فكره حلوه للزفه + طلب مساعده بليييز ضروري

الحب الهادي

السلام عليكم
بدخل في الموضوع على طول
جتني قبل فتره عروس عالمحل تبعي وقالتلي على فكره تبغى تعملها في زفتها فهي اعطتني بس الفكره وانا طورتها وسويت لها التصميم
وراح اقولكم عالفكره بس بشرط لما تعرفوا الفكره تساعدوني لاني راح استنبط منها فكره اخرى بعملها لفرح اخويه
جات العروس وقالت انها تبغاني اعملها لوحه قماشيه فيها عباره ترحيبيه تنزلها من على الجسر الي هتتزف عليه
طبعا الجسر عالي مره وجاي من بداية اليمين من بوابة العروس طبعا ويمتد الى وسط القاعه وتنزل بدرج للكوشه
اوكي انا حطيت الفكره براسي بس صراحه انا مالي خبره في تصميم الفوتوشوب
فكلمت الاخت (بريئه) بالمنتدى عشان ماشاالله عندها خبره بالتصميم كمان تصمم فلاشات للعرايس روووعه واسعارها مرره جنان
فما قصرت والله معايه صممت لي الصوره وقلتلها عالابيات الي تكتبها فيها وطلبي والالوان والصوره الي ابيها فيها وصلحته طلع ماشاء الله جنان
وطبعته للعروس على لوحه بنر اشبه بالقماش وطلعت الطباعه واضحه ومررره تجنن
وانبسطت العروس
طبعا ضبطنا اللوحه بشرايط من الخيش الملون ولفيناها وربطناها بالجسر كانت الشرايط مربوطه على شكل فيونكه اتزفت العروس ولمن وصلت وسط الجسر فتحت الفيونكه واتفتحت اللوحه والحضور صرخوا مرره اتبسطوا
انشاالله اتضحت الفكره
وهذي هي الصوره الي صممتها بريئه وطبعناها للعروس


المهم انا فرح اخويه في بداية شهر 8
وابغى اسوي نفس حركة اللوحه بس بطريقه ثانيه في الزفه
عشان الفرح اسلامي فمانبغى الا شي معقول
فكرت اني اعمل لوحتين تنزلهم العروس من على الجسر اللوحه الاولى تكون اهداء من العروسه للعريس وتنزلها في بداية الزفه واللوحه الثانيه تكون اهداء من العروسه للعريس وتكون قبل نهاية الزفه يعني نهاية الجسر قبل لاتنزل بالدرج
يعني اللوحتين تحتوي على ابيات شعريه محاوره بين العريس والعروسه
طبعا حركة الزفه راح تبدا اول شي طلعت العروس وبعدين اول انشوده ولما توصل العروس للوحه الاولى تفتحها وييدخل على الانشوده شعر الا هو القاء الشاعر للابيات الموجوده باللوحه لمن تتفتح بس يكون شاعر القائه روعه يهز القاعه
وبعدين تدخل عليها النشوده الثانيه وتكمل العروس الزفه الين اللوحه الثانيه الي هي اهداء العريس للعروسه ويدخل على الانشوده صوت الشاعر بنفس الابيات الي في اللوحه الثانيه بعد ماتفتحها وبعد كذا تبدا الأنشوده الثالثه وتتزف العروس الين الكوشه
طبعا راح تقولوا ايش نوع المحاوره الي بالأبيات راح اقولكم بس طبعا ابغى منكم المساعده لان الابيات ناقصه وتحتاج شوية تعديل حسب الموقف وهذا الي ابغاكم تساعدوني فيه بالأنسب
الفكره اقتبستها من قصيده القتها الاخت احساس شفاف بالمنتدى في قاعة الشعر الله يعطيها العافيه
اللوحه الاولى راح يكون مكتوب فيها اهداء من العروسه للعريس
راح نكتب فيها
ان كان تسأل يامحمد من اغليت
اغليت انا أثنين اسكنوا وسط عيني

ابوي وامي في غلاهم تماديت
لي حق افخر في غلا والديني

ابوي لي قدوة وانا بـه تعزويـت
لولاه ماشلت الفخـر فـي يدينـي

والثالث انت عقبهم بالغلا جيت
ياللي ابيك واعرف انك تبيني

واللوحه اثانيه الي هي اهداء من العريس
طبعا اخوي عشان اتربى يتيم ماعنده الا امي واخوي الثاني الي اصغر منه عايشين مع بعض
وامي هي الي ربته وعلمته الين توظف وبنت له عماره خاصه فيه وزوجته فحبينا ان الابيات تكون مدح فيها وفي اخوه الوحيد عشان نفرحها شويه ونجازيها على تعبها

فالابيات رح تكون كالتالي رد على ابيات العروس

ياللي نشدت وقلت قبلي من اغليت
واغليت انا اثنين اسكنوا وسط عيني

امي واخوي في غلاهم تماديت
لي حق افخر في غلا (___) كملولي الابيات لانه صراحه مادام فيها اخوي ماتنفع والديني

امي هي القبله وهي شمعة البيت
يا ما كستني بالغـلا فـي سنينـي

والله لو ابذل كل عمري فلا اوفيت
ربع الجميل اللي كست به جبينـي

ما قصرت جابـت لي اللـي تمنيـت
لو اقدرت حطت القمر في يمينـي

والثاني اللي كل ما ضاق فرّيـت
هذاك اخوي وفي حياتي عوينـي

والثالثه انتي عقبهم بالغـلا جيـت
ياللي ابيك واعـرف انـك تبينـي

ادري حياتي للقاكـم تحـريـت
وادري بشوفـك كلمـا تحترينـي

بس الغلا يفرض عليّه اذا اوفيـت
اني احطك بعدهـم يـا ظنينـي

وطبعا تنقري بصوت الشاعر لمن تتفتح اللوحه
بس اذا الابيات فيها ركاكه او تحتاج تعديل او الفكره تبغى ترتيب ياليت المساعده ضروري باسرع وقت لان الفرح قريب
وسلامتكم
وطبعا اذا عجبتكم الفكره لاتسرقوها الا بعد شهر 8
كمان ابغى متبرعين يشاركوني بالتصميم عشان اوديها المطبعه واطبعها

---

t;vi pg,i gg.ti + 'gf lshu]i fgddd. qv,vd lshu]i fgddd. pg,i t;vi qv,vd

الحب الهادي

ياهووووه ماحد رد على مو ضوعي

ادارة المنتدى

فكرتك حلوه ماشاء الله

بس في ايش تبي المساعده ماعرفت ايش ناقصك بالضبطت غير التصميم اللي طلبتيه

لي عوده مره اخرى ان شاء الله

الحب الهادي

في الابيات ابغالها اكمال في عباره فوق ناقصه في نفس الوقت الي عنده عبارات انسب في تغيير الابيات الي بين اللوحتين لاني ماابغاهم مرره متشابهين
ويسعدني مرورك مايستروا
شرف لي تكون اول واحد يقرا مشاركتي

الحب الهادي

للرفــــــــــــــــــــــــــــــــــــــع

الحب الهادي

للــــــــــــــــــــــــرفع

ام المعتصم

حبيت ارد لان فكرتك غريبة واعجبتنى
واسفة على عدم المساعدة

روقنا وروق

فكره حلوه جداااا

الحب الهادي

يب المساعده بليز عشان ابدا في التجهيزات

الحب الهادي

ام المعتصم
روقنا وروق
يعطيكم العافيه شاكره مروركم