يكرم ضيفه 3 ايام ثم يسطره كف ويودعه.!.!.!

قبل ماابدأ الموضوع منقوول من الاخت قوافل النور
الله يجزاها كل خير
========================
كعادة والدي الحبيب (حفظه الله)لما يبي ينصحنا في شي من أمور الحياة لازم يبدأ موضوعه بقصه وتعليق وبعدين يدخل في صلب الموضوع

فكان عندنا هذاك اليوم عشاء كبيررررررر وراحوا الناس فحبينا انا واخواتي والماما الله يحفظهم نطلع نغير جو في حوش(فناء)بيتنا وطبعا كان الجو جنااااان
وإحنا جالسين نشرب الشاي جانا أبوي وجلس معانا وسولف ويانا وقال :ماسمعتوا برجل كريييييم يكرم ضيفه3 أيام وقبل مايودعه يسطره بكف ؟قلنا أشلون
قال هذا سلمكم الله كان رجل مشهوووور بين الناس بشدة كرمه كريم كريم إلى أبعد درجه وكان كل مانزل عنده ضيف يكرمه أجمل واحسن إكرام ولما تنتهي مدة إقامة الضيف يمشي وياه لحد أسوار المدينه وبعدها يسطره بذاك الكـــف الحامي ويروح ويخليه

فكان الناس يستغربون من هالانسان ليش وداعه من نوع خاص عجيب وغريب؟؟!!

فلما سمع بقصته واحد وهو بعد من كرماء العرب قال أنا بأكتشف سره
وراح لم الرجل اللي يسطر ضيوفه
وجلس عنده 3 أيام وحان موعد الرحيل وأقترب موعد التسطير وكل مامشى خطوه قال الضيف الحين بيسطرني
وتفاجأ ان المضيف ودعه بكل حرااااااره وراح فأستغرب الضيف وقال تعال نسيت شي ..قال المضيف وش هو؟؟!!
قال ماسطرتني كف<==مستعد لها من ساعه مسكين شكله متعود على التسطير
قال المضيف لا لا :مستحيييل أنت من أكرمك فهو الكريم وماأهانك يوما إلا لئيم
قال طيب واللي قبلي ليش كنت تسطرهم وانا لا؟؟

قال اللي قبلك كانوا يردون كرمي لهم فمثلا لما أجيب لهم المسند عشان يستندوا عليه قاموا وحلفوا اني مااجيبه ولا تعب نفسك انا مرتاح كذا !!

وإذا جيت أبي اعطيهم من افضل انواع التمور عندي قالوا:لا والله لاتجيبه خله عندك بناكل من اللي عندنا لاتتعب حالك خلك مرتاح

وإذا جيت أبي اجلسهم في احسن مكان عندي في البيت قالوا:لا لالا :as4: مرتاحين هنا خلنا في هالمكان أفضل أنت بس لاتتعب نفسك

وإذا جيت أطيبهم من أفضل أنواع الطيب عندي :قالوا :لاوالله ماتطيبنا لالا الله يهيدك لا لا ارتاح وريح نفسك

يعني كل ماجيت اكرمهم ردوني عن كرمي فيستاهلون اسطرهم كف ومن قلبي

لكن انت كريم أطيبك وتتطيب وتكثر بالخير ...أعطيك المسند وتنسند عليه ..أجلس في احسن مكان في بيتي وتبادلني الكرم بكرم نواياك تشرب من اللبن اللي اعطيك إياه بدون حلف ولا تحليف

وهذا سر الكف اللي اسطرررر به ضيوفي

عموما ترى ماادري القصه صدق اول لا
.............................. .............................. .............................. .......................

الزبده من هالقصه وقصة حياتي والسااااالفه ذي كلها :

1 إذا رحتي عند ناس ومعزومه عندهم وقالت لك المضيفه تعالي أجلسي هنا لا تقولي واللــه مااقوم لا خليني مرتاحه لاقومي بكل لطف واجلسي في المكان اللي طلبت منك تجلسي فيه لأن1 يمكن في مكانك الاول شي ماتبيك تشوفينه...2.يمكن الباب قدامك ويكشف على شي في البيت ماتبيك تشوفينه..3أو تخاف يطلع احد من محارمها ويشوفك..

