السلام عليكم
لطشت لكم قصة من تاليف الاخت جوري >>من جوري << مالكم دخل
مصاله صح
------------------ القصه-------------
( يوم الجمعه اللي قبل الدراسه وانا اللي هي بطلة القصه داخله لبيت جدتي تقابلني توتي شغالتها موب توتي اللاعب )
توتي ودي هذا شنطه غرفه انا ..
جوري انا يبي بتاقه أشان كلم ماما انا .. طيب خلاص روحي ودي شنطه بكره انا جيب ..
جوري انا يبي نيبيا وبازلين طييييييييييييب خلاص روحي ودي الشنطه بعدين انا روح بقاله جيب .. وين ماما كبير ؟؟
ماما كبير في قورفه سولي ....
ادخل على جدتي .. تسمع خطبة الحرم وشايله الشيله وفاكه جدايلها تمشط شعرها زي عادتها يوم الجمعه .. وطقتني الغلقه يعني خلاص بنرجع لقلق الدراسه ..
سلااااااااام يمه
( وشلونكم ؟؟وش اخباركم ؟؟وش مسوين ؟؟ :لأ[،×لأ،][[]ٍ’ٍلإ×ُ$)%$*$ ؟؟ ... الخ ) اقول يمه .. موب كنه حر ؟؟ ورا ماتشغلين المكيف ؟؟
ماتشوفين راسي رطب ؟؟ تبين يجيني ابو دمغه ؟؟ افصخي عباتس واجلسي الله يهبطتس باسمه ؟؟ ايه والله خل افصخ العبايه وه حر ..
اييييييييييه .. اثرتس يومتس مافصختيها عارمتن شوووووشتس ؟؟ ايه يمه وش رايك منيب اهبل ؟؟
الا تهبلين بسم الله غاديتن تسنتس جنيه ؟؟ يووه يمه وش فيك ؟؟ ترا وقتنا تغير غير وقتكم ..
ايييييه الله المستعان .. هاك الحين وانا كبرتس وانا شعري اليا ذا ( وتأشر على ركبتها ) << والله من الصدز .. واجدله سبع جدايل .. سببببع ؟؟ طيب يمه كان معجب جدي ؟؟
ابتس جدتس يجوزله شي ؟؟ هذا لي خمسين سنه ماعمره مدحني .. اقول جده تمسكي .. والله لوك ماخذه نور الشريف .. هذا وهو من جيل منول تبين يمدحك وش نقول عن جيل اليوم ؟؟
اقول هها .. ورا ماتخلين عنتس هالعلوم .. وترقين تظفين غرفتس ؟؟ وترتبين عفوشتس ؟؟ يوووووووه جده ؟؟ وتوتي ليش ماضفتها ؟؟
وتوتتس فاضيه ؟؟ وانتي وش شغلتس ؟؟ هاك الحين وانا كبرتس وانا اطبخ واكنس واطحن واعجن واحش .. ايييه عز الله الحش.. تلقين عاد محد من الحريم يسلم من لسانك ..
اقول هها .. مهوب احش حشكم ياهالبني .. احش اروح اجيب حشيش .. افا .. ليتك ماكحلتيها .. افا ياجده افا .. انا من قلتي لي انك تحطين سبع جدايل وانا اقول ذي مهيب صاحيه .. يامهبوله يامحششه .. طيب جدي يدري عنك ؟؟
اييه يدري اجل من يبي يجيب له حشيش ؟؟ ماعنده الا انا واخيته الله يسكنها الجنه .. اقول ورى ماترقين ؟؟ وشغلي السخانه ترا هالوقت شين .. يجيتس شين براستس همن نبلش .. ....
ودخلت غرفتي والاها مغبره وقد غطتها الاتربه .. وباقي حوستي من قبل الصيف .. واشوف لعبتنا قبل مانروح انا وربيعاتي (اويجا ) يووووووه ياقدمها من زمان مالعبت .. مسكت مربع اللعب
اويجا هل تسمعني ؟؟ اويجا هل تسمعني ؟؟ وطبعا المربع ماتحرك قلت يمكن اويجا نايم .. وذكرت ان جدتي قالت شغلي السخانه .. ورحت واجي اشغل السخانه ويدي رطبه .. ( وزونمتمنلتنربلتاناؤرلرلؤب ؤهاهةملا ) .. ويلفط بي الكهرب ويقعد جسمي يشر ياما صرت هيكل عظمي وياما صرت انا << ركزوا عالوصف ..
