ماهي حدود العلاقة بين الزوجين في فترة الملكة

السلام عليكم ورحمة الله وبركاته


أسعد الله صباحكم بالخير ...

أتمنى إنكم تقبلوني ضيفة جديدة عندكم بهالقسم<<< يالله حييني

وهذا أول موضوع أكتبه فيه

وأتمنى ألقى منكم تفاعل وأسمع أراء كل الأزواج والزوجات

لأني بجد محتاجة لأرائهم كثير

طبعا الموضوع باين من عنوانه

أبعرف وشهي حدود العلاقة اللي المفروض يوقفون عندها الأزواج والزوجات بهالمرحلة

من ناحية الأقوال والأفعال (( وش المفروض اللي يسونه بهالوقت واللي المفروض يخلونه لبعد الزواج ))

يعني مثلا أنا أواجه مشكله >>> ما أدري إذا كانت مشكلة بمعنى الكلمة ولا لأ

وهي إني ثلاث أرباع مكالماتي معاه أكون ساكته

وساعات يكون عندي كلام بس أستحي أقوله أو بالأحرى أخجل أقوله

وخصوصا لما يبدأ يتغزل ...!

وكل كلامي يصير ردود على كلامه

يقول أحبك <<< وأنا كمان أحبك

يقول مشتاقلك <<< وأنا كمان مشتاقتلك

وعلى هذا الحال ....

ما أدري ايش رأي الأزواج بهالشي

هل هم يفضلون المرأة الساكته ولا المرأة اللي تحب تتكلم يعني اللي تفضفض دائما عن مشاعرها وأحاسيسها <<< وإذا كان كذا وشلون أتخلص من هالمشكلة

( لاحظوا إني أتكلم عن فترة معينه وهي فترة الملكة )

ياريت كل واحد يتكلم عن تجربته بهالفترة ويقول وش الأشياء أو الصفات أو التصرفات اللي كانت تعجبه في زوجته بهذاك الوقت


((( الشق الآخر للزوجات )))

ياريت كل وحده تتكلم عن هالفترة من حياتها وشلون كانت تتعامل مع زوجها

وخصوصا (( باللقاءات )) << يعني لما يجيها ببيت أهلها

وش الأشياء اللي كان يحبها زوجها فيها بهالفترة وصارحها بعدين فيها

يعني ما قالها لها بفترة الملكة


صدقوني أنا بحيرة من أمري أخاف أتصرف تصرفات ما تعجبه

أو أرفض تصرفاته معايه (( إنتو فاهمين طبعا )) وتتغير نظرته لي

وخصوصا بموضوع (( البوسات )) اللي دائما أرفضها منه و يجبرني عليها

رغم كل محاولات المقاومة << لأنه بإختصار أقوى مني جسديا

مع العلم إننا ما نلتقي إلا مرة كل إسبوعين أو كل عشرة ايام



أنتظر ردودكم
لا تتأخرون علي

وأي أحد عنده إضافات عالموضوع أو نصائح ياريت يضيفها مشكور

lhid p],] hgughrm fdk hg.,[dk td tjvm hglg;m ghid hglg;m hg.,[dk hgughrm fdk p],] tjvm

ينقل لقاعة العرسان

السلام عليكم... اختي الغاليه انا من وجهه نظري ان لكل رجل تفكير ويمكن كلام ينطبق على زوجك وكلام ماينطبق عليه

مثلا ان بعض الرجال يحبون المرأه الجريئه والي ماتستحي وتفضفض بكل شي مع شوية براءه ودلع
ورجال مايحبون المرأه الي كذا
واحسن حل حبيبتي انك تصارحينه وتساليه وش تحب انت الحرمه الي تستحي ولا الجرئيه بشويه دلع وبراءه علشان من كلامه تعرفين وش تسوين
لان ايام الملكه احلى ايااام واذا ماستفدتي منها راح تندمين لان الزواج خلاص يقل الكلام ويبدء الفعل وتبدء الحياه الروتينه... واحسن شي مايصير ايام الملكه بس كلام غراميات ولا بس ساكته شوي من هذا وشووي من الجد لازم تتفاهمون علي الي يبغاه كل شخص بالثاني وتتناقشون بجميع الامور المستقبليه في الزواج....
والحدود في الملكه مع انه كل شي حلال بس احلى انه يصير بعد الزواج والي اقصده الحاجه الكبيره اما البوووس والضم واللمس ماتوقع فيها شي بوسيه عادي هذا زوجك بس بدلع ..ودلعيه ترى الزوج يحب يكون الطفل المدلل لزوجته..

