على الموعد بلهفه جيت لا مانع ولاتأخير00
لفيت من العصر هايم مع ان الموعد المغرب
وجتني بس انا مدري شعرت الجيه هذي غير00
وهي تقرب من عيوني شعرت ان الممات اقرب
وقلت:الله يهونها عسى في جيتك لي خير 00
انا من شفتك اقبلتي وانا خايف ومستغرب
على كثر الحكي مدري كأنه خانها التعبير00
قالت لي جمل واشياء لا تكتب ولا تعرب
هدت فجأه تطالعني وانا في حاجه التفسير00
لجل نحكي بهدوء اكثر سألت الحلوه وش تشرب
فصاحت بي انا احبك ولك في هالحشا تقدير00
وتدري ان المثل فينا وفي احساسنا يضرب
صحيح انك وفي وانك بري من تهمت التقصير00
ولكن ذي عوايدهم من ايام وزمن يثرب
تكون البنت لا بن العم ورغبات الكبار تصير00
وتدري الأقربون اولى مع انك للخفوق اقرب
وتدري للقدر كلمه لعادات الأهل تأثير00
لذا ارجوك تتركني وان من دنيتك باهرب
شعرت بحكيها كنه قصاص وامر بالتعزير 00
شعرت بالدنيا ضاقت بي من المشرق ليا المغرب
مشت خلت وراها طفل مايدرك وش التدبير00
يحسب ان الغرام اشعار شاعر و أغنية مطرب
ضحكت وماقدرت اني ألاقي لضحكتي تبرير00
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغير00
ثمان سنين أجي نفس المكان بحزة المغرب
برغم ان الثمان سنين جرح وكلفتني كثير00
انا لليوم أجي وادعي تجي يارب تجي يارب00
منقوووله
جميع الأوقات بتوقيت شبكه افراح 
على الموعد بلهفه جيت لا مانع ولاتأخير00 لمحمد الشهري 
: 
العرض العادي
