وين تروح بجدة ؟؟؟

جدة غير طبعا وكل شي فيها غير متميزة عن باقي المدن بخفتها وتنوعها يعني انت لو طفشان بجدة لو الساعة 3 الفجر تقدر تطلع من بيتك وتاخذ لفة على البحر أو تفر بسيارتك كم فرة وتاخذ لك كوفي من الكشكات لكن انت لو طفشان بأي مدينة ثانية ما عندك شي تسويه غير البيت حتى لو طلعت من البيت تحس ان شكلك غلط يعني الوضع ما تحسه طبيعي عكس جدة اللي تلاقي بكل وقت في ناس فارشين فرشاتهم وجالسين على البحر وآخر وناسة المهم لا أطول عليكم وأنا اتغزل بجدة وجمال جدة الموضوع وما فيه إني حابة أحصر لكم أفضل المقاهي والمطاعم اللي بجدة

المقاهي:

كثير طبعا ومنتشرة بكل مكان

1- جافا وهذا المقهى جدا رائع وهو مقهى ومطعم وموجود بشارع فلسطين بمجمع المطاعم

2- فيرتيقو وهذا المقهى دمه من جد خفيف تحس انك مرتاح ومستانس فيه وطبعا ممكن فيه مطعم موبس مقهى وعندهم ستريو حلو ممكن تشتري منه اشرطة وتسمعها وانت جالس بالجهاز الموجود على الطاولة وموقعه بشارع فلسطين بنفس المجمع اللي فيه جافا أعتقد اسم المجمع مركز فلسطين

3- كاسبر اند غامبينيز
وعندهم كيكة تمر لا تفوتكم تاكلون اصابعكم وراها وهذا المحل اصلا موجود في لبنان
والكوفي عندهم لوووووووووووووووول

4-لا رويا
المكان رايق وراقي بشكل رائع وهو موجود بالتحلية بالخياط 2 من جد تحس بفخامة بذا المحل

5-قراند كافيه

موجود عند مكتبة جرير اللي بشارع صاري تدخل من عند المكتبة يمين وتمشي طوالي لحد ماتشوفه على يدك اليسار(العائلي) أو على يدك اليمين للشباب

والمكان حلوو بس اللي ما عجبني فيه إنه ماكان به غيري أنا وصديقتي وواحد وزوجته يعني فاضي وأنا احب المكان اللي به ناس .

طبعا لسه ماخلص الموضوع وأول الغيث قطرة لكن انشالله باكر نكمل الموضوع

رجعت لكم وباكمل لكم المقاهي والمطاعم المميزة جدا في جدة

6- في مجمع مطاعم او هو بالأصح عبارة عن مطعم واحد مقسم إلى مطاعم لبناني وعالمي ومحل شوكليت اسمه بيبلوس وموقعه على كورنيش الحمرا قبل نكهة القهوة وصراحة هو جدا رائع بس يمكن أسعاره شوي غالية مو مهم انتو روحو ونسوا عمركم لو اطلبو لكم كوفي مو لازم تاكلون هههههههههههههههههههه

7- بالحمرا برضه على الكورنيش عند فندق الانتركونتينتال في مطعم لوست سيتي من جد ديكوره رائع كله أسماك وأشجار واضاءات شي خيال ممكن ينفع مطعم أو بس اشياء خفيفة كوفي معسل ....

8-نكهة القهوة ( اروما كافيه) من جد هذا المطعم له بقلبي مكانة خاصة ومعزة لأن أكلهم من جد لا يعلى عليه خاصة المكرونه بالإضافة للبطاطس عندهم بطاطس اروما تشيلي فتااااااااااااااااكة وطبعا الحلى لايفوتكم عندهم كيكة تمر لذيذة جدا جدا وعموما كل شي بهالمطعم حلو لكن الشغلة الوحيدة اللي موبحلوة بهالمطعم هو انه يكون بالويك إند والإجازات زحمة فالأفضل انكم تتصلون بالتلفون وتحجزون

9- في مطعم ليلك موجود بسوق المساعدية بطريق المدينة بنفس السوق برضه حلووو ورايق

10- ريفيرا مقهى حلو كثير موجود بالآيس لاند قدام سلطان مول بشارع الأمير سلطان

11-لا ننسى الجلسة الحلوة اللي على البحر واللي مفتوحة 24 على 24 ساعة باليوم اللي بمرسى الأحلام لكن عيب المرسى أن الأكل عندهم مو ذاك الزود لكن الجلسة اللي على البحر تنسيك الأكل .

