الشك والغيره ذبحــــــــــــوني

السلام عليكم ورحمة الله وبركاته

انا عندي مشكله مع خطيبي بصراحه تاعبتني مره

انا صار لي 7 شهور مملكه والشهر الجاي زواجي ومن ملكت وحياتي صارت كلها مشاكل

والسبب غيرته او شكه فيني وهذا الشي تاعبني كثير

مايمر سبوع من غير هواش ولاني عارفه وش اسوي معه

تخيلو اذا طلعت معه نتمشا يقولي انتي تطالعين الرجال مش هم يطالعونك

ويقولي تراسلينهم بلتوث

ومايثق فيني في اي شي واي شي اقوله له يقولي انتي كذابه

مع انه الحمد لله مامره طاح علي في شي ماعمره شاف رقم غريب في جوالي ولا يشوف خطي ينشغل دايم يوجه لي اتهامات بريئه منها وربي

مره جاتني رساله من رقم غريب تخيلو على طول راح جاب لي رقم ثاني


وحتى بعض اقاربي صار يمنعني منهم وهذا الشي اللي تاعب نفسيتي

صرت اشك فيه مريض نفسي من افعاله

والله حياتي صارت ملل وامي وخواتي يقولون لي بعد الزواج يتغير والمشكله انا زواجي قريب شهر بس

وانا ماودي يجي هاليوم وربي احس اني بدخل في جحيم

اتمنى تفيدوني وتعلموني وشلون اتعامل معه وبكون لكم شاكره والله يجزيكم الخير

واسفه على الاطاله

الأمر بسيط وسهل
لي معك عودة مفصله ان شاءالله

اول شي الله يعينك اختي ويصبرك
ثانيا ليش ماتكونين صريحه معه يوم وتصارحينه وتكونين هاديه ويكون هو بعد رايق واذا ماتقدرين ارسلي رساله وقولي اللي في قلبك كله قولي ليه كل ها الشك شفت علي شي سمعت شي يسيء لي
او وجهي له صاروخ اذا كان من النوع اللي مايصحى لين توجهين له مثل ها الصواريخ قولي بكل صراحه انت تكلم بنات او متعرف على بنات صدقيني اذا كان من النوع هذا بتشوفين ام اللخبطه بوجهه و بكلامه
المهم بالنهايه حبيبتي هذي حياتك لازم انتي تكونين صاحبة القرار مو تقولين بعد الزواج ممكن يتعدل بس اللي مستغربه منه ليش سكتي 7 شهور ولما قرب الزواج

شاكر لكم سعة صدوركم وأأسف على الأطاله

هلا فيك اخوي احمد

انا في انتظارك واتمنى تكون حل مشكلتي عندك

يعطيك العافيه

اختي غاردينيا

الله يجزاك خير حبيبتي

صدقيني تعبت معه تعاملت معه بكل الاساليب بس مافيه فايده تعرفين وش سويت اخر شي ؟؟

قلت لخواني وجابوه وتفاهمو معه وقفوه عند حده لعل وعسى يفيد معه قالو له بنعطيك اخر فرصه واذا ماجزت من طبعك بتطلقها غصب عنك

وهذا انا صار لي كم يوم مااكلمه

والله مش ساكته كل هالسبعه شهور في مشاكل واقول ان شاء الله بيترك طبعه بس مااشوفه الا يزيد

واللي مخليني متردده عن الانفصال منه لانه بصراحه مافيه شي يعيبه غير (( الشـــك ))

اخاف اتطلق واتندم

واللحين قررت اقوله يروح لمختص يشوف حالته وان شاء الله يكون متفهم معاي

اسعدني تواجدك ومداخلتك في مشكلتي

ويعطيك العافيه خيتي

الغيره من الحب

عزيزتي ابتعدي عن كل شي يجيب الشكك ويضايق خطيبك

وان شاء الله الله يسهل لك امرك ويوفقك

ومثل ماقالو اهلك انو راح تخف بعد الزواج ان شاء الله

والله لو ما غيرك غير اتركه
ايش هذا معنده شخصيه معنده احساس
يرضى احد يسوي باهله زي كذا
شوفي هذا واحد مار بهذي الامور وصار ما عنده غير الشك
فا القرارك لك
والله لو هالشيء يصير محد احد اخواتي اني غير افقع وجهه
<<<<<<<<<<< ما عنده وقت بنات الناس موب لعبه
ما بقي عندي غير اخت وحده وحاطها بعيوني
واتمنى لها حياه سعيده
انا من اتزوجو اخواتي قبل سنه ونص ومن خوفي عليهم رحت
معهم للبيت زوجها يقولي خير وش عندك
قلة له اسمع ؟
والله لو جت تشتكي يوم منك اني غير افقع وجهك
ههههههههههههههههههههههههه
من حبي لهم وخوفي عليهم قلة هالكلام
مع العلم انه كلام غير منطقي وموب زين
لاكن انا خربتها
والله ثم والله قلتله كذا
قالي يا حظهم يلي عندهم اخ مثلك والله مكانهم فوق راسي وجوة عيوني
قلتله طيب شكرا
والحمد الله هذولي هم عيشين احلى حياه

الله يوفقك اختي واتمنى لك حياه سعيده

الله يعينك اختي ,,

هذي غيره مرضيه ,, وماتوقع انها طبيعيه ,,

طبعا الحياه بدون غيره مالها طعم ,, بس مو للدرجه هذي ,,

ان شاء الله نسمع رأي الأخ أحمد العمري ,, انا من المعجبين بكلامه ونصائحه في هذا المجال


الله ييسر لك يارب ,,



اسير الشوق ,,

الله يخليك لخواتك ,, قول آمين ,,

والله كذا الرجال ,,

فرحة امل

الله يعطيك العافيه اختي

على نصايحك الحلوه وفعلاً مثل ماقلتي غيرته من حبه لي من جد انا مانكر له هالشي

لكن الله يهديه ويبعد عن قلبه هالشك

جزاك الله خير خيتي

اسير الشوق انت تخوف

لكن وزين تسوي يابطل

لان بعض الرجال مايجون الا بالعين الحمرا

انا زي ماقلت لكم احس انه مريض شكه مش طبيعي وحتى هو اذا جلس يشكي لي يقول والله مش مني انا ماودي اسوي فيك كيذا

وقلت له روح تعالج مافيها شي وشكله بدا يقتنع

يعطيك العافيه ياخيي والله يخليك لخواتك ويخليهم لك يارب ... امين