واي سؤال ثاني حبيبتي انا تحت امرك

انا بالنسبه لي انصحك لو فتح معاك موضوع خاص انتي فاهمه طبعا اش انا اقصد غيري الموضوع بأي طريقه...يعني مثلا اسكتي وهو طبعا راح يحس انك ماتحبي هذي المواضيع وراح يغير السيره على طول
اما في موضوع البوسات عاد مره مالها داعي اجل اش خليتي لزواجك
وعاد اذا جات منه بوسه ع الطاير خلاص عديها بس لمحيله لايكررها عشان يحس انك تستحين واذا بينتيله انك انبسطي من البوسه اعرفي انه لو كررها مره ثانيه راح تكون بدون طعم عاد انتي فاهمه قصدي
هذا اللي انا اشوفه والباقي عليك والله يوفقك انشاءالله بحياتك

هلا اختي

بالنسبة لفترة الملكة الافضل ان لايتجرأ الزوج على الزوجة لانه راح يؤدي الى امور لاتحمد عقباها

بالنسبة للتقبيل ما شوف فيه شيء بس انتبهي لايجرك لشيء

وانا اشوف ان البنت وقت الملكة كل ماكانت تستحي افضل وتكبر بعين زوجها

وبعد الزواج راح تتعلمين الجرأة ويكون شيء جديد على الزوج ويفرح فيه

والله يوفق الجميع ويؤلف بين قلوبكم

انا مجرب الملكة من مده طويله وراح اعطيك تجربتي
احمدي ربك انك تشوفين زوجك لوحدكم انا من يوم ملكة ماجلست معها لوحدنا
اما يكون ابوها مترزز وامها معنا او احد من اخوانها وهذا طلبها هي وسرت ماعاد احرص على المقابله
وماعمرها تعبت نفسها اذا جيت وصلحت لي شي غير القهوه والشاهي اللي ذبحت بطني بها في كل زياره

وصرنا نتهاوش كثير عشان ذا المقابله
وبالنسبه للبوسه دايم اطلب زوجتي في بوسه وترفض حتى بالاتصال
اصلا ماتتصل علي خير شر
الرجال يحب الكلام الحلو والبوس
ويكره كثر الطلبات وعدم المبالاه من الزوجه وعدم السوال عنه واشياء كثيره

(((الجد طفشت من الملكه ونصيحه لا احد يملك)))

وبالمختصر اذا تبين تملكين قلب زوجك صلحي له مفاجأت واتصلي عليه في اوقات مايتوقعا وقلي له اشتقت لك
واعطيييييييييييك اكبر قدر تبويس في المكالمه
ويسلموااااااااااااااا
وانا في الخدمه لاي سوال

هلا وغلا حبيبتي
انا في فترة الملكه هبلت بزوجي بصراحه
مرات اعطيه بوسات بس انا ومااخليه هو يبوسني واتدلع عليه واتغنج ولا مره جا وانا لابسه نفس المرات الماضيه او حتى نفس العطر او حتى نفس طريقة تصليح الشعر ومره بس لبست له قصير وبدون اكمام ..
وكان دايم يمدحني عند امه وحتى امه من تشوفني او تكلمني دايم تشكر فيني
ومرات اخليه يبوسني براحته على خفيف مو الاشياء الكبيره
قبل الزواج بشهر 000000000000000000000000000000
طبعا فترة خطوبتنا من المفترض كانت 8 اشهر لكنه قدم زواجنا بعد الخطبه ب 4 اشهر

بس الى الحين وهو يقولي احس انك متغيره دايم وحمستيني لزواج اكثر

والحمدلله مبسوطين
يعني اختي لا افراط ولا تفريط خلك معتدله ومسيطره على الوضع تمام :01

ليت كل البنات فاهمات
مثلك ياعروس عسل
والله كلامك عسل مثلك ومعقول وهذا المطلوب للرجال