فكره اخترعتها لزواج صديقتي

الحب الهادي

السلام عليكم ورحمة الله وبركاته اتمنى ترحبوا فيني لان هذي اول مشاركه ليه بعد تقريبا 7 شهور قراءه وتصفح بها المنتدى الاكثر من رائع ومن زمان ودي اشارك معاكم بشي مفيد بس ماسمحت لي الفرصه غير الااان واتمنى اتمنى من كل قلبي اكون عضوه فعاله بينكم واتمنى اتمنى اتمنى اغمض غيوني وافتحها الاقي مشاركاتي فوق ال100 مشاركه لكن الله يقدرني اوصل لهاالعدد جايبتلكم اليوم فكره سويتها في زواج صديقتي اتمنى تعجبكم
كل الحكايه انه صديقتي كانت واحدانيه وهي عزيزه على قلبي وخدمتني كثير وكان نفسي ارد لها هالخدمه ..........ماابغى اطول عليكم ..........المهم دقت عليه قبل زواجها بيوم واحد وهي تبكي قالتلي فستاني وصل اليوم من جده وفي اشياء ماسواها ليه المصمم ومادري ايش وقامت تسبسب في المصمم ...........حيلك حيلك وايش فيك ايش السالفه قالت فستاني سويته بحري وقالي انه بيحط في فستاني نجم البحر وماحطلي فيه غير شوية شعب مرجانيه الوانها بيضا وزرقاء والحين احس انه ماعجبني.......المهم ركبت السياره ورحت الين عندها شفت الفستان والله حلو ورفعت من معنوياتها شويه بعد مامدحت الفستان واخذتها ونزلنا السوق انا وهي من العصر طبعا رحت عندها الظهر المهم اشتريت مجموعة نجوم من اسوق كبار وصغار وشوية بكلات (يعني بكل حق الشعر)على شكل اصداف وروحت البيت وغطينا النجوم بكلين اولمعه فضي .......وقطعت الاصداف من البكل والشباصات طبعا كانت كبيره وصغيره احجام مختلفه وغطيتها بمناكير زرقا وخليتهم الين مانشفوا ووزعتهم عالفستان طلع شكله روعه والنجوم الفضيه الي غطيتها بكلين حطيتها على الشعب المرجانيه الي موجوده بالفستان طلعت رووووعه..........خصوصا ان الطقم الاكسسوار تبعها كان حلو صممه لها المصمم على شكل نجمة البحر بس واحد طريل والثاني قصير(حركه)المهم..........نجي للمسكه .....كانت مسكتها على شكل سمكه وهي كبيره مجسمه من الكريستالوالحديد الفضي المهم كان جوتها مسوين لها ماطور صغير وزر لمن تضغط الزر يطلع من فم السمكه كلييين ازرق كانت المسكه مره حلوه .......بس كان القهر انها مومسويه في زفتها اي فكره كان مجرد زفه عاديه

فكرة الزفه
قمت انا واخترت لها فكره للزفه طبعا وهذا اساس موضوعن

وبقوله باختصار طبعا كان بداية الزفه صوت بحر وطيور وهوا وزي كذا وبعدين شعر وبعدين

الاغاني .......قمت اشتريت عصا من السوق الي هيه خيزرانه وقمت غطيتها بشريطه بيضا

واشتريت شكل نجمه كبييييره ولزقتها بطرف العصى بعد ماغطيت النجمه بالكلين وخليت اختها

الصغيره تمسك العصا وتسوي نفسها نايمه في نهاية الجسر طبعا الزفه كانت على جسر

مرتفع مره وكان الجسر يمين الصاله يعني جاي في ناحيه مو في وسط الصاله

المهم.......سوت اختها الصغيره فيها انها نايمه طبعا وماسكه العصا وزي الاميره النايمهولمن

