كيف اتجاوز فترة الملكة الطوووويله بلا مشاكل او ملل؟ ساعدوني

السلام عليكم


كيفكم؟
الى احلى واروع اعضاء بااحلى منتدى

ممكن تساعدوني؟

انا مقبله على الزواج وهالحين انا مملكه واحب خطيبي لكن فترة الملكه راح تتجاوز السنه يعني طوووويله مررره وانا اخاف يدخل الملل بيني وبين خطيبي
انا سمعت بكثير حالات كانت فتره الملكه طويله وادت للانفصال او المشاكل

ساعدوني انا ودي احافظ على حياتي وحبي للانسان اللي احببته بكل ماتعني الكلمه


تحياتي

أنا ســأحدثك أختي و بما أنني خاطب ،،

أنــا مثلك متخوف و أخشى من طول فترة خطوبتي لأنها لن تقل عن سنة .. :(

إلا إذا ربي رحمني ويسر لي الزواج ..

أنـا أرى أنه يجب عدم الإكثار من التواصل بين الخاطبين سواء بالرسائل أو بالمكالمات

لأن ذلك سبب كبير في الملل من بعض خصوصاً

لا يعيش معها كثيراً ..

فلقاءاتهم محدودة ويحرص كلاً منهما على إظهار الحب و النواحي الإيجابية ..

عارف إنك ما فهمتي شيء!! لأن كلامي ملخبط شوي ههههه

بس خلاصة كلامي إيـاكم و كثرة التواصل الممل ..

وكما يقول المثل:

"إزدد غباً .. تزدد حباً "

يعني : كل ما يزيد البعد >> يزيد الشووووووووووق !

أعتقد إنك الآن فهمتيني..

و السلام عليكم

اخوي انا مسافر

شكرا على اهتمامك بالموضوع والله ييسرلك الزواج ويجمعك على خير بخطيبتك

لكن انا في رايي ان قلة الوصل تؤدي الى التعود على البعد وانه خلاص يحس ان حياته بدوني ماشيه عشان كذا ماعاد يسأل فيني خصوصا ان خطيبي من النوع اللي مكالمات 24ساعه عشان كذا انا احس ان المكالمات والتواصل ضروري لان البعد يولد النسيان معي ولا لا؟


تحياتي

الله يهنيكم ببعض ,, و يسعدكم ,, يارب

بالنسبة لي أنـا اتكلم لك عن وضعي (حيث أنـني مجرد خاطب فقط ولم أملك عليها بعد)

الملكة إن شاء الله إذا انتهت الإمتحانات ,, يعني في شهر 6 إن شاء الله.

بمعنى أنـا باقي مستحي منها .. و هي مستحية مني ...

و بالعربي (ما قد كلمتها و سمعت صوتها!)


إحنا باقي عالرسايل فقط .




و عندي لك (سر) بــأهمس به في إذنك إذ ودك تعيشي ملكتك بدون أي ملل أو مشاكل ..

وهو:


,



,



,



,



,



,



,



أنكِ إذا غضب هو ... >>>... ترخين أنتي وتتودين إليه ...

بينما

إذا أرخى هو ... تبينين لـه ما كنتي تودين قوله.... ولكنك كنتي تخشين غضبه
بمعنى... تفضفضين لـه وهو رايق..

و تكونين صدره الواسع وكتابه المفتوح .. و لا تغضبين من الأحداث بسهولة..

تنازلي عن أشياء كثيرة (مناقشات بينكم ، أخلف موعد مـا أتصل ، طلبتي شيء و نسى....إلخ) مقابل رضاااااه .. ^_*

حتى و إن هو زعلك أو استثارك بتصرف ,, ابتسمي له و أظهري إنك مازعلتي منه .. و أن غلاة قدره عندك فووووق إنك تزعلين عليه بسهووولة !

فهمتي قصدي ؟؟

قصدي هو "نظرية الأسفنجة" ..

و هي أنك تمتصين غضبه و اندفاعه و كلماته و انفعالاته بصدر رحب و بـإبتسامة .،.

تجعله يزداد حباً لك .،.

و يعلم أنه ليس من السهل إغضابك و التلاعب بـأعصابك..

و أنك فوق أنك تكرهيه لأتفه الأسباب ..

لأنـه غالي عندك بالحيل .. وتستدلين بقول الشاعر:

و إذا الــحـــبــيــب أتــى بـــذنـــب واحــــد *** جــــاءت مـــحـــاســـنـــه بــــألـــف شـــفــيـــع!!


وقبل الختام ... الله يزيد مودتكم لبعض .. و يزيد محبتكم لبعض و يجنبكم المشاكل و الفتن و الملل..


