خخخخ أصنآف الحريم

اليوم زرفت لكم من واحد يقاله ابو طارق..وماقصر الاخ صنف الحريم مهوب كل الحريم
الحريم اللي يحبن الفشخره اللي في غير محلها


المهم صنف الحريم لقسمين..وجبت لكم بس قسم واحد...بس اذا كملتوا معاي لآخر الصفحه
بتشوفون القسم الثاني
يقالها تعرف تسحب

القسم الاول:
حريم يحبن الكشخه والفشخره الزايده والميخ وهذولي مستحيل يشترين اي سلعه ومايسمح لهن كبريائهن انهن يشترين من اي سوق يعني لوتقول لوحده
منهن ودك تدخلين السجن والاتروحين اسواق بن دايل كان تقول ودي ادخل السجن
وش اسواق بن دايل فال الله ولافالك
والي يبي يشفط دريهماتهن يطبق مايلي:
1-اذا كان عندك محل خياطه مسميه منيره للخياطه فغيره اسمه لـمشغل هوت كوتير
مثلا..وابشر بالسوق.
2-اذا كان عندك اسواق ومسميها اسواق ابوصالح المركزيه ومايجيك ولاحرمه
غير اسمه لـ((برويار مول))او((اوريون مول))إخرط اي كلمه اجنبيه وعقبها كلمة مول ويمتلي حريم
3-اذا عندك معرض ملابس مسميه ((معرض الشميسي))مثلا فالحريم معذورات اذا ماجنك
ياخي حط اسم يواجه وكشخه مثل:كوشيه دي سولاي غاليري وان مامتلاء حريم صفقني


القسم الثاني:
فهن اللي يقدرن شئ اسمه تخفيضات واذا دخلن محل مكتوب تخفيضات ماطلعن والا معهن
سبعطشر كيس مليانات مقاضي سواء كانن يحتاجن لهن او لا اهم شئ عند ارواحهن انهن شرين
بسعر رخيص ولعبن علي البياع..<<<<خخخخخخ..مويقو لون المراه اذكي من الرجل
وانصح الرجال اللي عندهم حريم من هالنوع انهم يقفلون بيبان السياره زين لانه خطر
اذا مر رجلها من عند المحل مكتوب عليه تخفضيات تطب
من الدريشه من زود الشفقه<<ههههههههه...
واذا كان عندك محل وبضاعتك سعرها ميه مثلا وماعليك سوق وبغيت تشفط دراهم ذا النوع
ارفع السعر لـ((500)) ثم اشطب عليه واكتب تحته الان 125 ريال وحط لوحه برا مكتوب تخفيضات
هائله تصل لـ 75%وابشر بمداحم الحريم.


-------------------------------------------------------------------------------

اذا ارادت ان تتخلص من مئة الف ريال في ربع ساعه فقم بإحراقها
واذا اردت ان تتخلص منها في عشر دقائق فادخل بها سوق الاسهم
واذا ارادت ان تتخلص منها في خمس دقائق فعطها حرمه وحطها في السوق..<<كأنه صادق

مشكلة الحريم التسوق وسامحوني هذه حقيقة لابد للرجال من الاعترف و الاستسلام والانصياع لها حتى لاتشب حريقة في البيت.

شكرا ام لولو على مرورك و إعترافك

هههههههههههههههههههههههههه

ثانكس