ممكن مساعده يا قيرلاتي

ورده حلوه · 22-Dec-2006, 10:33 AM

السلام عليكم

كيفكم يا بنات يا امورات

ممكن مساعدتكم

انا حاليا مملكة و بأدبش ((اجهز ))
و بدي اخد معايا طقم للسرير

و اشياء للمطبخ و الحمام
يعني مريلة ممسكة حقت القدور
مناشف للمطبخ و الحمامات

و شراشف صلاه كمان

و كمان غير الاكياس و العلب اللي راح احط فيها الملابس حقتي
و الاكسسوراات

بس ابغى افكار لهدي الاشياء و محتار

ممكن تساعدوني

عندنا في عيلتنا كل حاجه حقت العروسة ياكلوها اكل :a29:

بدي شي غريب و حلو

و مشكورين

ورده

***فرحة امل*** · 22-Dec-2006, 11:02 PM

طقم للسرير ليييييه <<<<ملقووفه ههههههه

طيب انا عندي لك فكره

الصراحه انا اشوف هذي الاشياء بسيطه

وكلها تصلح هدايه

اش رايك تخلين اهلك او صحباتك يشتروها يعني اي وحده تبغى تهديك هديه قوليلها انا ناقصني كذا وكذا

لانها بسيطه وماتكلف

فالما يسالوكِ قولي هديه ههههههههههه

والف مبروووك ياعسل

أعـــــــز النــــــــاس · 23-Dec-2006, 12:30 AM

اول شي الف مبروووووووك

والله يجعل ايامك كلها افراح و سعادة

بالنسبة لموضوع الدبش

خلينا نمشي خطوة خطوة

بالنسبة للملابس انا اشوف احسن شي تعلقيها بستاندات

زي المحلات اللي تعرض الملابس راح تلاقي منها بايكيا

شكلها زي حرف U بس بالمقلوب

حتى اريح تكون مكوية وجاهزة وتحطي كل طقم بكيس قماش
وتزينيه من فوق بورد بنفس لون الغرفة

بالنسبة للشنط والجزن - الله يكرم السامعين - فأحلى شي وابسط شي وارتب شي

تحطيها بأكياس شيفون ولونها يكون ماشي مع الوان الغرفة وتحطي في الكيس ورد مجفف وشوية مسك أبيض

بالنسبة للملابس الداخلية وشراشف الصلاة وحتى شرشف السرير افضل شي تحطيها بصناديق خشب

شكلها مررة افخم من الأكياس الورق

اما أدوات المطبخ زي المريلة وتوابعها فيكي تحطيها بصناديق اللي زي الكرتون بس تجيكي ملونة وتزينيها انتي بورود أو توديها لمحل هدايا يزين لك اياها

ولا تنسي تحطي بكل صندوق مسك ابيض او اي ريحه حلوة

عشان الملابس تاخد ريحة طيبة

ورده حلوه · 23-Dec-2006, 07:38 PM

اقتباس

المشاركة الأصلية كتبت بواسطة ***فرحة امل***


	طقم للسرير ليييييه <<<<ملقووفه ههههههه طيب انا عندي لك فكره الصراحه انا اشوف هذي الاشياء بسيطه وكلها تصلح هدايه اش رايك تخلين اهلك او صحباتك يشتروها يعني اي وحده تبغى تهديك هديه قوليلها انا ناقصني كذا وكذا لانها بسيطه وماتكلف فالما يسالوكِ قولي هديه ههههههههههه والف مبروووك ياعسل

