أعرفي شخصيتك من الكلمات اليابانيـــه :)

|؛¤ّ,¸¸,ّ¤؛|السلام عليكم ورحمة الله وبركاتة|؛¤ّ,¸¸,ّ¤؛|


انا بكتب لكم مجموعه كلمات وكل عضو يختار كلمة وراح اكتب بعد شرح هالاسم
يعني الي بيختار مثلا الكلمة الاولىراح يلقى تفسيرها .. بس طبعاا الكلمة تختارونها قبل لاتتشوفون النتيجة
**وللمعلومية الكلمات يابانية ..

..نبدأ ..

الكلمة الاولى : NAMI
الكلمة الثانيه : ASSA
كلمة الثالثه : SOUKI
الكلمة الرابعه :HANA,A



.. التفسير لشخص الي اختار الكلمة الاولى ..

انت انسان غامض نوعا ما .. وتخاف تبوح بكل اسرارك لأي شخص ممكن
شرس فجأه و هادئ فجأه .. ممكن تكون مزاجي لكن مب لشكل كبير
هالتفسير ماشئ لمعنى الاسم .. nami معناها الأمواج




.. التفسير لشخص الي اختار الكلمة الثانيه ..

انسان ابيض .. مب بلون البشره .. لا بطبيعتك .. طيب وحساس ..
تحب النظام بشكل كبير .. وممكن تعصب لو شفت شئ مب صحيح
في اي مكان .. انسان يحب يتم على طبيعته ..
هالتفسير ماشئ لمعنى الاسم assa معناها الصباح




.. التفسير لشخص الي اختار الكلمة الثالثه ..
انسان طموح بشكل كبير .. وممكن تكون آخر واحد من الي حواليك
يفقد الامل بأي شئ .. انسان شجاع ولك حياة سعيده ..
تحب الصراحه وتعطي الغلطان اكثر من فرصه حتى لو صار الامر مب معقول ..
هالتفسير ماشئ لمعنى الاسم .. souki معناها الامل العظيم او الكبير
(( كلهم نفس الشئ بس لانه بعض الكتب تكتب العظيم وغيرها الكبير ))




.. التفسير لشخص الي اختار الكلمة الرابعه ..
انسان شفاااف لأبعد الحدود .. ممكن يصيح ( يبكي ) لأي شئ ..
مب دلع لكن لانه شفاف اي شئ يأثر فيه .. سوا عائلي او خارجها ..
مايروم يتحكم بعواطف وافكاره . قله مايفكر بنفسه او بغيره يصب تفكيره
لشئ سخيف مع انه الكل يحبه وينصحه ..
هالتفسير ماشئ لمعنى الاسم .. hana,a معناها الزهره