محتـــــاجــة النصيحـــــــــــــــــــــــــه

سلاااااااااااام

انا حابه ادخل في الموضوع لاني ابي النصيحه منكم

انا مملكه لي الحين حوالي شهر ونص ..مشكلتي في اتصال

جاني ثاني يوم بعد المكله من بنت كانت تسالني وش علاقتي بفلان (زوجي)

ولما سالتها من تكون قالت اخته وطبعا كذابه ..وبعدها ادعت انها زوجته وانه رجال متزوج

ووصخت لسانها ..على اساس اني لي علاقه معه مو زوجته

وطبعا بعد ماوجهت زوجي قالي هذا ماضي وانا تغيرت ومن بعد وعوده وحلفان انا مشيت الموضوع

لان الحين كثير من الشباب اللي يتكلم تلفون ويكون له علاقات ..صاير التلفون زي شرب السجاره

بس من اسبوع اتصلت وقامت تهدد ..واللي فهمته ان اللي بينها وبين زوجي مو مجرد تلفون وبس

كان اكثر من مكالمات ..والحين صرت شكاااااكه في كل شي يعمله من اتصالات وروحات وجيات

ابي النصيحه منكم وكل وحده تحط نفسها مكاني ..هل راح تستمر بعد ما عرفت عن ماضيه وتعيش على احتمال

انه تغير ؟؟

او تخبر اهلها وتنهى كل اللي بينهم لان ( ان كان هذه اولها ينعاف تاليها )؟

مع انه ما باقي على الزواج الا حوالى الشهرين ونص


صدقوني بكون شاكره لكم اذا نصحتوني لاني محتاجه النصيحه ..والله يعلم بحالي


واللي تعرف موقع للاستشاره في هالامور ارجوووووو ان تفيدني

حبيبتي ..

طبعا مااستبعد ان كل شاب بيكون له ماضي ..

لكن ان كان هو رجع لهالبنت او كلمها او للحين مرتبط بيها ..

كان مااتصلت وحرشتك على زوجك ..

وحاولت تفرق ..

كان امديها سكتت عشانها تخاف انه يزعل منها ويتركها ..

لكن الواضح من كلامك انها بتتصل وبتمليكِ شكوك ..

وهادا دليل انه سابها وتركها وعافها ..

نصيحتي ..

حبيبتي حافظي على زوجك دامه طيب ..

وحاولي تحتويه وتنسيه غيرك ..

هاذا زوجك .. يعني تدافعي عنه بدم قلبك ..

مو من اول مشكله او عقبه بتتخلي عنه ..

ودامه قلك انه ماضي وراح معناته اكيد متمسك فيكِ..

ويحبك..

عشان كذا قابليه بالمثل .. حبيه وموتي فيه ..

وحافظي عليه ..

افضل من انك تسمعي لوحده ماتعرفي هيا كاذبه ولا صادق ..

والله يوفقك حبيبتي ..

هلا حبيبتي

عز علي اقرا موضوعك ومارد عليكي ولو بشي بسيط

او شي اقولك حاولي تقعد مع خطيبك قعده مطووله قعده تحطي فيها النقاط عالحروف

وتحاولي تفهمي منه كل شي بخصوص هذي العلاقه

والى وين وصلت

وتحلفيه اذا كانت العلاقه هذي انتهت ولااااا

وحاولي تشوفي ردود افعاله وطريقة كلامه

اذا حسيتي فيها

صدق وحسيتي انه ندماان وكل شي انتهى

طنشيها وماعليكي من كلامها واكيد انها هي محتره عشان تركها

و راح تختلق كلام مو موجود اصلااا

وزي ماقلتلك الاخت الي قبلي

حاولي تحتويه وتنسيه مامضى

ومين الحين ماله ماضي ؟؟

واذا شكيتي بكلامه

وصدقه وانه يكذب عليكي في شي

دخلي اهلك في الموضوووع


وعالعموووم الله يوفقك حبيبتي ويكتبلك الي فيه الخير

وبشرينا بعدين

وفوق هذا كله صلي وأستخيري ربك



اختك سماااره

أختي الحبيبة...

الأول تحول..

هذا ماضي مثل ما قلتلي...