2)لما تيجي المضيفه تصب لك القهوه او الشاي او تمد لك من التمر لا تقولي لا مرسي مااحبه مااشربه وتحيري المضيفه لا خذي من ايدها وقولي تسلم ايدك الله يعطيك العافيه وحتى ان كنتي ماتحبي القهوه خذي فنجان واحد اغصبي نفسك عليه إرضاء لها يعني هي تعبت في المطبخ وتبي تكرمك وترديها يعني صعبه
3)لما تتطيبك لا تردي الطيب الا في حاله كنتي واثقه من انك بتمري برجال او بتروحي السوق عندها لك الحق ترديها وأما غير كذا تطيبي تلقيها جالسه ساعه في غرفتها تفكر وش تطيبك به من احلى عطوراتها وقولي لها(طاب طيبك وعاش حبيبك وجعل الله الجنه نصيبي ونصيبك)
آمين
4)خليك مرنه معها اذا اعطتك شي خذي منها وتكثري لها بالخير وادعي لها بالبركة المال

5)اذا كنتي معزومه ومسويه ريجيم جاملي المضيفه وبطلي رجيم بس مااقولك اهدمي اللي بنيتيه

لكن خذي القليل واتركي الكثير

أتمنى اكون افدتكم يابنيات بهالمعلومات اللي احس(من وجهة نظري)مهمه لكل وحده فينا بحيث تكرم ضيوفها وتكرم مضيفوها وهذي خلاصة نصائح البابا

****************************** ****************************** ****************************** *****

أخيرا بعد هالتعب ياويل اللي تدش وتقرا الموضوع ولا تعلق بأزعل عليها
(وجه يبتسم ويقول أمزح)

رووووووووووووووووووووووووووعة النصايح
الله يعطيك العافية

لما تيجي المضيفه تصب لك القهوه او الشاي او تمد لك من التمر لا تقولي لا مرسي مااحبه مااشربه وتحيري المضيفه لا خذي من ايدها وقولي تسلم ايدك الله يعطيك العافيه وحتى ان كنتي ماتحبي القهوه خذي فنجان واحد اغصبي نفسك عليه إرضاء لها يعني هي تعبت في المطبخ وتبي تكرمك وترديها يعني صعبه




يا كثرهم اللي يسوون هاالحركات يرتفع ضغطي
طيب ايش رايكم في اللي تزور الناس وابدا ما تاكل من اللي يحطونه تشرب كل اللي تقدمينه لها
بس اكله مسويتها بيدينك ابدا ما تحطه في فمها بس لو جايبته من برى تمسح لك الصحن ..
تقول ايش تتقزز من الناس ما تدري ان الناس انظف من اللي يشتغلون في المطاعم
وبصراحه نشوف هذي حاله مرضيه


يسلمووو لحوووونه على النصائح
يعطيك العافيه

تسسسسسسسسسسسسسلمي على نصااائحك الحلووه اختي

جزااكي ربي كل خييير

تعلمو الذراابه من الذربين

ماشااء الله عليكي

بالتوفيق

^__^

نصايح جدا رائعة لحونة

يعطيك الف الف عافية حبيبتي (-:

يعطيك العافية لحن القمر على الموضوع الراائع

والنصائح الحلوووة

وهناك احيانا ناس تستاهل الكف

هلا وغلا النجدية الله يعطيك العافية عالمرور
ربي يسعدك

هلا وغلا كل الحظوظ الله يعطيك العافية عالمرور والله بجد معاك حق احيانا الضيووف اللي كل ماجبتي لهم شي ماياخدو منه بصراحة يقهروا انا طول اليوم في المطبخ وهيه مو راضيه تاكل شي
والا اللي تقولي عنها تاكل من اكل اللي برا ايش فيه اكل جوا بصراحة عالم غريبة معقوول اكيد اكل البيت انظف
يسلمووو اختي الغالية عالمرور

هلا وغلا اختي الغالية مخبولة
الله يعطيك العافية عالمرور ربي يسعدك

هلا وغلا الوان الله يعطيك العافية يالغلا عالمرور ربي يسعدك