لطلبات عمل العرض السينيمائي قبل الزفة

ماحبيت ابدأ معاكم الا وانا واثقة كل الثقة من اني استطيع الالتزام .... اي عروسة حابة عمل عرض على البروجكتور قبل الزفة ... او صورت فرحها بكاميرا فيديو منزلية وحابه يتعملوا مونتاج تراسلني على الخاص او تحط صورها على سي دي بطريقة سينيمائية ..... واسعاري لا تصدق ....

اشكرك اختي على هذا العرض ,,


لكن لدي استفسار

هل لديك محل رسمي ؟؟

من الصعب جدااااااااااا ان ترسل العروسه صورها الخاصه لشخص مجهول الا اذا كان لديك محل رسمي ليطمئن قلبها

كلامي ليس به تشكيك بك لكن الحذر واجب


واتمنى لك التوفيق

معاك الف حق ولكني في بداية البداية واي عروسة تود التعامل معي هايكون وجها لوجه ... والمحل اكيد انه من ضمن خططي ولكن قدام شوية ..... وبعدين كل المصورات اللي عندهم محلات فاخرة الان بدأوا مثلي عشان يحققوا الانتشار اول ؟؟؟ ولا !!!!
مع العلم اني قمت ببعض الأعمال لمن هم في محيطي من اقرباء ...واصدقاء .. وزميلات في العمل وفي بعضهم معاي في العمل وماعرفهم بس عملت لهم شغل

ومن حق اي شخص التأكد من الناس اللي يتعامل معاهم

شاكرة لك

اشكرك اختي العزيزه على التوضيح والتجاوب السريع

واتمنى ماتكوني زعلتي من سؤالي بس انتي عارفه اننا نحرص على العضوات وانا سألت من باب التوضيح فقط

اتمنى لك التووووفيق والنجاح في شغلك ونشوف لك ارقى واحلى محل بالقريب العاجل ان شاء الله


تقبلي تحياتي

اختك الشموخ

بالعكس اختي شموخ موضوع الثقة والأمانه هذا شغلي الشاغل وهو سبب تأخير موضوع المحل .... انا ممكن افتح المحل واشتري الكاميرات وابدأ التصوير فعلا بس تحميض وطبع الصور هايكون بالتعاون مع احدى معامل الطبع والتحميض وهذي الأماكن انا رحتها بنفسي وشفت مستحيل ماتلاقي فيها حتى لو رجال واحد ..... فقررت اني اشتري اجهزة الطبع والتحميض الخاصة بي عشان ولا صورة تطلع بره .... وانت عارفة الأجهزة دي مو رخيصة ومحتاجة وقت الى ان استطيع شرائها

شي تاني والله يشهد علي فيه انه مو كل واحدة فاتحة محل رسمي يعني انها امينة انا بنفسي رحت مع احدى قريباتي عشان نتفق معاها على موعد تصوير فوتو فقط ( الفيديو انا قمت به) والله امام باب محلها في الشارع صور بنات مقطعة ومرمية في الشارع قدام الرايح والي جاي وبامكانك تمييز وجوه صحبات الصور

وبعضها الوجه كامل حواف الصور فقط هي المقطعة

ولكن ماذا نقول ............... رب العالمين متطلع

لاحول ولاقوة الا بالله ,, حسبي الله عليهم

اكيد مو كل صاحبة محل امينه وربي يعين ,,, فيه ناس ضميرها مات وماتخاف الله

انا ماكان قصدي ان صاحبة محل يعني بيكون فيه امانه بس على الاقل فيه محل اقدر ارجع له واستعيد الصور او اقدم شكوى لو لاقدر الله حصل شي مو مثل لو اي احد ما اعرف له مقر واخذ الصور ولاعاد شفته ,,,

عموما مسألة الصور تخوف ونقول الله يوفق العروسات مع الأمينات اللي مثلك اللي يخافون ربهم

الله ييسر لك امورك اختي ويوفقك وتنجحي في مجال عملك ان شاء الله

الله يوفقك اختى ان شاء الله والى الامام
للاسف اغلب المصورات والمحلات يقومون بالتعاون مع رجال بسبب قلة خبرتهم وفهمهم
وللاسف ان االغلبية تتخذ المحل او المركز او شوية ديكورات ثقة ( مع ان والله هم اللى يخوفون لانهم مستترين وراء شي كذب بكذب كله وعارفين الناس حتصدقهم ) وياما استديوهات كبيرة تاخذ الشغل لواحد وعدة منهم مو محلات معدودة على الاصابع
الله يثبتك ويزرقك على قد نيتك وان شاء الله البنات يستفيدون من شغلك
اذا ما عليك امر ممكن الايميل او الرقم او المكان على الخاص؟

يعطيك العافيه بس استفسار انت من وين اقصد برياض او برا
وشكرا

حياك الله اختي رماح الصمت انا من جدة
والأخت سوسو هارسلك ايميلي على الخاص

ياخسارة يااخت سوسو لا يمكن ارسلك رسالة خاصة الا بعد 100 مشاركة
على العموم هذا ايميلي
ولامواخذه من المشرفين مااعرف ممنوع ولا مسموح كتابة الايميل بس على العموم
هذا ايميلي - تم حذف البريد -