12- مقهى بلاميسكو وهو موجود بالتحلية بعد الخياط لما تجيك الإشارة تدخل من عندها يمين بيمين على ما أظن جوار فندق الرمال وعند الدانوب اللي بالتحلية.

13- مطعم ومقهى بلاك روز روعة موجود بالروضة عند التخصصي بس بابه مو بعلى الشارع لا المحل جاي خلف مقهى بيرلز كافيه ومحله واضح وعلى فكرة المحلين كلها روعة

14- بيرلز كافيه بالروضة على الشارع قبل التخصصي لكن مشكلة بيرلز كافية انه في حد أدنى للطلبات 150 ريال

15- قصر الحلاب على شارع الأمير سلطان هو اصلا محل حلويات وفيه مقهى ومطعم

ونكمل باكر انشالله

موضوع حلووو
حبيت اشارك بما اني خبير مطاعم قصدي من كثر اكل الشوارع

المطاعم الصينيه :
بدات موجه انتشار المطاعم الصينيه ولكن راح احط كم مطعم تقريبا القمه حسب ذوقي
1- مطعم الخليج الصيني : معروف بطعمه موجود في بدايه طريق الحمراء قريب من دوار السفن وكان عنده فرع في المحمل بس تسكر
2- مطعم لؤلؤة الشرق : هذا في مركز الكورنيش ( غير سوق الكورنيش ) والمركز موقعه امام سوق الكورنيش مقابل المواقف في الدور الثاني سعره جيد وطعمه رائع
3- مطعم سور الصين العظيم : صراحه هذا المطعم غير مستقر يوم اكله ممتاز ويوم ماعندك احد عموما له فرعين كلها في شارع الحمراء احدهم خلف تويز ار اس والثاني جنب دوار السفن يعني قريبه جنب بعض شكله ماعندهم غير طباخ واحد

المطاعم التايلنديه :
هذة المطاعم اثبتت جدارتها اولا قائمتها مشابهه للمطاعم الصينيه ونفس الطعم تقريبا مع اسعار منافسه جدا يعني ارخص
1- المطعم التايلندي في حي السلامه : صراحه نسيت اسمه لكن اكله جدا ممتاز عليه شوربه ماكولات بحريه وضفادع خخخخ بس حاجات رهيب جربوها مراح تندمو موقعه اول حي السلامه خلف بيت الكنافه

2- المطعم التايلندي في شارع الحمراء : تلاقونه مع مجمع المطاعم خلف باسكن روبنز ولونه ازرق المطعم صغير وتحس انه تافه لكن اكله جدا ممتاز

3- المطعم التايلندي بشارع حراء : مطعم لاباس به موقعه بشارع حراء قبل تقاطع طريق الملك

مطاعم الاسماك
اعتقد الكل يحب السمك ومطاعم السمك كثيرررة لكن ادرج لكم اشهرها واكيد اطعمها

1- بن مهري : مافي احد يختلف في طعم استراحه بن مهري في خط ذهبان والكل يضرب مشوار 40 كيلو من جدة عشان بس يستمتع بالجو والاكل هناك

2- بايلا : هذا المطعم صراحه طحت فيه رهيب جدا مطعم مكسيكي بس يقدم وصفات رهيبه بس سعره غالي شوي يعني حط في جيبك 500 ريال اذا كنتم في حدود 3 اشخاص
بس صراحه طعم يستحق المغامرة رهيب موقعه في شارع الاندلس قريب من دوار السفن قبل عمارة الفارسي

3- عمو حمزة : مطاعم عمو حمزة اثبتت جدارتها في نكهاتها لهم اكثر من فرع بس انا جربت الموجود في طريق الكورنيش القديم امام النافورة