انتي بس فهميه وقوليه بالي تبينه...

فهميه ان هذا ما راح يتكرر...فهميه انج انتي زوجته وحبيبته..راح تحافظين عليه بس بشرط هو لازم يحافظ عليج...
سويله محاضرة طويله كلها نصايح...
بعد المحاضرة الطويلة يا اختي العزيزة ..امتحنيه...وشوفيه هو كيف ...كيف حركاته....

كيف دييييييييينه...هذا الاهم..

ياما شباب كانوا صايعيين ضايعيين.... بس الله هداهم وصاروا مطاوعة ناس يدعون الغير للاسلام!!!

لا تخلين الشيطان يلعب في راسك...

واذا احترتي.. صلي استخارة....
والله يوفقج ان شاء الله..

والي في خير لج الله يجدمه لج...ان شاء الله

اختى الله يعينك
وانا رايي من راي الجميع

والله لو اشكركم من اليوم لاخر عمري بكون مقصره

لاني بجد محتاجه نصيحتكم ...

كلامكم ريحيني كثيييييييييييييييييييير ....الله يريحكم في دنيااااكم يارب

انشاء الله ما اضعف وبكون قويه ... زوجي ينتظر ردي بعد يومين

لاني طلبت منه يتركني افكر في الموضوع واخذ قرار من دون اي ضغوط من ناحيته

ونصيحتكم اخواتي افادتني كثير جزاكم الله الف خير ... .وانشاء الله انا بستخير

واوصل لقرار ... محتاره ما بين رغبتي فيه وخوفي منه

الله ييسر لك أختي أبعاد

وأنا رأيي من رأي أخياتي ..

جلسي معه وشغلي حواس الأنثى ..

وشغلي العقل والقلب مو القلب بس ...

وحاورية بهدوء عشان تعرفين الحقيقة ..

ومو تطاوعين كل من يحاول يهدم بيتك لأنك بتصادفين من هالأشكال واجد ..

والله يهديك من أول عقبة بتقولين مع السلامة عزة الله ما تزوجتي ...

لالالا قارني إيجابياته وسلبياته ورجحي ...

وبعد الحوار حاولي تحسسينه إنك مو خفيفه أقل شي يهزك ..

ترى الرجال يحب المرة العاقلة ويمووووووووووووت فيها بعد حسسية إنك مرة..

ولازم يشوف الفرق بين الزوجة الصالحه وهالمخفات اللي سوى معهم علاقه ..

الله ييسر لك ويشرح صدرك ويوفقك إن شاالله

وطفه

السلام عليكم ورحمة الله وبركاته
أختي الغاليه:أبعاد تأكدي مامن شاب إلا وله ماضي ولكن العبره هل تخلص من هذا الماضي أم لا؟كل ماعليك بإختصارالحوار ثم الحوار باللين واليسر إن كان يحبك سيثبت لك ذلك وإن لا فالعكس!!!!
وتأكدي أن الشاب حينما تكون له علاقات سابقه فهي من باب المتعه وإستكشاف أجناس البشر وإشباع فضول قد يكون على سبيل التنازل عن بعض القيم والمبادئ التي تنعدم مع هذه الفئه
ولا يغيب عنك أبدا أن مثل هؤلاء

(وان كان زوجك منهم) يتمتعون ويعبثون لكن حينما يريد بناء حياه سعيده لايبحث عنها إلا بالزواج ومن من؟؟؟
من ذات خلق ودين فأنت الأجدر من تلك بحماية بيته وأولاده في غيبته !
فمن منظور العاقل :كيف لهذه المرأه ان تؤتمن على البيت والأولاد وهي (كل يوم مع واحد)
اتمنى أن أكون قد أفدتك ولا تحرميني من دعواتك بالزوج الصالح والذريه الصالحه!!

اختي الغاليه ابعاد كل ماضي انتهى وتوكلي على الله ولا تحتاري في زوجك

هلا اختي

اتمنى لكِ التوفيق من كل قلبي

البنات ماقصروا ان شاءالله معك

بس قبل كل شي وقبل ماتردي عليـــه

استخيري ماخاب من استخــار

والله يقدملك اللي فيـــه الخيــــــر