على فكرة .. نظرية الإسفنجة ..
أنــا استخدمها مع اصحابي و مع ناسي

و مع خطيبتي نور عيني .. ((مع أنها هي احياناً تزعلني))

إلا أنني لا أظهر لها إلا الحب و الإحترام و الإبتسامة و الرضا عنها ..



هكذا ستسير الحياة بلا مشكاكل و لا ملل ولا هموووووووم إن شاء الله ..

و السلام عليك ...

اخوك

صالح

كلك ذوووووووووق اخوي صالح

وتسلم عالنصيحه الحلوه

الله يكتب لك الاجر


تحياتي

موضوعك جدا شدني

لاني اعيش نفس الحاله

ممكله من زمان وعرسي شهر 10 .. بس شوفي الايام تمر بسرعه

والوقت دكتور حطيها في راسك هالكلمه مع الوقت بتنحل المشكله والوقت بيعالجها

وتشوفين انو مر الوقت وماحسيتي فيه انا انتظر حول 10 شهور والحين مابقا الا 4 شهور بس

واتوفق وادخل .. ماقولك ماحسيت بملل الا حسيت

لكن المواقف اللي تصير والظروف اللي تمرين فيها راح تشغلك وراح تشغلله مثلك

ومثل مانتي عندك مثلا دراسه او ماشابهه هو بعد عنده عمل واشغال راح تلهيه وتمر الفتره الصعبه

وتتغير الظروف وكل ماتزيدون شوق لبعض كل ماتقربون لبعض بعد طول الفتره راح تشتاقون لبعض بتكون الظروف تغيير وتكونين تجهزين لزواجك وهالشي بياخذ منك وقت ويقصر مدتة الانتظار

صديقيني الموضوع ابسط من اللي انتي تتوقعينه واللي ناوي زواج مو بهالبساطه بيتنازل
عن نصيبه او عن حبه

لان الموضوع مو لعبه او تضيع وقت ولا مل بيتركه هذا ارتباااااااااااااااااااااط

ماعليك لاتحاتين ومثل ماقلتلك الوقت دكتور

الله يجزاكم الجنة خففتوا عني شوي ..
أنا فترة ملكتي سنتين :( .. مرت سنه وباقي الثانية
صراحه ماقد حسيت بالملل لاني احس انه متبع اسلوب البعد بقووووة
يعني رسايله يادوووووووووب يرسل .. والمكالمات مرات تمر اسبوعين او ثلاثه مايكلم
ولا يزيد عن مره بالاسبوع وانا كنت كل يومين رسالة بس الحين قدرت اضبط
نفسي وصرت احس انه فعلا يشتاق لي .. صدقيني زعلت بالبداية مرررة وتعبت نفسيتي
حتى اني دخلت المستشفى احسبه مايبغاني ... بس فالأخير اكتشفت ان معه حق خاصة
بعد ماصارحني هو انه يتعذب وهو يفكر لكن يحاول يشغل نفسه بحكم بعدنا عن بعض
وطول فترة الملكة ..

الله يوفقنا واياكم ويجمع بينا وبين احبابنا ^_^

طيحي الميانه معه خلاص انتم الحين متزوجين و خليكي صريحه معه وشي ثاني مهم انتبهي لا يحس انك تتغلين عليه تدلعين على خفيف ايه لكن تتغلين لأ و مثل ما قال أنـــا مسافر حاولي تحتوينه.
اتمنالكم التوفيق

انا مريت بتجربتك ودحين الحمدلله انا متزوجة قريب السنتين

انتبهي انتبهي انتبهي من كثرة الاتصالات والمقابلات
مليون انتبهي مااقولك تتغلي لاني مااحب هذا الاسلوب لكن خلي بينكم مسافة لاتطيحي الميانة ولا تتغلي وتحسسيه بعد اهميته عنده

لاتكثري رسايل له وتكفي مكالمة كل يومين أو يوم بحد أقصى ولاتحسسيه انك بتسوي كده عشان لاتملي ولكن انه مثلا انتي مشغولة بدراسة او عملك او اهلك مايرضوا

لانه كثرة الاتصال تولد الملل والمشاكل والله اني أعرف ناس كانوا يموتوا في بعض مرة وصلوا للطلاق كمان الاتصال الكثير يموت الاحساس الجميل بعد الزواج وتقصر فترة شهر العسل بينكم لانكم خلاص متعودين على بعض مرة
خلي مسافة بينكم وباذن الله ما حتندمي

الله لايحرمني منكم ومن نصايحكم

بس خطيبي مكالمااااات على طول وش اسوي

اخاف اخفف المكالمات يقوم يروح لغيري من اصدقاءه


يعني المكالمات مره مقلقتني تحياتي