قصة حب رائعه

كتلوج افراح

قد يموت الحب يوما مع بقائنا على قيد الحياة(قصه رائعه)


اهلا خالد هلا راكان
وش الاخبار تماااااااام بشر عن الاهل ها ياخالد ماسمعت عن اخر الاخبار
ما سالت عن نتايج الجامعه..
خالد : ليه هي طلعت اصلا..
راكان : لا بس سؤال مجرد سؤال واذا كنت من الناجحين وش ناوي تسوي
خالد: افا ياراكان نسيت الوعد اللي وعدنا فيه انفسنا ترى انا لسه باقي اتذكره
ومستحيل انساه
راكان: يعني ايش بتروح معي نكمل دراسه برى
خالد: اكيد
راكان : اكيد باذن الله طيب تعرف تلولش اقصد تزغرط
خالد : لا والله ما اعرف
راكان : طيب سو أي شي ممكن الواحد يسويه اذا فرح
خالد: راكان وربي انت منت صاحي اليوم
راكان : وانا اشهد اقول بصراحه جهز شنطتك
خالد: يعني ن نننننننننننن نجحنا
راكان : ايه والحمد لله
خالد : واااااااااااااااااااااااااهههههههههه بالولش الحين صرت اعرف
يالله مع السلامه
راكان: افا وين ..
خالد: بروح ابشر اهلي والله انهم ينتظرون ذا اليوم من زمان امي وابوي واختي الغاليه
راكان : الو الو ( سواها وقفل الخط بوجهي ) بس يالله فرحان ماينلام
خالد : يــــــــــــــما ....يبــــــــــــــــا" باركولي"
نزل خالد مسرع لامه وابوه باس راسهم وهو طاير من الفرحه يمه يبه اخيرا ولدكم صار خريج من الجامعه اخير انا المهندس خريج جامعة الملك فهد للبترول والمعادن
ابو خالد: الله يوفقك ياولدي والله انك تستاهل كل خير
ام خالد: تبكي الله يوفقك ياوولدي ويستر عليك ويزوجك ونفرح فيك..
ريم: الله يوفقك يالغالي والله كنت استنى ذا اليوم
خالد: يمسح دموعه من الفرحه
ابو خالد: بسكم دموع اليوم لازم نفرح ونسوي عشاء كبير
وانت ياخالد اعزم اللي ودك من ربعك
خالد : أي ربع يبا اهم شي الغاليه تكون موجوده خطيبتي صح ريم
ريم: صح خالد
*******************************
وبالليل جهز العشا ء والعيله كلهم مجتمعين وخطبت الام صديقة ريم(مها) لولدها والام وافقت وبالعكس فرحت
اما مها فهي موافقه من قبل وريم ماخذ موافقتها من قبل لايتخرج اخوها
**************************************************

***************
وبعد شهر ( خلص الشباب اوراق اخلاء الطرف وجهزوا الملفات والشنط وبيسافرون يكملون دراستهم بالخارج)
خالد : يالله يايما انا ماشي بعد اسبوع وادعي لي بالتوفيق واذا جهزت البنت للملكه ترى اجي ركض من هناك
وعلى فكره ياريم ليه متروحين معنا انتي بعد انهيتي الثانوي ليه ماتكملين جامعه هناك
ريم: وين خالد من صدقك والله صعبه



خالد :والله ياريم فكره تاخذين شهاده بعد وتعاونيني هناك تراني ماحب الغربه ولك وعد مني كل مامليتي جيتك

