بنات المنتدى ..تعالوا أبقاكم شوي..

السلام عليكم ورحمة الله وبركاته..
هلا والله بكل بنات المنتدى..أعضاء ومشرفات...
أنا اليوم أبقى آخذ رأيكم في فستان فرحي..
أنا راح أفصل واخترت القطعة والموديل ولون القماش...وكل شي...
الموديل اللي يجي مخصر عند الخصر>>>>>>كأنوا فستان سهرة..وبعدين تجي قصة في الوسط من الأمام..تكون مكسرة"مزمومة"...
ايش رايكم حلو الموديل كذا ولا اللي يكون منفوش كامل...الثوب التقليدي يعني..
مره أقول تغيير راح أسوي بالضبط نفس الموديل ومره أقول لا حلاة العروس بالثوب المنفوش مررررره...
أعطوني رايكم الله يوفقكم...يارب..
بس لا تتأخرون علي...لانوا المحل يستنى ردي عليه عشان يبدأ يشتغل فيه...
مشكووورين مقدما حبايبي...

هلا ياعسل
أولأ..مبرووووك
والله يكتب لك التوفيق والسعادة يارب
ثانياً
ياليت..تحطي لنا صورة..علشان نحكم
موفقه حبيبتي

لو تحطي صور عن الي تتكلمي عنه
وبعدين انتي ايش تشوفي يناسبك
لانو لازم تعملي حساب طولك وعرضك
في ملابس تناسب بنات وبنات لا
وانتي كمان وضحي اكثر
بس ترى بتتعبي مع البنات كل وحده راح تقول راي وبالاخر راح تصدعي
عشان كذا انا راح اقولك معلومات بسيطه ان شاء الله تنفعك
اذا كنت نحيفه وطويله يناسبك الي يجيك ماسك شوي ثم يتوسع الى الاخير ويكون الرسم الي فيه على شكل ورد متداخل وانيق.
اذا كنت نحيفه وقصيره نفس الشي لكن النقش يكون على شكل خيوط انيقه مرسومه عشوائي
اما اذا كنتي مليانه يبغالك المنتفش بس يكون على شكل قطع قماش متركبه فوق بعضها ودافخل فيها الزخرفه الي بتجي على شكل خيوط نازله لتحت
يارب بس اكون افتدتك واي شي بس اسالي
تحياتي

الف مبروك اولا
ثانيا الله يوفقك
ثالثا كلام اختي تابوت صح
اما انا بالنسبة لي اشووف العروس تكمل طلتها بالمنفووش وكل واحد وله ذووقه

الــف مـبـــروكــ .. مــاشــي

عـقــبــــال الـعــزابـيــهـ .. زي مــاقــالــو الـبـنـــات لــو تــحـــطـــــــي الـصــورة يــكـــون افـضــل عــشـــان تــوضـــح الــصـــورة أكــثـر ..

بــعــديــن انـتـــي شــوفـــي ايـــش يـنــاســبـــكـ اكــثــــر عــلـــى حــســــب جــســـمــكـ اذا كـنــتـــي طــويـلـــهـ رشــيقـــهـ بـيـبــيـــن عـلــيــكــــي الــثـــوب الـلــي نـفــخــتـــه بـسـيــطـــهـ ولــهـ ذيــل ,, امـــا اذا كــنـتـــي قــصــيــرة ونـحــيــفـــهـ زيــادهـ عــن الــزومـ مــااتــصـــور كــونــكـ عــروســـــه رح تــبــيــنـــي او تـــبـرزي .

وعــلـــى حـســب الـخــيــاطــهـ اذا كــانـت شـاطــرهـ رح تـعــرف ايــش الـمـنــاســب الـكـ

تـقـبـلــي مــروري ..

هلا ..
أنا ناويه أحط صورة الموديل بس أفضى عشان أصوره بالجوال وأنزله لكم إنشاء الله..
الناعمة...تابوت...لحن القمر...مياسة...
مشكوووووووووووووورين والله يوفقكم يارب..
والله إنكم ما تقصرون...