ياللي نشدت وقلت قبلي من اغليت؟

ياللي نشدت وقلت قبلي من اغليت؟

اغليت انا اثنين اسكنوا وسط عيني



ابوي وامي في غلاهـم تماديـت

لي حق افخر في غـلا والدينـي



ابوي لي قدوة وانا بـه تعزويـت

لولاه ماشلت الفخـر فـي يدينـي



امي هي القبلة وهي شمعة البيـت

يا ما كستني بالغـلا فـي سنينـي



والله لو ابذل كل عمري فلا اوفيت

ربع الجميل اللي كسوا به جبينـي



ما قصروا جابـوا اللـي تمنيـت

لو اقدروا حطوا القمر في يمينـي



والثالث اللي كل ما ضاق فرّيـت

هذاك اخوي وفي حياتي عوينـي



والرابع انته عقبهم بالغـلا جيـت

ياللي ابيك وعـارف انـك تبينـي



ادري حبيبـي للقاكـم تحـريـت

وادري بشوفـك كلمـا تحترينـي



بس الغلا يفرض عليّه اذا اوفيـت

اني احطك بعدهـم يـا ظنينـي