تجهيزات حفل الزواج
يلزم عليك قبل زواجك انك تشوفين الحجوزات اللي تتوجب عليك
ــ حجز الصاله ( اذا زواجك كبير )
ــ الشركه اللي بتنسّق لك الحفل .. وحاولي تختارين شركه ممتازه بحيث تتكفل بكل شي من كوشه وحلويات وصبابات
ــ المصوره ( سواء الفيديو والكاميرا فلاش ) احجزي وحده مضمونه وعطيها عربون
ــ المكياج والتسريحه .. احجزيهم
ــ الطقاقه .. وادفعي لها العربون
قبل زواجك بفتره بسيطه
ــ سوّي بروفه لمكياجك مع اللي حجزيتها
ــ التسريحه .. اختاري التسريحه اللي تبينها عشان تكونين خالصه منها
ــ تأكدي من الشركه اللي بتنسق الحفل واختاري الكوشه وبلغيها بعدد المعازيم للتاكد من عدد الصبابات والمضيفات وباقي الخدمات
ــ اختاري الزفه اللي تبينها ((وركزي على زفات الميوزك افضل من الشعر ))
ــ اختياري تذكار الزواج
ــ اختاري صوره حلوه لك عشان تحطينها بالتذكار
ــ حطي لسته لعدد المعازيم .. وابدأي بأختيار التصميم لـ كروت الزواج
ــ اختيار مسكة زواجك المناسبه
وهنا موضوع صور لماسكات العروسه للاخت ملكة المنتدى
7
7
الليلة التي تتسبق زواجك
ــ نامي مبكراَ في الليله التي تسبق ليلة الزفاف ( مع ان ماظن بيجينا النوم هذي الليله)
ــ قللي من المنبهات (القهوة والشاي ) فهي تجعل اعصابك مشدوده
ــ يجب أن تكوني أنتهيت من عمليات تنظيف الجسم من الشعر ..قبل الزفاف بيوم على الإقل حتى ترتاح بشرتك
بوم الزفــاف
ــ حافظي على وضوئك عند وضع المكياج وصلي العشاء أول وقتها
ــ قبل الزفه لا تنسي قراءة المعوذات والأذكار لتحفظك بعد الله من العين والحسد
كلمـــة اخيره
الى هنـــــا نقدر نقول الله يوفقك في هالليله ويسعدك ويتمم لك على خير
ولا تنسين تصلّين ركعتتين شكر لله على نعمته
تجهيزات حفل الزواج
جزاك الله خير