نقطة مهمه في الزفه لازم العروس تحط بالها عليها

دفى الإحساس

في البدايه وقبل لا تهتم أي عروس في انها تحصل على أحلى زفه لازم تاخذ بالها من شي..
ليش العروس تنزف؟ أولا قبل لا تكون الزفه هاذي حق الناس هي في الأصل حق شريك حياتها اللي هو زوجها..عشان جذيه اللي تفكر في أرقى الزقات عشان الناس بس فهي غلطانه ولازم تعيد حساباتها من الاول..
الزفه هاذي لازم ما ننسى انها تعكس شخصية العروس انا وحده من الناس لما اروح عرس وما اعرف العروس احكم عليها من زفتها..لان فكرة ان الوحده تغالي في الزفه وتصرف كثير عليها فكرة في إعتقادي غلط حتى لو كنت من المليارديرات..حلو ان تكون الزفة بسيطه بس في نفس الوقت راقيه تظهر العروس فيها صفاتها وشخصيتها..
أما اللي تنزف في تابوت ولا على خيل ولا حتى انها تدلع أو ترقص فهذا مش راقي للعروس..لان العروس في هاللحظه لازم تظهر بصورة الملاك الناعم الرقيق..ولو العروس ما كلفت وايد على زفتها واظهرت بصوره رومانسيه وزفه بسيطه والله بتكون أحلى الناس عند زوجها وهذا الاهم من المظاهر جدام الناس لانها مراح تتزوج الناس..وبعدين في نقطه مهمة هي ان العروس مهما سوت سواء كلفت على زفتها او ما كلفت..هي في هاليوم تظهر بأجمل صوره وهذا من قدرة الله عز وجل..سبحان الله الوحده في يوم عرسها تطلع جميله بصورة غريبه..فلذلك قبل أي شي لازم الوحده تحط في بالها ان هالزفه حق زوجها في المرتبه الاولى والاخيره..وانها لو كلفت واصرفت الكثير فهذا دليل على انها تحب المظاهر حتى لو كانت ليلة العمر..وبالتالي وفي اعتقادي ان مافي زوج يحب ان زوجته تكون مسرفه..
في النهاية اتمنى ان تكون وجهة نظري وصلتكم,,وتعجب كل عروس,,لان الوحده تحب تتزوج مب عشان المظاهر بس لا عشان تنزف حق انسان اختارته شريك لحياتها وبتكون معاه في الحلوه والمره..في الفقر والغنى..في كل شي هي مع زوجها..لانه جنة الزوجه ونارها..
الله يوفق كل المعاريس..

---

kr'm lili td hg.ti gh.l hguv,s jp' fhgih ugdih

ادارة المنتدى

مشكوورة دفى الاحساس على الكلام الجميل

فعلا الزفة تعكس شخصية العروس وانا المس هذا الشي عند طلب الزفة

بس احب اوضح بانة الزفة اصبحت تعتمد على الابهار اكثر

اصبحت مثل الفيديو كليب ليست مجرد اغنية مسيرة تمشي عليها العروس

وانا بنظري اشوف الزفة هي تغطي عيوب الليلة كاملة

يعني لو القصر كان تعبان والمطربة كمان تعبانة الزفة راح تنسي الناس الليلة كلها

وراح يتحدثو فقط على الزفة وهذا ماوجدتة في كل الاعراس

يعني ممكن انة العروسة تقتصد في المطربة او الطرب والقصر ولكن تبدع في زفتها

ابغى اسال سؤال ؟؟؟ متى العروس تخش الصالة ؟؟؟؟؟؟؟؟؟؟؟؟؟

على الزفة فقط ومابعدها صح !!

اذا الليلة كلها فلوسها رايحة على المعازيم

والمتعة كلها للعروس وتحس انها حللت فلوسها وقت الزفة فقط !!!!!

انا لست مع المبالغة في الزفة مثل الانزفاف في تابوت او عارية او شي مخالف للدين

ولكني اركز على التشويق قبل دخول العروسة لانها الدقائق الفاصلة والمهمة التي فيها تدق القلوب ويوقف شعر اليد والحمد لله ابدعنا في هذا الشي ..

معليش دفى الاحساس خرجت عن الموضوع شوي اتمنى مااكون طولت على مشاركتك ويسلمووووو

دفى الإحساس

شكرا يالمايسترو عالرد بس انا حبيت اوضح شي ان العروس مش المفروض تركز على الزفه على حساب القاعه والمطربه وديكورات العرس لان ليلة العرس كلها مهمه من اول القاعه لين زفة العروس..بذكر لك مثال عرس اخوي من ثلاث شهور حجزنا في أفخم قاعات الدوحه والعروس قامت بدورها بإختيار الكوشه ذات طابع روماني وطبعا ما نست ديكورات العرس والطاولات من أرقى الديكورات والورود وبالتالي الزفه كانت كلمات شاعر معروف حق عروستنا واخوي طبعا وادخلت على كلمات الشاعر والله العرس لين اللحين يمدحونه ويتكلمون عنه مع ان الزفه ما كانت فيديو كليب او متكلفه اللهم اللي كلف الشعر اللي قاله الشاعر بس..غير فستان العروس اللي المفروض يغطي على كل شي حتى الزفه وبس هاذي وجهة نظري كل ما كان الشي ابسط وانعم كل ما بينت العروس احلى واكبر في نظر زوجها..

كتلوج افراح

تسلمي ياقلبي على النقطه المهمه والمشاركه الحلوه

و صح الكلام الي تقولي وانا معاكي بس اذا الواحد ربنا مقدروا ومعطي لي ما يتمتع فيها على قدر ما اعطاه
وعلى قولهم مد لحافك على قد رجولك مدري رجولك قد لحافك
المهم كل واحد على حسب مقدرتوا يعني مو يخلي الديون تتركم علشان الناس تتكلم اذا معاه يسوي واذا لا مو لازم
والله الموفق

البندري101

تسلمين اختي على هالكلام الجميل

احاسيس

مرحبا

موضوعك حلو يادفئ الاحساس

بس بصراحه انا اؤيد المايستروا في الابهار في الزفه وطريقة انتقاء الاغاني

اما النفخه الكذابه اللي تنزف في تابوت ولا حتى على حمار مررررره مالها داعي

وان دل على شئ دل على مدى الغباء والاستهتار

اختكم / احاسيس

احمد خليل

موضوعك مهم كتير يعطيكي العافية

for fun

شفايف عنب

معاك حق دفي الاحساس العروس لازم تكون مثل الملاك لما تنزف وانا افكر اني انزف انا وعريسي على وحدة من اغاني فيروز هو في احلى وارقى من فيروز ننزف عليها

عروس متوهقة

شكرا