زواجي في 3 الحج .. ممكن المساعدة منكم

وعليكم السلام ورحمة الله وبركاته

اهلا فيك

تصفحي قاعة الافكار والابتكارات

وان شاء الله الكل يساعدوك

وهنا صور للعروس الهندية

http://www.afrahmusic.net/vb/showthread.php?t=20496

وهذه كوشة هندية

ما قصرت معاك الاخت مليكه واي محل كوش ممكن يعملك الستايل الهندي بس المحلات المميزه اسعارها غاليه زي علوان اللي في التحليه بس انتبهي بعض الاحيان يلخبطوا اذا عندهم ضغط عمل والف مبروووووووووووووووووووووووووك

هلاااااااااا فيك اختى

انت شكلك زيي وانا احب الستايل الهندي مررررره في كل شي و ودي الصرااحة اساعدك
والف مبررررووووك

شوفي حبيبتي انا عندي نفس الكوش اللي حطتها لكي الاخت مليكه وهيا صح كوش هندية

وعندي موسيقى هندية روووووووعه اذا بدك بس مو عارفة كيف احطها لكي
وكمان ماقدرت ارسلك رساله رسالة خاصة فيها ايميلي يقولي لازم الاشتراك يوصل 100

الله يوفقك ماشاالله الاخت مليكة والاخت سوسو ماقصروا معاك

تسلمون اخواتي .....
يعطيكم الف عافيه..

هناك خطأ سوف يصحح قريبا بالنسبة للرسائل الخاصة

المطلوب 15 مشاركة وليس 100 وبعدها تبدأ فعالية الرسائل

مرحبا حبيبتي
انا مثلك تماما ....الستايل الهندي موتي,,,,واعرف لك محل .............وااااااااااو مره خطير بس بالشرقيه ..ما ادري اذا ممكن تقدرين تتعاوني معاهم أو لاء !!!
انا كان عندي ليله قبل زواجي نسميها ليلة الجلوات وهي ليلة شعبية جدا يختلف ستايلها من عرس الى ثاني بس اهم شي شعبي ولأي بلد مومهم ،،،،،،،،،
الزبده لا اطول عليكم
انا في هذه الليله من كثر ما اموت في الستايل الهندي عملته زواج هندي بحت من امه ومن جد كان شي خيااال روعه تعبت فيه وفي الحركه صح الصح والحمد لله بمساعدة وحده العن مني في حبها للهنود وشفت لها حركه ثانيه قبل شهرين كانت مدربه بنات حابين يفاجؤن بنت خالتهم العروس بليلة عرسها بالهندي بحكم حبهم اهم بعد لعالم الهند الغني فعلا بالحركات وزبطوها صح والعروس بكت من كثر التأثر!! اهي اصلا ما ترتاح الا اذا بكت الشخص اللي المفروض انه يتفاجئ من كثر الفرحه طبعا ...والله شي
ما ادري كيف اقدر اساعدك اكثر احنا بالشرقيه وهي كمان
انا احبها مره لانها فعلاتشتغل من قلبها وعملت ليلتي كأنها من الف ليله وليله وكل شي تحط يدها فيه تبان لمساتها
من جد تشتغل من قلبها هل البنت,, الله يكتر من امثالها
ويوفقك الكريم بحق هالشهر الكريم ...

>>>>>>>>>>جات الفتاه الهندية

و الله انا ما اعرف احد محدد ممكن يفيدك بس ممكن اعطيكي افكار

اول شي الرقص الهندي
*في ملكتي دخلت وحده تقرب لنا و رقصت هندي من اول القاعه الين ما وصلت للكوشة
ما شاء الله كان رقصها يجنن
*و ممكن مع الرقص يدخلوا بنات لابسين بنجابي و يوعزوا
العصير او الايس كريم ((اللي على الطريقه الهندية))
في مطعم في جده لو تعرفيه اسمه شيزان
خاص بالأكلات الهندية و العصيرات
انا الصراحه اهل امي هنود متجنسين و يعروفوا شوية في دي الشغلات

*مع الرقص دخلو حلى هندي تلاقيه في المطاعم اسمه"قولاب جامن" او يجي احيانا هريسة قولاب و كمان اللدو و في حلويات كتيرة هندية
ممكن توزعوها على الضيوف

*عقد الفل حاجه مهمة في الزواجات الهندية ما فيه وحده تمشي الا و يكون على رقبتها عقد فل
لا امزح بس اللي يستقبلوا الناس و البنات اللي يوزعو العصير و يكونوا لابسين هندي يلبسوا عقد فل على رقبتهم او في شعرهم
و الشموع
ممكن اذا حتنزلي من درج تحطي على الدرج شمعات الصغيرة مره اللي تنحط على الارض على يمين الدرج و يساره بحيث تمري من جنبها
و كمان على الاستيج و الكوشه
بس انتبهي لام يكون الدرج و الاستيج و الكوشه واسعين مو شي ضيق عشان تكوني بعيده عن الشموع

*الزي ممكن ساري و في لبس تاني يسموه قرارة بس احس صعبه في الزواج تلبسي زي هندي ؟ ما ادري ممكن في الغمرة احسن
المهم
انتي لما تروحي تطلبي من المحل ينسق القاعه قوليلهم ابغى استايل هندي و شوفي ايش ممكن يوفروا لك

و الله يوفقك و يارب تلاقي محل حلو و يعملك الاستايل الهندي زي ما تبغيه

الله يوفقك ماشاالله الاخت مليكة والاخت سوسو ماقصروا معاك