كانت بسعر كذا وكذا ترا الحياة مو كلها فلووس ارجوو ان تقوول لنا انت كيف مصمم وارجو انك تجيب لنا شي من تصاميمك او شهاد ة الخبرة وبصراحة انسحابك كان في وقت مدروووس جدا ايش تعليقك على انسحابك من المنتدى في فترة الصيف
لاتعتبرموضوعي مسخرة ولاتكبر راسك على افراح ميوزك وتقوول المنتدى مايستاهل اني احط شهاداتي فيه لو كنت واثق من نفسك تقدر تواجهنا كلنا واحنا مو واحد ولا اثنين احنا اغلبية اعضاء المنتدى
نصيحة اخيرة لكل بنت لاتوقعي في فخ جاك وكمان العقد اللي قلت انك وقعته اتمنى من كل قلبي انك تجيب لنا صورة منه عشا ن نرتاح ونتأكد من الموضوع كله
في الاخير انا بقوولكم ايش صار معي انا شخصيا
المهم اول مرة اخدت الرقم وكنت بأتفق معاه عشان يصمم لي ملكتي المهم وتكلمت معاه واتفقنا على كل شي تقريبا وقالي انا راح انزل ببلاش بس سعر التذاكر والفندق تمام
المهم واتصل عليه تاني مرة وكان يسولف بشكل عادي جدا انا رديت افتكرت انو في شي عالموضوع الاول افتكرت يعني يبي يتعتذر مثلا يعني مايقدر يجي بالرغم من اني اتفقت معاه اتفاق مبدأي قبل حتى مااحدد مو عد الملكة واتفاجأت انو متصل كذا على طوول اانا اعتذرت وقفلت الخط
وبس وكمان لو كان متزووج عن طريق حب زي مابيقوول ماكان راح تلاقوه عالايميل في وقت متأخر يعني زي الساعة 12 ومافووق معقووول خصوصا انو لمن بسأله بقوول له اخبار زوجتك يقول عند ابوها واكثر من مرة سألته نفس السؤال وكانت نفس الاجابة يعني هوه متزوجها عشان يوديها بيت اهلها صح احنا مالنا دخل في حياته بس انا قصدت اني اقوول حتى زواجه شكل كذب في كذب حتى الصورة اللي كان منزلها في موضوع عن ان مدير شرطة جدة بيحضر زواجه اعتقد كلكم فاكرين والصورة اللي كان منزلها في الموضوع وقال انها صورته مع مدير الشرطة غير الصورة اللي دائما يحطها بالايميل ويقوول انها صورته
عموما بنات لاتنخدعو باللي زي جاك
اسفة عالاطالة بس الموضوع مرة قهرني