والحال نفسه مع راكان ودع اهله ومشى
******************************
وصلو الشباب ...
واستقروا كل منهم دق على اهله وطمنهم بالوصول
ومرت الايام بعد 3 شهور اضطر خالد لترك صديقه لوحده هناك بيرجع علشان اجراءات الملكه ويستعد للزواج
عاد ذي حبيبة القلب مايقدر يزعلها وقرروا ان الفتره بين الملكه والزواج تكون قصيره ويسافر معها شهر العسل هي تتم دراستها هناك وهو يكمل وبعد ماينهونها يرجعون...
اضطر للسفر وقررانه اذا وصل ارض الوطن يدق على حبيبه راكان اللي نساه من زود الفرحه..
(هذا الحب والابلاش)
(بس الحب احيانا يكون موزين لان خالد نسى ان مفتاح شقته مع راكان وجواله اللي طلعه تبعا لذيك الدوله مايشتغل..)
راكان فقد خالد طبعا وقال اكيد انه منشغل لما طالت عليه مدة الغياب خاف على صاحبه خصوصاأ نه سمع من الشباب معهم بالجامعه انه رجع للسعوديه)
فكر راكان في طريقه يوصل فيها لصاحبه
راكان:وش اسوي الجوال مقفل والدوام مايجي بس والله طرت علي فكره خالد تارك معي مفتاح شقه له سبير والظاهر ان ماخاب ظني لسه موجود معي
قلب الولد غرفته وهو يدور لين لقاه.. وجرى بكل سرعته لغرفه خالد
طق الباب كعادته محد رد
اضطر انه يفتح الباب
ولحظات يسمع صوت ناعم " اغنية عبد المجيد عمري مافكرت فيك"
وبنت تغني تراجع للوراء وتذكر ان خالد مستحيل يكون راعي هالحركات
تردد في الدخول ولما استجمع قوته ودخل لمح شي غريب
انسانه رائعه في الجمال ذاك الشعر الحرير المنسدل علىكتفيها والعيون الوسيعه عيون ( تشبه عيون البنت اللي في اغنية العيون حقت راشد..هههههه) الطول والجسم المتناسق وذاك الوجه القمري..
بنت في ذاك الجمال بشقه لوحدها في بلد زي كذا واذا كانت حبيبةخالداللي متعرف عليها هنا ماخاف يتركها بشقته لحالها
راكان : وده يغض البصر مايقدر يشوف صورتها المنعكسه من المرايا وهي جالسه تسرح شعرها بس الاعجاب شين وانا اختكم..
تراجع ادراجه للورا وقفل الشقه وطلع
اضطر انه كل يوم يراقب هالبنت اللي تطلع وتدخل للشقه بكل ادبها


بعد اسبوعين
خالد: الو هلا راكان حبيبي انتا ( يضيع السالفه علشان مايتهزئ)
راكان : انا حبيبك انت عمري والله وينك
خالد:انا رجعت للسعوديه وانكتب العقد ونجهز انا والغاليه علشان الزواج بيكون باسرع وقت وراح نجيك مره ثانيه...
والحين انا استاذنك مقدر اطول..
راكان: اكيد ولا فيه شي توصيني عليه مانسيت شي




خالد : لا والله والغرفه انا سلمتها في ايدي الجامعه ايدي امينه
راكان يقول بخاطره( بيد القمروانت صادق) مسوي فيها مؤدب..

مر شهرين على هالحال وراكان يحس انه تعلق بالبنت يراقبها كل يوم وهي داخله وطالعه والملحوظ عليها ان على وجهها علامات حزن علامات تعب ..

حاول كم مره يكلمها لكن خجله يغلبه (مؤدب ماعمره غازل احد)
والبنت ماتشجع انه يكلمها

مر اسبوع وهو ماهو قادر حتى يداوم
تعب وده يكلمها ولاهو قادر ويشوفها كل يوم ويتعذب
لين قرر يكلمها

يتبع<<
__________________

---

rwm pf vhzui

كتلوج افراح

*******************
الصباح الساعه 9 قام الولد نشيط اخذ دش وتعطر ولبس وطلع للدوام..
راقبها الصباح وهي طالعه لحد مادخلت الجامعه وفي فترة الراحه استغل الفرصه
وجاها حاول يكلمها التفتت له وكانت تبتسم قالها ممكن اسال عن اسمك قالت له ليش تجهله قال أي
قالت: ريم
قالها وانا اعرفك بنفسي : ابتسمت لانها كانت تعرفه عالاقل تميز شكله شافته في مجلس اخوها كم مره
.قالها انا راكان وهو خجلان مره وملامح الحياء ترتسم على وجهه .. قالت تشرفنا
قالها انا موجود بالغرفه اللي جمبكم اذا احتجتي شي علميني احنا من بلد واحد وانا في الخدمه..

و الليل بالنسبه لراكان سرحان يطالع بالتلفاز وعقله مشغول بمسلسل ثاني المسلسل اللي صار له اليوم بالجامعه ..
واستمر يراقبها كل يوم يبتسم لها وهي تبتسم له يترك لها ورد على باب الشقه..
ويدخل لها كروت رقيقه معطره مكتوب فيها كلمات حب رقيقه وبذيلها كلها توقيعه
تحس براحه تجاهه لانها تعرفه تمام..
تعرف اخلاقه وتدري انه بمثابة اخ لها لايمكن في يوم من الايام يجرحها او يضايقها


مر شهر على هالحال
راكان كل يوم في داخله الف سؤال وسؤال ليه خالد ماعلمني عن هذه البنت وليه هي ساكنه بغرفته
واذا هي تحبه ليش تركها وراح بدون مايعلمها..
وفي احد الايام وهو على فراشه بينام
سرحان يفكر فيها وكيف يقدر يتقرب اكثر
رن التليفون
فزع راكان
الو مين
الاتصال من بنت بس مش قادر يميز الصوت صوت انسانه ضعيفه صوت لايكاد يكون مسموع
كل اللي قدر يسمعه راكان اذا قدرت تكفى تعال انا محتاجتك