ووقعت مغشي علي .. وفجأه حسيت نفسي بحمام ثاني غير حمامنا .. وقمت وجسمي خاااااااادر عقب الكهربه .. فتحت باب الحمام واسمع حرمه تتكلم ..
ايه بس ياابواويجا الولد له اربع شهور ماطلع من غرفته .. يابنت الحلال خليه عنتس .. الولد من حينه وهو عليه من الله ظلال .. انتي شوفي وجهه بس وحركاته تقولين ماسه انسي .. بسم الله على وليدي ..لاتجيب طاريهم .. انت خابرني اخاف منهم الاجواد .. الا وش رايك نزوجه ؟؟ يمكن تصلحه بنت الحلال اللي بياخذها .. اقول لتس الولد مهوب صاحي .. ماتفهمين انتي ؟؟ من بياخذه .. يابعد تسبدي ياوليدي .. طيب خل نسوي له عملية تجميل شي .. هو ماجته هالعقد الا من شكله .. وقعدت افكر ..هالحين منهم ذولا ؟؟ لايكون مخفوسن بي بس وذولا جن ؟؟ ايه بالله مخفوسن بي .. ابطل عليهم ابشوف وشلون شكلهم .. وطليت لقيتهم اشكال مرعبه .. فيهم كل اوصاف الجن اللي قريت عنها .. العيون بالطول .. مالهم رجول طايرين يعني .. انا انهبلت رجعت للحمام وصفقت فيه الباب ..
اقول يابو اويجا .. وش ذا صوته ؟؟ انا خايفه .. لاتخافين يابنت الحلال .. سمي بالله وماجايتس الا العافيه .. بسم الله الرحمن الرحيم .. وووووورررررررررر .. وانا يجيني شين يطيرني .. ومادريت الا وانا بغرفة خدامتهم لقيتها تدهن رجولها بفازلين ونيفيا
وسو هادا ؟؟مين انتا ؟؟ ووجع كل هالانوثه وتقولين انتا ؟؟
من انتا .. رووه .. انا من جمان مافيه سوي سهههر .. روووه .. اقول تعرفين توتي ..
اوسو توتي روووووه .. بسم الله رهمن رهيم .. وووووووررررررررررر .. والاي بغرفة ولدهم .. انا قلت بس .. هذي غرفة ولدهم الشدهه اللي تو يقولون وش بيصير عندهم ؟؟ وانا احط راسي بين ركبي واقعد اصيح رقلت بس هالحين بيقبع والا بيويدز بوجهي همن اقلب عفرا ..وكان اويجا منسدح عالكنب .. وسمع صوت الكمخه على الارض وهو يلتفت زي كذا لاحظوا الكشخه ( مالاحظت الكاس الا تو )
من انتي ؟؟ هيييييييييييييييييء .. انت اللي من انت ؟؟ ووش انت ؟؟ ووش جابك هنا ؟؟ انتي جوري صح ؟؟ تراه يوزر تبي اعلمك اسمي الصدقي ترا عادي ماعندي مشكله ؟؟ لاتخافين جوري ..تعالي انا اويجا .. انت اويجا اللي اهلك تو يقولون ؟؟ ووراك ياكافي حابسن نفسك بهالغرفه ؟؟ موب انا اللي حابس نفسي .. انتي اللي حابستني .. ياجعلي للصمرقع .. وراااااااااي احبسك هااه ؟؟ موب انتي قلتي قبل لاتشغلين السخانه اويجا هل تسمعني ؟؟ الا .. بس انت مارديت .. الا رديت يوم رحتي .. وحبستيني لأنك ماقلتي مع السلامه .. ايييييييه صح نسيت اقول لك مع السلامه .. بس انا احسبك منتب موجود .. الا كنت موجود .. بس مشغول شوي .. كان معي كثير اون لاين : .. اقول لاتشلخ علي ..انا توني محاتسيك .. وامك وابوك تو يقولون له اربع شهور بغرفته .. ا
ييييييه ياجوري .. هذا بسبب اختلاف الفارق الزمني بين وقت الجن والانس .. يعني اربع
دقايق عندكم تحسب عندنا اربع شهور .. يوووووووووه صدق ؟؟ .. طيب ابي ارجع لاهلي .. مستحيل اخليك تروحين .. زي ماخليتيني كل هالفتره محبوس ابخليك تنحبسين اربع شهور .. لأ .. مستحيل .. مستحيل خلني اروح << .. وانا اقول منتيب رايحه .. مستحيل ..اقعد اربع شهور اشوف هالاشكال .. حرام عليك اكيد طبعا ماتقصديني .. هاه ؟؟ يعني والله انك ماهنا فرق عنهم .. اكييييييد ؟؟ هاه ؟؟ مدري .. اسمعيني انا ناوي اشتغل مشعوذ والعب عالجن .. ولا لقيت انسانه تساعدني .. اقول .. منااااااااك ماتدري ان هالشي حرام ؟؟ وان جوك بكره الهيئه ومسوكنا .. لا معليش اعذرني دور غيرها اجل شوفي ابيك تقعدين بس اربع شهور وبعدين تروحين ..