ههههههههههههههههههههههه
الله يسعدك

احنا عندنا لازم العروسة تجيب حتى لو جاتها هدايا
و لا بعدين ياكلوها اكل

>>>>>دعيله تجيب الطفش

مشكوره يا قمر

ورده

ورده حلوه · 23-Dec-2006, 07:41 PM

اقتباس

المشاركة الأصلية كتبت بواسطة أعـــــــز النــــــــاس


	اول شي الف مبروووووووك والله يجعل ايامك كلها افراح و سعادة بالنسبة لموضوع الدبش خلينا نمشي خطوة خطوة بالنسبة للملابس انا اشوف احسن شي تعلقيها بستاندات زي المحلات اللي تعرض الملابس راح تلاقي منها بايكيا شكلها زي حرف U بس بالمقلوب حتى اريح تكون مكوية وجاهزة وتحطي كل طقم بكيس قماش وتزينيه من فوق بورد بنفس لون الغرفة بالنسبة للشنط والجزن - الله يكرم السامعين - فأحلى شي وابسط شي وارتب شي تحطيها بأكياس شيفون ولونها يكون ماشي مع الوان الغرفة وتحطي في الكيس ورد مجفف وشوية مسك أبيض بالنسبة للملابس الداخلية وشراشف الصلاة وحتى شرشف السرير افضل شي تحطيها بصناديق خشب شكلها مررة افخم من الأكياس الورق اما أدوات المطبخ زي المريلة وتوابعها فيكي تحطيها بصناديق اللي زي الكرتون بس تجيكي ملونة وتزينيها انتي بورود أو توديها لمحل هدايا يزين لك اياها ولا تنسي تحطي بكل صندوق مسك ابيض او اي ريحه حلوة عشان الملابس تاخد ريحة طيبة

مشكوره اختي على الافكار الروعه
عجبتني فكرة الاكياس مره

و ياليت اي وحده عندها افكار زياده لا تبخل عليا

ورده خانو

لوعة_المغرم · 06-Jan-2007, 04:19 AM

وردة
ألف مبروك

وربي يتمملك بخير

أنا برضه زيك

جالسة أجهز

الأكسسوار

جبت صناديق خشب

المكياج حطيته بشنطة تشبه شنط الذهب

بس تجي ألوانها حلوة

قرمزي وبرتقالي

أنا أخذت برتقالي

أطقم السرير أحسن شيء تخليها بنفس كيسها

ممممممممممممممممم

أنا جتلي فكرة لأعواد القطن حأعملها بأذن الله

أعواد القطن حأفرغها في صندوق أسطواني الشكل

أو اللي تتجي لأطقم الحمام

اللي تتحط فيه الفرشاة

بس فيه زيه مغلق

أيش رايك؟؟

لحن القمر · 06-Jan-2007, 10:42 PM

ولايهمك انا دحين باانزل لك موضوع هنا في القاعة ولايهمك
لعيونك يالغالية

ورده حلوه · 07-Jan-2007, 07:29 PM

مشكوره اختي لحن القمر

************
لوعة المغرم افكارم مره حلوه و مره عجبتني

ورده حلوه

ورده حلوه · 07-Jan-2007, 07:33 PM

شوفوا هدي الصور
افكارها حلوة
بدي افكار زي كده

و يارب تفيد العرايس اللي زيي

هذي افكار حلووه للملابس وترتيبهاا

وهنا المناشف

افكار رررروعه للجزم

ورده حلوه · 07-Jan-2007, 07:34 PM

ترتيب الشباصات ( البكل وربطات الشعر ) والأكسسوارات

افكار للعبايات
شتري كم كيس أسود ..وممكن تزينيهاا بالورود والكلف او أي شيء تحبينه ..

ترتيب الحمام

وهذي لمناشف الحمام

مفارش السرير

[IMG]http://malekat.com/uppic/uploads/ce14f3fede.bmp[/IMG

من وحده في منتدى تاني
و الي عندها لا تخل علينا

ورده


	ابي زفه حلوووووه آخر رد: son son 83 <::> متى يسقط الرجل اوالمراه من نظرتك ؟ جاوبوني بصراحه آخر رد: خوله القبائلى <::> أبغي أعرف الدنيا ليــش عكس الطيــــــــب ?? آخر رد: القلب النابض <::> لايفوتكم >> القطع الأخيره من الملابس الكويتيه المميزة + ( عرض خاص جداً ) آخر رد: بنت ظفار <::> زفات تركيبها حلو ومنسق آخر رد: son son 83 <::> زفه بصوت مصطفى قمر (بعد اخفاء الموسيقى) آخر رد: son son 83 <::> خطأى آخر رد: خوله القبائلى <::> مؤثرات صوتيه منوعه لدخلة العروس آخر رد: son son 83 <::> ياورود يازهور بدون موسيقى تنفيذنا آخر رد: son son 83 <::> طرق تعذيب الزوج.. ممنوع دخول الرجال آخر رد: FuLLm00n <::>

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع