فرقه استعراضيه .. تخرجي قرب

السلام عليكم ورحمه الله وبركاته

الله يخليكم ابي فرقه استعراضيه تزفني بليله تخرجي
وتكون نسائيه لاني تعبت وانا ادور
ماخليت شئ بس ماحصلت

اللي عنده رقم فرق استعراضيه او فكره زفه تخرج بليييز لايبخل علي
واكووووون لكم شاكره ..

هلا اختي...

الصراحة انا ماعندي بنات عندي فرقة استعراضة شباب اهلي احضرو لهم زوج قبل اسبوع يقولون جنان مرة هم اثنين شباب رقص سامري واللي تبين وكانت طريقة الزفة تسمح انهم يدخلون على الحريم العريس دخل اول شي وهم يرقصون معه...

الصراحة الوالدة وهي كبيرة في السن قامت ترقص على الطاولة...لما شفتهم يرقص وخواتي اخذو تهزيه لانهم مايعرفون يرقصون..هههههههههه


ورقمه موجود اذا تبغينهم اعطيك الرقم على الخاص...

مشكووور اخوي ماقصرت

بس صعبه شباب لاني الفرقه ابيها تزفني انا

عشان كذا ماقدر ..

يعطيك العافيه




وانتظر ردود البقيه

مساء الخيرات...

هذي احدي افكار حفلة تخرج


الف مبروك بمناسبة التخرج ,,

الأسبوع الماضي سويت حفلة لأختي بمناسبة تخرجها من الجامعة

وعملت لها توزيعات بنفسي بس مالحقت اصورها , كانت عبارة عن اكياس صغيرة وضعت فيها قليل من الورد المجفف المعطر بنفس اللون ووضعت حبات من شوكولاته Hershesh kisses بلونين فضي وذهبي ومعاهم بطاقة عليها عبارة: أشكركم من الأعماق لحضور حفلتي ومرفق معها كرت فيه ادعية واذكار.

وللتذكار صممت لها طاقية التخرج من الكرتون الأسود ولبستها وبآخر الحفلة خلت البنات يكتبوا لها ذكرى عليها بالقلم الابيض واحتفظت فيها.

بتمنى اكون افدتك.

السلام عليكم

هذه بعض العبارات منقوله من العضو اطياف الماضي من موقع اخر ....فاليك شيئا منها وختاري مايناسبك:
بعد الجد والكفاح لابد وأن ننال ما كنا نسعى إليه ..
ومن ضمن أهدافنا ...
النجاح .. والتخرج ...
ها هي العبارت ..
انثرها بين أيديكن ..

كل البنات اتخرجوا
و ( اسم الناجح ) نجحت محلاها
واليـوم كلنا نحتـفل
بـيـوم السعــد ويــاها
__________________________________________
طيور النورس جائتني مغردةٍ طربا
تزف إليّ أغاني الفرح والأمالي ... مبشرة ....
بخبر كان الفؤاد يعد لسماعه الدقائق والثواني ....
بنجاحكِ يا ( اسم الناجحة )
تناثرت من ثغر السماء دررٌ ..
و تألقت روضات الدنيا مزدانة بعبير الزهور
وأنت يا حبيبتي عطرها الفواح.
_______________________________________________-
اليوم القمر يبتسم لك والنجوم تزدان ...
بالجد والمثابرة حققتها أمالك يا ( اسم الناجحة )
وها هو تاج العلم قد توجت به ....
وقد نلت ما ترجوه من تعب الليالي ....
تستحق والله باللي حققته أروع الهدايـا بأغلى الأثمان ..
__________________________________________________ __
وهذي ترحيب للحضور
ياساعة الفرحه يوم لقياكم......عيد العيون وعيد قلب احبابكم
نسابق اللهفه وننطق هلا بكم.....وبقلوبنا ننتظر دعواتكم

أو

أجمل و أحلى تحية ..
مغلفة بالورود...
ومعطرة بدهن العود..
إلى ضيوفنا...
اللي غلاهم عندنا ماله حدود..

أو

استنارت الدنيا بحضوركم
نجوم الدنيا ولمعتها
فهنئيا لكم حضور اجتماع الشمس بالقمر

أو

كل الليالي غارت من الليله
بحضورك
طارت فينا الفرحه وعمت
____________________________________

هلا وغلا
انا كانت حفلة تخرجي من شهر تقريبا سويتها في قاعة ووزعت بطاقات سويتها بنفسي علىشكل ورقة ملفوفه نفس الشهادة وعليها قبعة تخرج اخذتها من منتدى ثاني ، وحطيت على الطاولات قبعة تخرج كبيرة وفوقها شهادة ملفوفة وعليها ريش طاووس ، وفستاني كان عليه ريش طاووس ، والتوزيعات كانت عبارة عن قبعة صغيرة وداخلها حلاوة وعليها عبارة شكر للحضور ، والكيك كان عليه قبعة تخرج ، وسويت مسابقات وهدايا وتصوير ولبست بشت التخرج مع القبعة وانا اقطع الكيك وتصورت مع اهلي وحطيت دي جي ، وطاولة خاصة للهدايا
وسلامتج واذا تبين تفاصيل اكثر حاضرين


ملاحظة (((((((هذا الردود منقولة)))))))

من قبل عشر ايام كنت مسوه حفل خرجي .. واتمنى انك تستفيدين من بعض الحركات الي عملتها

شوفي حبيبتي انا عملت توزيعات صغيره للمعازيم عباره عن علبه صدف صغيره وفيها ورد مجفف

وعود دخون .. وفوق التغليفة السلوفان حطيت مجسم صغير لقبعة التخرج .. وهي كانت شعار

الحفله ..بحيث اني عملت من الورق المقوى عدد كبير منها لاني حطيتها فوق زجاجات الماء وعلى

الطاولات .. وكذلك طلبت من منسق الورد انه يعمل الورد خارج من قبعة التخرج .. ان شاء الله

تكوني فهمتي لي .. وطبعا انا كنت عاملتها بالبيت .. وحطينا جهازالليزر برسوماته الرائعه على

جدران البيت .. وكذلك مكينة البابل ..الي هي فقاعات الصابون الي تطايرة على كبر الحوش ..

وعملت استاندات كبيره من البالونات على اشكااال رائعه ..زينها بيها مداخل الفيلا .. وعلى جوانب

البوفيه .. وحطيت على كل طاوله علب صغيره فيها مشموم وورود مجففه وعطرتها وهذي خلت

جووو الحفله رائحته حلوه جدااا ..

بعد الردود الكثيرة اتمنى اني عطيك فكرة عن بعض حفلات التخرج...


ملاحظة ترى الردود منقولة من موقع تاني بس نقلتها لفايدة..

والف مبروك لتخرج


وعقبال الوظيفة


والزوج الصالح

الف الف شكر لك اخووووووي

ويعطيك الف عافيه على النقل الرائع ..

افادتني كثير

تحياتي لك ..