سمعت دقت الساعه كان النور عليها اقصد الاضاءه قامت من نومها تجري على الجسر متجهه

الى باب الجسر الي تطلع منه العروس وقامت طرقت الباب بعصاية نجمة البحر الي في

ايدهاوانفتح الباب وطلعت العروس وبدا صوت الموج والهوا والعصافير وبدات الزفه المهم

مشت العروس الين نص الجسر ........طبعا في وسط الجسر انا كنت حاطه اثنين اولاد صغار

واقفين بعيدين شوي عن بعض يعني بينهم مسافة مترين تقريبا وكانوا لابسين لبس صيادين

وكل واحد ماسك في يده سناره وطبعا في طرف الحبل حق السناره كان ماسك فيها ثنتين

مخدات على شكل قلووب وكالقلب الاول كان لونه ابيض ومكتوب فيه اسم العروس(هناء)

والقلب الثاني كان لونه ازرق سماوي فاتح ومتوب فيه اسم اعريس(حسن) وكان الصيادين

منزلين القلوب من على الجسر بطرف السناره ويلفون السناره كان ترفع القلوب الين فوق

وبعدين يفكون السناره وينزلوا القالوب الين تحت وجات العروسه وازفه شغاله ووقفت بين

الولدين عالجسر واشرت بيدها للجمهور وضغطت المسكه ونزلت كلين ازرق من فوق الجسر

وسلمت المسكه لواحد من الصيادين واخذت السناره من يده ورفعت السناره طلع فيها المخده

الي فيها اسم عريسها حسن . وضحكت وصرخوا الجمهور وصفقوا وجات اغنية _يالي تمنيته

بايامي دلوقتي لقيته_ بعدين جت وراها (من بين الناس حبيتك)وبعدين سلمت الولدالسناره

واخذت مسكتها وكملت الزفه الين مانزلت من على الجسر ..............


وبس وهاذي هي كل الزفه اتمنى اتمنى انها تكون اعجبتكم لان الفكره عجبت كثير من الحضور ولاتنسون تقولولي رايكم في الزفه بكل صراحه

الطريف في الموضوع ان الكريستالات نجمة البحر ارسلها المصمم لها بعد زواجها ب15 يوم وطبعا هي بعيده بابها وهو في جده وكانت لمن راحت تفصل الفستان عنده يقولها والله اني فصلت فستان لوحده من شدة اعجابها فيه رسلتلي شهادة شكر قامت هي من غيضها الي هي صديقتي رسلتله رسالة سب ....................وانتهت الحكايه ادري اني طولتها عليكم وهي قصيره

---

t;vi hojvujih g.,h[ w]drjd hojvujih w]drjd

ادارة المنتدى

مشكوره على الفكره المميزه

وواضح الحماس ماشاء الله في كتابتك
ان شاء الله يكون الحماس دايم على طول معانا

aMaNi_85

وآآآآآآآآآآآآآو

فكره روووووووووعـه

يعطيكـ آلف آلف عــــــــــــــآفيه

نوسي حبيبة كوكي

ما شاء الله فكرة روعة بس لو تقدري تقوليلي كيف ركبت ماطور جوة مسكتها وايش اسم المحل الي جابتها منو لو سمحتي وبأي منطقة وشكرا لأفكارك الحلوة

إبتسامة دموع

الآميرهـ

..الفكرة رائعه ..
..وبنت عمتى مسويه تقريبا نفس الفكره بس حلوه حركة العيال والسنارة بقولها عليها..

..وفكرة المسكة ياليت تقولين لنا ويش إسم المصمم عشان نشوف المسكه او اذا صديقتي تبيعها لنا او تأرها مو مشكله...اذا مافيها احراج لكم..

toleena

الفكرة رائـــــــــــــــــــــعـــــــــــــــة جدا ربنا يسعدها وعقبــــــــــــــــــــــــال عندك

حبوبة الإمارات

فكره حلوه يزاج الله خير الغاليه

اخرالعنقود

اتمنى تستمري بهذا النشاط

ولا يسعني ان اقول على مشاركتك يا اخت الحب الهادي الا انها



واسمحي لي اني نظمت في كتابة فكرتك شوي عشان الاعضاء يسهل عليهم قرأتها

مجرد أنثى

مشكورة على الفكرة الحلوة وأحلى شئ في الموضوع هي حبك لــ صديقتك و مساعدتك لها ... الله يديم المحبة بينكم وبين كل الناس ... ليت الصداقة والأخوة تكون بهذا الشكل وتستمر على طول ...

و ألف مبروك لها والله يسعدها يا رب ...