بس بيشوفوني اهلك .. وماعندي استعداد كل من شافني يقول وش ذا اللي تخوف ويتناحشون مني .. على ان جدتي قايلتها كنك جنيه .. يالله يارب يلفط بها كهرب وتجي تشوف الجن صح موب انا .. تصدقين حتى انا .. يوم حلقت شعري قالوا بسم الله كنك انسي .. وووووووووررررررررررررر .. الاي راجعه بغرفة امه ..
هيه انتي واياه رجعوني له ..
يممممممه .. وش ذي ؟؟ بسرعه واحد منكم يسمي ابي ارجععععععع ..
بسم الله وش تقول ذي ؟؟؟ ووووووررررررر .. الاي بغرفته مره ثانيه .. وادخل وافصخ شباصتي ..
تكفى اويجا نخيتك لاتسمي .. تمصعت من كثر ماتطيروني .. هه هه هه .. خلاص لاتخافين .. طيب وش اسوي هالحين كل اللي بيشوفوني بيخافون مني .. خلاص حطي تصفح مخفي ولا احد شايفك .. هه هه هه ياربيه صدق الزين مايكمل .. وع ياتسبديه .. جوري وش قلتي بتقعدين اربع شهور والا لأ ؟؟ اجل اسمعني .. من هالحين ترا منيب متزوجتك .. اربع شهور وابروح .. بعد الاربع شهور يحلها ربك
وقعدت اربع شهور .. وياما سكنت بامه وياما بابوه لين يوديهم للشيخ ويكفخهم واطلع .. اخر شي جا القرار اني اسكن الشغاله .. قرروا اهله يرسلونها .. هاللحظه اصبت بصدمه عاطفيه .. وشلون اروح واترك اويجا .. ابروح لجن سيريلانكا اللي ماخلوا سعودي ولا سعوديه مادخلوا فيه .. اقنعني اويجا بأن هذا اصعب اختبار ولازم انجح فيه .. ووصلنا لاراضي سيلان والبنت ضعيفه تعيبانه .. وقالوا بيودونها لشيخ سيلاني يقرا عليها .. وقبل لايجي الشيخ اشوف جموع من الجن السيرلانكيين جاايين ويصارخون ( تسونامييييييي .. تسوناميييييييي ) .. ويجيني الموج وياخذنا انا واياها ... هذي والله النشبه ..مايمديني اطلع مااعرف اسبح .. اثر المره مثلي ماتعرف تسبح ونغرق انا واياها .. ونصارع الموج تلو الاخر حتى فقدت الوعي وهي مدري ماتت بس مدري عنها فقدت الوعي والا لا << تلطيف جو
وقمت على جدتي وهي مقابلتني بسطل المويه الثاني
......................... ........................
مايستفاد :
1ترا لعبة اويجا كذب في كذب وخرافه وكانكم لعبتوها قولوا مع السلامه عشان ماتحبسونه ( بسم الله علي وعلى ذريتي )
2 اللي يقولكم مافيه جن ترا يكذب عليكم .. بس انتم سموا ولايجونكم
3اذا قالوا لك كنك جنيه لاتصدقين تراك احلى
4 للبنات بس :
سر بياض ركب الشغالات النيبيا والبازلين 5للبنات بس :
تبطون عظم تاخذون واحد يشبه اويجا .. لو يلفط بكم مولد الديره بكبره ..
---------------
اتمنى تكون عجبتكم ترى تعبت بالتنسيق حق الالوان
بسم الله علي وعلى ذريتي --->هع هع 
العرض العادي