وتقفل الخط دارت فيه الدنيا ولبس ملابسه وجرى عالغرفه كيف وشلون مايدري ولا هو متاكد من شي الا انه قلبه اللي اخذه لها ولغرفتها بدون ماتنطق باسمها

راكان: طقطق
ريم : تفضل راكان
راكان: انصدم منظر مروع هذيك الانسانه الرائعه بكل قوتها وجمالهاوبكل ماتحمله من رقه كذا
حاله مؤلمه البنت ملقاه على الارض ماتتحرك ماتتكلم
بالكاد تتنفس امسكت بيده وقالت ارجوك انقدني
وعم الصمت في الغرفه وبدا النبض يضعف..
حملها راكان بكل سرعته اخذها للعيادات التابعه لمستشفى الجامعه بدون وعي منه ايش اللي قاعد يصير
انتظر الدكتور ربع ساعه نص ساعه ساعه
ولما طلع الدكتور قال الامل بالله
راكان: الدنيا تدور فيه ولا هو فاهم أي شي من الموقف اللي صار اللي يتذكره بس منظر البنت اللي تعلق فيها وهي تترجاه ينقذها..
شد الدكتور قال طمني تراها كانت كويسه
الدكتور: كويسه !! ما اظن البنت تعبانه من شهور
راكان : شهور ايه ليه انت منت واحد من اقاربها
راكان : انا انا انا خطيبها
بس ماحسيت بشئ.. تكفى يادكتور طمني والدموع تنزل من عينه بدون شعور
الدكتور: اسمك
راكان : راكان
الدكتور: ياراكان انت مؤمن بالله والبنت في حاله خطيره لازم تدخل للمستشفى تتنوم وتنعمل لها عمليه ومحتاجه نقل دم باسرع وقت
راكان: وهذي فيها سؤال انا المتبرع
قال الدكتور انت تدري وشفصيلتها قال لا
الدكتور : اجل كيف تتبرع بدل مايضيع الوقت مننا دور باوراقها الرسميه واصلا نحتاج بطاقتها حتى لو انت خطيبها هذا ماهو كافي وعلشان البنت ماتروح من ايدنا احنا محتاجين الاثبات باسرع وقت وفصيلة الدم علشان مانعيد التحاليل وتطول المساله
راكان:طيب دكتور اسحب العينه مني وانا بارجع بس 10 دقايق اجيب الاوراق الرسميه..

جرى راكان بكل سرعته للشقه فتح الباب وهو متهور يفتش كالمجنون كل ورقه تقع عليها عينه
فتح شنطتها اللي كانت تحملها كل يوم ولقى البطاقه
الاسم:" ريم .... الـ....
انصدم نفس عائلة صديقه
ريم اخت خالد
وش العمل الحين جلس يفتش عرف فصيلة الدم وكان مسرع شي اخره
لقى اوراق تخصها رساله كانت راح تبعثها لاخوها بس ماقدرت تعتذر عن عدم قدرتها عالعوده والغتها كتبت باسفلها وكيف اقدر اجي وانا بهذا المنظر الله يتمم عليك سعادتك..






ولقى اوراق ثانيه مكتوب فيها بخط يدها عن سعادتها بقرب راكان منها
وعبارات كثيره وخواطر
وفي نهايتها
احبك
راكان اللي ماهزته بنت بكى بكى بكى
جمع الاوراق وضمها وبكى جلس يتذكر اللحظات الاولى اللي شافها فيها وحالتها الحين
ترك الاوراق وابتسم لسببين
الاول : انه ماله داعي ياخذ معه اثبات لانها حبيبته اولا واخت صاحبه وحافظ اسمها
ثانيا: بيقدر بحول الله ينقذها فصيلة دمه هي فصيلة دمها
طلع يجري من الغرفه
وصل للمستشفى كمل الاجراءات وطمنه الدكتور عليها وانها تحسنت الحين شوي
طلب منه الدكتور انه يدخل علشان يسحب منه الدم
كان المطلوب كميات كبيره لان العمليه ماكانت هينه
وفي ذيك اللحظات ماكان عنده تردد كانت لوتبي قلبه اعطاه اياها
لانه" يحبها"....
انتهى ودخل الغرفه يتطمن عليها..
راكان: احم احم السلام عليكم اقدر ادخل..
ريم: اتفضل ..ابتسمت ابتسامة الم..
راكان : الله لايحرمني من هالطله الحلوه..الله يدوم هالابتسامه..
ريم : راكان انا اسفه مالقيت اقرب منك لي اصلا انا المفروض .....
راكان :قاطعها اصصصصصصصصص حط يده على شفايفها ودموعه بعينه
تدري لو ماكنتي سويتي كذا كنت باعيش وانا كاره نفسي طول عمري
ريم: تسلم يالغالي!! ممكن اطلبك طلب !!
راكان : عيون راكا ن انتي وعينه تدمع
ريم: مابي اخوي يدري عن تعبي الليله حفلة الخطوبه ولا ابي اخرب عليه الفرحه يحبها والله يوفقه..
راكان : ريم بس
ريم: الله يخليك لا
راكان : مو رجال اللي مايوفي بكلمته وانتي بعهدتي صح يالغاليه
( ابتسمت ريم)
زاد التعب زاد الالم وشدت على يده تبيه يفهم ينادي أي طبيب
الحاله صارت تزيد مابيده شي, يشوفها تتعذب ولا يقدر يسوي شي عاجز .. (قبل يديها وللمره الاولى يقبل يدي امراه عدا والدته)..
قاله من عيوني انتي دقايق بس..
جاء الدكتور قال لازم تدخل العمليات الحين معها انسداد في شرايين القلب ولا نقدر مساعدتها الابالعمليه..
دخلت ريم العمليه ودخل قلب راكان معها
وهو بانتظار خروجها يعد الساعات وعينه مليانه دمع يبكي بدون شعور منه...
يتذكر لمساتها بسماتها واللحظات كلها قبل العمليه..






