سواليف صديقتي مع الملك فهد

قريت هذا الموضوع في احدى المنتديات وحبيت انقله لكم مرض وهمي الله لا يبلانا
اخيكم ويا الموضوع والله الله بالردود
هلا وغلا بحبايب قلبي اخباركم ؟ ان شالله بخير يارب

المهم انا اليوم جاني اتصال من وحدة من صديقاتي كانت تدرس عندنا الله يستر

عليها عاد هالبنت يا عليها تشليخ قسم انه ما يدخل المخيخ والمشكلة احياناً تقول كلاماً

ما يا ينتصدق احسه من الخيال العلمي <<< برااااا

وانا من هذا المنطلق حبيت انزلكم بعض من تشليخاتها مو كلها << والله تشيب

رؤوسكم وانتم ما كملتم

المهم بابدأ لكم باول تشليخة من تشليخاتها

هذه السالفة طبعاً صارت بعد وفاة الملك فهد الله يرحمه ويغفرله طبعاً هو توفى بالاجازة

عاد اول يوم رجعنا للمدرسة طبعاً كنت من ضمن المستقبلين لنا يوم جيت باسلم عليها

وهي تقول بنات ( طبعاً المقصود انا وبنت خالي المصون مااحد معطيها وجه غيرنا ) قالت

تصدقون ان الملك فهد قبل لا يموت كلم جدي وقاله وش رايك تصير ملك المملكة؟
<< ما هوب مالـ ( ن) عينه ابو متعب

تقول عاااد جدي رفض وقال مااقدر مسؤولية ودولة والله صعبة مااقدر << لا تكفى بتضيع المملكة من عقبك

تقول بعدها زعل الملك فهد على جدي وما صار يكلمه << وانا وبنت خالي كانا هنود ما غير

نهز رؤوسنا داخلين جو مع التشليخة

عاد هي مسكينه منقهرة تقول الملك فهد مات وهو زعلان على جدي << لا تعليق

جينا للتشليخة الثانية << عاد هاذي اقروها زين احسها قوية بحق ابو فيصل

انا ذاك اليوم جيت للمدرسة وكنت لابسه سلسال من كليرز << اكيد البنات يعرفونه حق الاكسسورات

طالعت فيني وقامت تضحك تقول ما شالله لا بسه سلسال من محلنا <<< قصدها كليرز

انا تنحت فيها قلتلها : سمي قالت : تشترين من محلنا قلتله ما شالله من متى كليرز

محلكم جت بتبدأ بالتشليخة

قلتلها دقيقه قبل لا تبدين باروح انادي بنت خالي واجي عااد بنت خالي يا قلبي عليها شعرها

صاير هاي لايت من الشيب << بعذرها مسكينه من شي يجيها

جيت انا واختي وقعدنا مقابلين لها كالعاده مثل الجحلط

المهم قلتلها : اسلمي وش سالفة كليرز ؟

قالت هذا الله يطول بعمركم عمي << اشوى ما هوب جدها صجتنا فيه

تقول مره جوا لمه بناته وقالوله وش رايك تشتري كليرز ويصير حقنا << والله ماالعن من عمتس الا بناته

عااد عمهم مسكين بيرضي بناته قام وكلم الملك فهد << يا حليلهم ما يتعاملون الا مع الملك فهد

وعاد في هذه الاثناء التفت لم بنت خالي لقيته فاقعه ضحك

المهم نرجع لموضوعنا كلم عمها الملك فهد علشان يمشيلهم موضوع كليرز المهم

الرجال ما قصر معهم عطاهم كليرز <<< يا حليله ابو فيصل كان شغله الشاغل كليرز و طقته

وفي هذه اللحظات وبينما انا مندمجة مع القووصة الا تطلع سحابة من فوق راسي فيها علامة استفهام ؟

قمت وسالتها ما تنازلكم عن اكسسوريز بعد ؟ قالت لا راعي اكسسوريز مالت عليه عيا

يبيع المحل <<< غريبه وين راح الملك فهد ؟ << سؤال طالما حيرني << برااااااا

وبعدين ماشالله سواليفها الاحظ ما تتعامل الا مع الملك فهد انا من هذا المنطلق سالتها

قلت ماشالله عليكم جدك دايم مع الملك فهد طيب ابو متعب ما تكلمونه قالت جدي مو مرة علاقته مع الامير عبدالله << قبل وفاة ابو فيصل الله يرحمه

وانتهت السالفة ولله الحمد والمنة وقامت البنت وراحت عااد في هذه اللحظه تذكرت انه

في كائن حي كان جنبي
الا وهي بنت خالي الحبيبه

ناديتها قلتلها مرمر قامت تطالع فيني بكل برود وعلا مات الاستفهام والتعجب والفاصلة

والنقطة << الباب الله يعافيك تدلينه

تملأ وجهها البرئ هزيت كتفها قلتلها مرمر وشفيك تعبانه << اكشخ يابنت الخال الحنون

قامت بصقت في وجهي وقالت يلعنك ويلعنها ويلعن الساعة اللي عرفتكم فيها ضيعتوا

شبابي وطلع الشيب في راسي بسبة الحقيرة هاذي وراحت << لا تعليق

وانا جلست في حالة ذهول من اللي صار وفي هذا الا ثناء طرا على بالي سؤال

الى متى ونحن نقوم الساعة 6 ونص كل صباح؟ <<< برااااااا

المشكلة ياناس انها تحلف بالله كذب وتقول السوالف ذي كلها صدق

وانا عاد اصدقها من منطلق( اسمع وش انت خسرااان )

<<< درر يا عالم درر

ان شالله ما طولت عليكم وعجبتكم السالفة بنفس الوقت

عاد البنت تقول مصادر غير مسؤولة انها

ويمكن جدها يلين راسه ويصير يكلم الملك عبدالله << ميت عليك ابو متعب انت ووجهك


ههههههههههههههههههههههههههههههههههههههههههه
ههههههههههههههههههههههههههههههههههههههههههه
ههههههههههههههههههههههههههههههههههههههههههه
ههههههههههههههههههههههههههههههههههههههههههه
8
8

هههههههههههههههههههههه
باين تحلم مره


يسلموو

ههههههههههههههههههههههههههههه


من جــــــــــــد فــــــــــلهـ


يســــــلمو يـــــا عسسسسل

ههههههههههههههههععععععععععععععععععععععهههههههههههه هههههههههههععع

احم احم

مساء الخير على الكل والجميع

مع احترامي وتقديري لكي اختي

(( عبده بيضه ))

انا اجد ان هذا الموضوع يحذف نهائياً وليس إلى قسم المحذوفات

لأنكي بتتكلمي في شخصيات سياسية مثل :

المغفور له بإذن الملك فهد بن عبد العزيز

وخادم الحرمين الشريفين الملك عبد الله بن عبد العزيز اطال الله في عمره

وهما او غيرهم من الاسرة المالكة او ولاة الأمر بالمملكة العربية السعودية

ليسوا مكان سخريه او استهزاء او مزاح من قبلك او من قبلي انا او من قبل اي

عضو او مشرف او حتى المشرف العام سواء بمنتدى افراح ميوزيك او غيره

فأنا اتمنى من المشرفين القائمين على قاعة الصرقة حذف الموضوع هذا نهائيا

ولكم تحياتي ..