النصـــــــــــــــــــيب

ابد ..ماجيت ابارك ولكن جيت باوصيك...
على اللي ناوي تدخل بها الليله..معذبتي
ترى لولا الظروف اللي عطتك وحدت محاكيك
قسم بالله ماتدخل عليها لو على رقبتي
ولكن النصيب اقوى ولا ادري ويش اسوي فيك
نعم..صارت معزبتك..ولاصاارت معزبتي
كذا شاءت بنا الاقدار تحرمني لجل تعطيك
كذا لازم عشان تفوز انت..اخسر بتجربتي
تراها غاليه جدا..وتكفى..والله يخليك
تدللها..تدلعها..تنسيهاا مصاحبتي
انا من كثر ما اغليها احس اني بديت اغليك
ولاتسأل باية حق؟ولا وش مناسبتي
لانك لو بتسالني بتسمع شي مايرضيك
لذا ياخوي لاتسأل ولاتسمع لاجوبتي
ابيك تحطهاافي داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريك
وشاغبها الين اتقول لك بطل مشااغبتي
واذا هي ما لها خلقك ولاتضحك ولاتسليك
تحملهاا واسألها: ياعمري ليه عصبتي
وبالك اسمع انك يوم تضربيها وهي تشكيك
مايحتاج اوري لك بفن الضرب موهبتي
صحيح انك بتملكها ومعاك العقد بالتمليك
وانا عارف حدود الله ومن حقك معاقبتي
ولكن قلها المجنون وصاني وهو يعنيك
يقول : انه بينتظرك زلز شيب وشيبتي
وانامجنونهاا اللي مانساها وانت مايمديك
تغطي ذكريااتي في هواها وربع تجربتي
احس اني تماديت بكلامي والغضب حاديك
لو انك في مكاني ماتفكر في محااسبتي
كفاك اني تركت الليله اشغالي عشان اجيك
دخلت القاعه برجلي ولاادري وش عاقبتي
وانا ماجيت اخرب عرسك الليله ولا اذيك
انا جيت عشان اخاطبك واسمع مخاطبتي
توصى..وانتبه..واحرص عليها..والله يهنيك
ترى كل الكلام اللي طلع من ضيقتي وكبتي
ولكن ماقدرت اني اقوله وانت مايخفيك
اخاف اني اذا قلته تقوم وتقطع رقبتي..

لــ الرائع محمد الشهري