أهل الجنوب 07

أخواني وأحبتي طرحت هذا الموضوع ليس للتجريح أو التقليل من شأن أحد
لكن مما نلقاه من سخريه وتفاهات تقال بحقنا نحن أهل الجنوب من عقول فارغه
فأحببت نشر هذه القصيدة المسموعه رداً على من إفترى بحقنا وكرامتنا
وآمل المشاركة
أخوكم / الملك الحزين

تسلم اخوي على القصيده وفعلا الاحظ الكثير يستهزؤن من اهل الجنوب هداهم الله

عشت وعاشوا رجال الحجر ولا يهونون باقي قبايل الجنوب وبالذات عسييييييييييييييييييير<<<<<< تعصب بس وش أسوي أموت في عسير وأهل عسير وجعل ربي ما يورينا مكروه كلنا ياأهل الجنوب وأهل المملكة..
لكن أنا ماأدري ليش البعض يتجرأ ويتكلم على أهل الجنوب مع إنه في قرارة نفسه يعلم إنهم أهل المرجلة والشرف والبطولات.. يمكن الغيرة تلعب دور.. الله أعلم!!
لكن ما أقول إلا حسبي الله ونعم الوكيل ولن يضير السحاب نبح ال؟؟؟؟
شكراً على هذه اللفتة الرائعة....

معليك اخوي خلك ومش ع المثل يلي يقول (( الكلاب تنبح والقافله تسير ))

اهل الجنوب هزو كيان اقوى دوله بالعالم وغيره وغيره من الكلام
يلي يعجز لساني عن قوله فديتهم وربي وجعلني فدوتا لهم

مشكورين أخوتي : خد القمر & كرة الثلج & أســـ الشوق ـــــير على المرور ويحفظكم ربي

لا لا لا لا ولاتاخذ بخاطرك

هو احد يتجرأ

فعلا اهل الجنوب هم اهل المراجل والبطولات
وهم الاصل والفصل ولاشك كل جزء من المملكه اهله اهل الكرامه ولا ينحكى فيهم
بس اهل الجنوب بالذات يمكن على قولتها غيــــــــــره ====

بس فعلا اخوي اسير الشوق ذكر نقطه مهمه تلميحا لاتصريحا======مانبي نغوص بالسياسه
وفعلا نفتخر فيهم


ويسلموووووو كثير

يقول الرسول عليه الصلاة والسلام (اتركوها فانها منتنه ) او كما قال عليه السلام والمقصود بها العصبيه القبليه

مثل هذي المواضيع لاتنتج الا مشاكل وتنابز واشياء لاقبل لاحد بها
انا جنوبيه ابا عن جد وارفض بشكل قاطع اي نقاش يدور حول هذا الموضوع لاني اعلم بانه سينتهي الى معايره وتهم وكلمات لاتسمن ولا تغني من جوع
كل انسان على ارض هذا الوطن فيه خير وابن بار لتراب وطنه
ليس لاحد فضل على احد
وكلنا جنوبيين وشماليين ووسط وشرق وغرب اسمنا سعوديين وبس




لكن لو جا الجد ما احب احد يعاير احد ولا يقلل من قيمته ولا من وطنيته مهما كانت الجهه القادم منها

يعطيكم العافيه

أهنيك على هالغيره ................!

بس صدقني أخوي الملك النقص والتعصب القبلي والتخلف هو السبب الرئيسي للتجريح في أهل الجنوب ....!!

وللأسف الشديد انه هالتعصب موجود في شريحه متعلمه وربما تكون طبقه عليا في التعليم ( الاستاذ الجامعي ) .

لي موقف بسيط مع هذا الموضوع بإختصار شديد ...

طبعا أنا من أهل الجنوب نسيت أقول هالنقطه .... المهم هذا الموقف حصل لي
وأنا في دراستي الجامعيه المستوى الرابع عند استلام جدولي الدراسي فوجئت انه نزلت لي ماده من المستوى الخامس ( 232فيز) وكان دكتور هالماده هو رئيس القسم (شوف حظي)
عموما قررت اني أحذف هالماده بمشوره احد طلاب الدراسات العليا في القسم (الماجستير) واني أدرس هالماده بالصيفي لانها جامده شوي وتشيب بالراس ....!!

عموما لما جيت اخلص إجراءات الحذف رفض رئيس القسم لييييييييه ما ادري
الماده كان موعدها يوم الاربعاء من 6 إلى 8 مساء وأثناء النقاش قالي شوف انا اعرف
انك بتحذف الماده عشان تفضي يوم الاربعاء وبتسافر الثلاثاء وانت مبسووط ماوراك شيء

قمت أنا اتفلسف عليه شوي وقلت والله اذا كان الدعوه عشان السفر فهذا شيء راجع لي أنا
أسافر ولا ما اسافر .. الرجال أخذ بالكلمه ذي في باله ورفض انه يحذف الماده ....
يمين .... يسار .... أحاول ...... مافيه أمل .... المهم خرجت من مكتبه وقفلت عالموضوع
انه خلاص لازم أدرسها ...... ومشت الايام وتمر يمكن ثلاث محاضرات ومايحضر الدكتور
والمحاضره الرابعه يحضر الدكتور وانا ما حضرت ( والله تعبان ) وجبت له تقرير طبي رفض انه يشوووف حتى التقرير ......!

وتجي الامتحانات والنتائج واتفاجأ اني الاقي النتيجه ( F ) طبعا هذي العلامه راسب
والله اللي متوقعه اني أجيب Bولا B+ يعني من الثمانين الين الخمسه والثمانين في المائه
واحمل الماده الى المستوى الخامس والسادس والسابع ولسسسسسه الحمار موجود
ماتغير دكتور الماده والمستوى الثامن ......... انقسمت هالماده الى شعبتين
ويجي رقمي الجامعي في الشعبه الثانيه عند دكتووور سوداني ..... والله كان يوم المنى بالنسبه لي المهم رحت للدكتور السوداني وفهمت بالوضع من إلى وفعلا حس اني صادق ومظلوووم .... قالي السوداني شيل هذي الورقه واذا مانفذت باللي مكتوب بالورقه فاعتبر نفسك
راسب من الان ...... جاء على بالي ان السوداني بيخربها زياده ..... المهم أفتح الورقه واقرأ
والاقي اللي موجود ..... 1 / موعد الامتحان الفصلي الاول بتاريخ / / /
2 / موعد الامتحان الفصلي الثاني بتاريخ / / /
3 / موعد الامتحان النهائي بتاريخ / / /
وقالي يالله لا أشوووف وجهك ثاني ...... !!
وفعلا والله ماحضرت طووول الفصل الدراسي الا الثلاثه ايام هذي وأول محاضره في بدايه الفصل الدراسي والاقي نتيجتي بعد الامتحانات النهائيه +A

اسف على الاطاله بس مستحيل انسى هالموقف أبد

هذي فعلا قمة التعصب والعنصريه وللأسف الشديد ......

كل الشكر لك أخوي الملك على طرح هالنقطه وأتمنى لك التوفيق .

" تــــحياتــي "

الملك الحزين
اول شئ الرابط
مو راضي يفتح معي

وثاني شئ
أهل الجنوب والنعم فيهم
وأسأل اللي عاشروهم
اهل كرم واهل نخووه
واهل طيبه

صراحة انا فلسطينية وما بعرف شو احكى او ارد بس حسيت عندى فضول انى اكتب واحكى شى كلنا ابناء حواء وآدم يعنى ما فى فرق بيناتنا اخوانى شو ما كان

تحياتى لكم جميعا