4- مطاعم قدورة : صراحه جربتها قريب رائعه وجيدة في شارع فلسطين في مجمع المطاعم الجديد وانت رايح على الخط السريع قبل وصولك لاشارة طريق الحمراء

المطاعم الهنديه
صراحه المطاعم الهنديه معروفه بنكهتها لكن بعض مطاعم فايف ستار تضع اسعار غير طبيعيه مقارنه ببعض المطاعم الهنديه الشعبيه لمجرد ديكورات والطعم مقارب
راح ادرج لكم المطاعم الفاخرة لان المطاعم الشعبيه راح اضيعكم بعضها في وسط البلد وبعضها في حواري بعضها طيب وبعضها خرجت بمغص مرة ممتاز مابغاكم تدعو عليا

1- مطعم شيزان الهندي : معروفه مطاعم شيزان واشهرها الموجود في مجمع المطاعم بالحمراء

2- مطعم تاج محل : كان له فروع احدهم في الحمراء مافتكر فين لانه اكلت فيه زمان

3- المطعم الهندي بالتحليه : هذا رهيب موقعه قريب من بيتزاهت في التحليه بشارع جانبي


هذة تقريبا بعض اللي جاء في راسي وجوعني بعدها
ولي عودة مع بعض المطاعم الاخرى

مشكور اخوي مايسترو على هالإضافات المتميزة مثل ما عودتنا دايم

وأحب أضيف على القائمة:

- مطعم الملتقى وموقعه خلف قاعة ليلتي والأكلات البحرية عندهم فوق الوصف وخاصة السوشي
ويفضل انك تكون عامل حجز خاصة بالويك إند

-مطعم الدنتي وهو مطعم إيطالي موجود بشارع صاري مقابل مكتبة جرير وسوبر ماركت الصواري

- مطعم سينسيز senses حلو وأكله حلو وموقعه ناسيته

- مطعم الشرافة مطعم على مستوى وموقعه بالحمرا عند مركز شاميل لكن العيب الوحيد اللي فيه أنه مابه أحد بالمحل بس في ناس يحبون كذا

- مطعم باقيت baguette
وموجود بشارع التحلية مقابل مركز التحلية التجاري وقبل جدة مول وهو عموما اكلاته امريكية على ما أعتقد البرغرات والبطاطس وهالشغلات

- مطعم كازا إن مطعم مغربي موجود على شارع صاري بنفس المبنى اللي موجود به مطعم الدنتي

- ناندوز طبعا ما يحتاج تعريف موجود بالتحلية وفي فرع جديد له الحين بيفتح بشارع صاري

-تشيليز أنا أعشق هالمطعم واجوع لما أجيب سيرته من جد أكله روعه وخاصة المقبلات عندهم وموجود بطريق الملك مع تقاطع فلسطين على ما اعتقد عموما

-ابل بيز وله فرعين واحد بالحمرا وواحد عند حراء افينيو

- فرايدايز وموجود عند تشيليز أكلات امريكية

- فدركرز موجود بالتحلية أكلات امريكية بعد الخياط على ما اعتقد بأول لفة أو ثاني لفة يمين

- طبعا الشراع جلساته حلوة مرة اللي على البحر وأكله لبناني تقريبا موجود بالكورنيش

- الودعة في النورس موفينبيك موجود على الكورنيش وبتلقون فيه شاليهات الموفينبيك

- مطعم بيانو موجود بشارع التحلية واكله لذيذ وعندهم سانوتشات بالتوست والدجاج لذيذة


-

- لا ك

بصراااااااااااااااااحة رااااااائعة .

وانا نفسى كتير ازور السعودية .

انشالله تزورها عن قريب وتستانس فيها
مشكورين على المرور

لووول...
انا من دبي...

والله زين...اذا ييت جدة لازم تساعدوني

عشان اعرف وين الاماكن الحلوة...

انشالله عن قريب اختي white star تجين السعودية

وانشالله تعجبك الأماكن اللي ذكرتها