اصلا الموضوع كله ما تعدى كلمتين

لعنبـووو قصـة غـرام كـل ابوهـا كلمتيـن
ابتدينـا عنـد احبـك وانتهينـا عنـد بــااااي

تونا ما بعـد مشينـا فالهـوى لـو خطوتيـن .
وانتهى الموضوع كله حتى ماأعرف ويش خطاي

انتهى الموضوع عندك وبكـل سهولـه تحكميـن
وين احبك؟وين اريدك؟وين ساكـن فـي حشـاي

يمكـن انـك ماوفيتـي يـوم جيتـي تعشقـيـن
ويمكن انـك تحسبينـي بتبعـك مـن دون راي

ويمكن ااصـلا ماعشقتـي بـس كنتـي تلعبيـن
ويمكن انك ماوصلتـي فـي هـواك لمستـواي

ويمكن انـي ماعرفتـك فالحقيقـه ويـش تبيـن
ويمكن اني خنـت نفسي..يـوم اعطيتـك وفـاي

علمينـي فالهـوى ياجاهلـه ويـش تعرفـيـن
تعرفين انك غديتـي شـي يجـري فـي دمـاي

علمينـي فالعطـاء والتضحيـه ويـش تفهميـن
لعنبووو حيك عشانـك عفـت اقـرب اقربـاي

كنت احطك فـي عيونـي تسرحيـن وتمرحيـن
كنت اشيل هموم قلبـك وارمـي همومـي وراي

كنت اطير من السعاده يـوم اشوفـك تضحكيـن
كنت ذايب في هواااك مثـل سكـر وسـط مـاي

كنت نايم فالعسل وارسـم مـن الفرحـه سنيـن
كنت اظنك قلب عاشق ماسكـن وسطـه سـواي

ماوعيـت الاوانتـي فـي خفـوقـي تطعنـيـن
ماوعيـت الاوسيفـك بالحشا....رايـح وجـاي

وردة اي والله ورده بـس عرفتـي تجرحـيـن
كـل شـي فينـي جريـح الا فخامـة كبريـاي

مـا تأثـرت بغيابـك ويـش يعنـي دمعتـيـن
بكره انسـى صدقينـي وارجـع بكامـل قـواي

ادري ان حنا - افترقنا بـس ,, ابفهـم حاجتيـن
علمينـي وش كسبتـي وعلمينـي وش خطـاي

اصـلا الموضـوع كلـه مـا تعـدى كلمتيـن
التقينا عند ( احبك ) ---!!,, وافترقنا عند ( بآي)


بصراحه اعجبتني وحبيت اشـارك بهـا منقـول

لــكـــم مــنـــى ارق الـتـحـايــا