السلام عليكم ورحمة الله وبركاتـــــــــــــه
أحضرت لكم قصيده أعجبني طريقة طرح الشاعر لتساؤلاتها
اتمنى ان تنال اعجابكم
الكلام اللي فبالي صفحتين وصفحتين
صفحتين(ن)فاضيات وصفحتين(ن) أسئله
صفحتين(ن) فاضيات(ن) طالعيهن تفهمين
كم لنا ما ألتقينا واللقاء ما أسهله
أكتبي في كل صفحه كلمتين وكلمتين
والا اقول لك أمسحيهن الرسايل مهزله
قابليني (بس) مرّه وان بغيتي تسكتين
أسكتي خلّي عيونك تنثرك شوق ووله
وصفحتين الأسئله أقري وابيك تجاوبين
جاوبيهن سين؟سين؟ وانهي كل المسأله
ابغي اعرف وش شعورك لو نجيلك خاطبين
طالبين القرب منّك يا منى القلب وهله
وابغي اعرف وش جوابك لو يجونك سائلين
جالك البارح (عريس) نرفضه أو نقبله؟
وابغي اعرف لا طبعنا كرتنا وش تأمرين؟
أكتبه كلّه قصايد والا اكتب أمثله
وان بدا الحفل افترضنا وين ودّك تجلسين؟
فوق رمش العين والا في مكان(ن) أجهله؟
وان لفن امّي وأمّك وطلبن منّك تجين
تمسكين بإيد رجلك وسط زحمه مذهله!
ما أضنّك تقبلين وما أضنّك ترفضين
(بس)قولي كيف وضعك قبل أخر مرحله؟
وبسألك لا من وقفنا وحدنا متقابلين!
والا اقول لك :روحي اقري صفحتين الاسئله!
الشاعر يحي الحارث
تحياتي للجميع
اختكم الشموووخ
جميع الأوقات بتوقيت شبكه افراح 
صفحتين وصفحتيــــــــــــــن 
العرض العادي