وبعد ماطلع الدكتور وبعد 5 ساعات
طلعت ريم بالسرير الى العناية المركزه
وهو يشوفها يتمنى هو بدالها
سال الطبيب
راكان : دكتور طمني الله يخليك

الدكتور : هدي شوي انت مؤمن بالله الله يعين
راكان: ليش افهم يادكتور
الدكتور : ايامها معدوده
راكان : لا حرام لاتقول كذاا ارجوك
(انهار على الارض يبكي مثل الاطفال لا قول أي شي ثاني الله يخليك يادكتور الله يخليك ابوس رجلك)
الدكتور: يامجنون خطيبتك بخير انا امزح
من جد ماشفت حب زي كذا...الحمد لله هي بخير بس علشان نتطمن لازم تبقى بالعنايه لبكره الصباح روح انت البيت وانا مناوب لحد بكره وباطمنك عليها..
راكان : لا مستحيل
الدكتور: علشان راحتها اصلا انت ماراح تقدر تشوفها وربي اول ماتصحى باكلمك اترك رقمك
راكان : اوكي
صباح اليوم التالي
رن التليفون نهض راكان من نومه مفزوع على الرغم انه مانام الاساعه واحده فقط من تعب التفكير
الدكتور: الو راكان
راكان : هلا طمني
الدكتور:لا فاقت وما عليها الا العافيه
راكان: جايكم ركض
وقفل الخط
دخل الغرفه بدون استئذان ومعه باقة ورد كبيره
دخل بكل لهفه ولقاها نايمه..
راكان يقول:
ماقدرت اتمالك نفسي حسيت انها من جد خطيبتي (قبلت راسها وللمره الثانيه) والهدوء يعم المكان تركت الورد عالطاوله وعزمت الرحيل احس اني استحيت من نفسي..
وانا ظرها من عند الباب وانا انوي الرحيل
واسحب خطواتي اخاف تصحى
وفجأأأأأأأأأأأأأه
ريم: راكان
ومدت يدها
راكان : ياعمره ياعيونه ياقلبه ياحياته انتي امري
سكت لحظه استحى من نفسه لكن كان قلبه هو اللي يتكلم..
ريم: شكرا على كل شي حبيبي شكرا على الدم اللي تبرعت فيه شكرا على خوفك علي البارح علمني الدكتور
راكان انصدم بغى ينجن




راكان : وش قلتي شكرا يا ايش
ريم : اسفه وربي ما اقصد
راكان : امواه على ايدك عيديها لاتحرميني منها
ريم : انا ماقدراقول لك شي انت ياراكان مثل اخوي اقدرك واحترمك
(تحطم قلب راكان)

ريم: من جد ياراكان انا احبك
احبك
احبك
راكان: انا اللي يبي لي عملية قلب هالحين باموووووت
وانا اموت فيك ريما

ولا شكر على واجب انتِِ حبيبتي اذا ما انقذتك انقذ مين ريم ( ا ح ب ك)

**********************
مـــــــــــــــلـــــ(14)ـــــــطوش

عاشق موضي

مع ان عيوني اتعبتني (8)
ويعطيك العافية اختي كتلوج

كتلوج افراح

ويعطيك العافيه على المرور

شقاوي

ماشاء الله عليك اختي كتالوج افراح
صراحه اعجبتني مرررررررره تسلي لنا
ولاتحرمينا من هالقصص الروعه
والف الف الف شكر لك

طهطوهه

رووووووووووووووووووووووووعه القصه
بصراحه جنان (كذا الحب والا بلاش)
يعطيك الف الف عافيه كتالوج
ولاتحرمينا من جديدك



مع تحياتي
طهطوهه

كتلوج افراح

يسلم الجميع على المرور

عاشق عبودي