قصيده لا تفوتكم .... خطيره لأنها من قلب

شعر مره من قلب شاعر مبدع أعجبني مره

ثلاث سنين وانا اخطط لهذا اليوم يابوسعود
تيسر حالي وجاهز أوفي وعدي بوقته
وفجأه جتني تتعذر تقول تأخرت الوعود
وانا مستغرب وأسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت إرضى بالواقع قلبي ماهو المعهود
تغير كل شي صوبك نصيبي ما أظن انته
كنت بيوم محبوبي ولكن ماأظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولا كلمته وشفته
صراحه اهلي قالولي بأنه ولد أصل وجود
وجتني امه بالصوره وبكلمات المدح اخته
سكت وقلت هي فرصه مدام الجود في الموجود
وقالوا كل من حولي "علامات الرضى سكته"
وانا افكر مدام امه وأخته ماعليهم زود
اكيد اني براضيهم اذا وافقت واخترته
وأراضي اهلي واخواني مدام ان الفرح مقصود
عطيت الناس اناكلمه ومعاهم وقتي حددته
ولا أقدر اغيرها ترى عند العرب منقود
اوافق وأعتذر باكر وأقول الراي غيرته
تبي تشرح لي المنقود .. تصدق عاد يابو سعود !!
تبيني أقتنع وارضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى بفستانها أشواك وفي ثوبه عقارب سود
ونار تحرق الكوشه وتحرق بيتهم حتى
وموت بليلة الدخله يبرد حرتي ياكود
ولا أحس انها بحضنه يلامس خد لامسته
علي أهون اذا ماتو ولا بنفس السرير رقود
ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات يلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من أطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي يقول اللي أنا قلته
مدام الفعل له ردت فعل والله ابشري بردود
ابدعي دامني حي وابغرس للدعا نبته
وابسقيها نزيف القلب ودمع مارحم الخدود
وتكبر والثمر ثاري من اللي خانني وصنته
انا نذر علي اكتب وافجر هالقصيد رعود
وأسمع كل بشر صوتي عجبته والا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صوره بكل برود
خذت مني شقى عمري وحلم قلت حققته
ثلاث سنين انا أخطط لهذا اليوم يابو سعود
وتوافق من كلام اخته وصوره أربعه بسته ......



لكن حرام مهما الواحد حب ما توصل لها الدرجه في الدعاء صح ؟؟؟ أنتظر ردودكم

منقوووووووووله

احلامي سراب
ياااااااااااااهووووووووووووووه

ايش هاذا الكلام الحلووووووووووووو

قصيدة خطيييرة

يعطيك العافية عزيزتي احلامي سراب

على النقل الحلوووووو

لا توصل لكذا واكتر ادعي ولا يهمك اسم الله
يمكن العرسان على بابها طوابير
وانا بدعي بدالك يارب تعنس وبعدين ترجع لحبيبها الاولاني وتقوله بليز اتزوجني يقوم يقلها انا اتزوجت وصار عندي ولد
خخخخخخخخخخخخخخخخخخ
بس كلام حلو يسلمووووووووووووو

لا حول ولا قوة إلا بالله وش ذا دعاوي عجايز.... الله لا يبلينا .... يسلمو عالمشاركة صراحه فللللللللللله وصح لسان شاعرها لا يقوم يدعي علينا بعد..