لايفوتكم تعالوا هنا بسرعه (شعر وفكرته بأبياته)

الفكرة ان العريس يكون جالس يلقى القصيدة و بنفس اللحظة هناك طفلة تمشي بالورد ...بعد انتهاء القصيدة تخرج العروس


وانا كاتبه في الابيات الاسم يعني حطوا اسم العروس بداله
وان شاء الله يحوز على اعجابكم




الليلة الفرحـة ملـت واسـع الكـون وهلت لنا مزون الغـلا عـذب ماهـا

الليلـة لشمعـة حيـاتـي يـزفـون وتكحلـون عيونكـم مــن حـلاهـا

والطفلة اللي جت تمشي على الهـون تهدي لهـا عطـر الـورود وشذاهـا

ورود حـب و كـل وردة لهـا لـون وعلـى محياهـا الـبـراءة تبـاهـا

و اذا سألتوا نور عيني مـن اتكـون؟ وكيف املكـت قلبـي وذاب بهواهـا؟

اليـوم لا طلـت عليـكـم تعـرفـون منهي و وش سر الغـرام و غلاهـا؟

تمون لو تطلب نظـر عينـي تمـون تزعل علي الناس و اكسـب رضاهـا

الغالـي اللـي تطلبـه منـي يهـون روحـي و قلبـي و المشاعـر فداهـا

"الاسم" تحط عروق قلبي لها اغصـون واصدق شعور الحب يـروي ضماهـا

الزينـة اللـي حيـرت كـل مزيـون تمشي و كـل الزيـن يمشـي وراهـا

ما الومكم لـو مـن حلاهـا تغـارون الله وهبهـا الـزيـن و الله عطـاهـا

وش تذكرون بزينهـا و وش تخلـون مـن راسهـا حتـى مواطـي حذاهـا

ما كنت احسب ان المشي ذوق و افنون لين اقبلـت "الاسم" ترتـب خطاهـا

وليل الجديل اللي تمايل علـى امتـون وغطـا نحرهـا بالظـلام و كسـاهـا

و الضحكة اللي تحتها الـدر مكنـون و البسمة اللي تنرسـم فـي شفاهـا

هو جسم و الا خد و الا هـي عيـون متميـزة بالزيـن عـن مـن سواهـا

لطلتـك كـل الحـضـور يتـحـرون ويبغون شمس الصبح ترسـل سناهـا

طلـي و خليهـم لزينـك يشـوفـون يا "الاسم" سنينـي و مصـدر ضياهـا