مرحبا أعضاء أفراح ميوزك
هذه قصيده لي حابه انكم تقرونها
الصمت عنواني
كلام الود أحيانا سبـب جـرح لمشاعرنـا
ذكرناهم وكابر قلـب كـان الطيـب عنوانـه
تعال ونسكت أحسن من حكي يقلب مواجعنا
على ذكرى بحور الشعـر أوزانـه وقيفانـه
حسايف كان قلبي مال وصار الوصل يتعبنا
نشدنا وصله المنسي وعزفنـا كـل ألحانـه
نطرنـا كلمـهٍ منـه تبينـا او ترجعـنـا
لقيتـه شايـل ٍ منـي ومقفـل كـل بيبانـه
ياشيخ أرجوك مايستاهل القسوه تدهوّرنـا
يا شيخ العشق أسمى شوف ياقوته ومرجانه
بغينـاك وتقدمـنـا بغيـنـاك وتأخـرنـا
ياشيخ اقسم برب البيت ان النفـس ولهانـه
اذا تسـال بـلا وش مستفيديـن بتجبرنـا
نعاف الحب ونمشي له لان الـروح خوّانـه
ما بين امواج بحر ٍ ثاير بموجـه ويرهقنـا
انا بسال سؤالي ياترى وش موقـف الدانـه
تذكرنـا وحـنـا مانسيـنـا لا تذكـرنـا
ولا في الحب منّه والمنـون لنـاس عدوانـه
جمايلكم بوسـط العيـن تأكـد ماتفارقنـا
تعطّرني إذا مـرت بعطـر أنفـاس ريحانـه
أخذنا الدرس وتعلمنا وتمكن في خواطرنـا
جمعنا أمس بعض الهمس وثبت فينا بسيسانه
مشينا بدرب يجهلنا وطريقه صـار جارفنـا
عسى الرحمن يعصمنـا ويرحمنـا بغفرانـه
وأقسى درس في عمري ولا يجرح مشاعرنا
ويبقى الصمت عنواني أنـا وأصيـر عنوانـه
جود الغيد
جميع الأوقات بتوقيت شبكه افراح
:: الصمت عنواني ::
العرض العادي
