الجرافلوجي
انضم لمعرفة أخر الاخبار البورد الالكتروني المتاجر النسائيه حل مشاكلك بعناية

قوانين شبكة افراح    التسجيل والمشاركه للنساء فقط      مركز تحميل الصور

 
العودة   أفراح | عالم حواء للأفراح والمناسبات > الثقافه والادب > القصص والروايات > الروايات الطويله والمصوره

الروايات الطويله والمصوره روايات طويله , روايات جديده , كتابات خاصه

 
الإهداءات
خطابة الرياض من السعوديه : لا اله الا انت سبحانك اني كنت من الظالمين-لا اله الا انت سبحانك اني كنت من الظالمين-لا اله الا انت سبحانك اني كنت من الظالمين متكحله باخلاقها من الجبيل : السلام عليكم ******** بارك الله لنا ولكم في اعمالنا واوقاتنا ******** عليكم بسهام الليل وقيام الليل ******** جوري الغربيه من مكه المكرمه : ادعوا الله الحي القيوم ********ان يرزقني وبنات وشباب المسلمين الازواج الصالحين ياراحم الراحمين نسكافيه وكيك من جده : ادعوا لاهل مصر وسوريا خطابة الرياض من الرياض : استغفر الله-استغفر الله-استغفر الله-الله اكبر -لا اله الا الله-سبحان الله العظيم سبحان لله وبحمده-الحمد لله اللهم صلي وسلم على رسول الله محمد


إضافة رد
 
LinkBack أدوات الموضوع انواع عرض الموضوع
قديم 31-Aug-2007, 02:16 AM   رقم المشاركة : 91
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


شوق : هلا .. صح بدنك ..
راحت ندى وجلست عالسرير ..: من متى صاحية ؟!
شوق : من ساعة تقريبا ...
سكتت ندى ومبين انها تفكر .. انسدحت على ظهرها وعيونها عالسقف ...
شوق : ندى ليش هالزين كله .. ؟
ندى : بيت خالتي بيجون ..
حطت شوق السشوار عالتسريحة والتفتت لندى وكأنها معصبة : وليش حظرتك ماقلتي لي ؟!
ندى : ومتى اقولك يالدلخة وانتي طول العصر نايمة وماقمتي الا الحين .. ؟
رجعت شوق تسشور شعرها ... : ومتى بيجون ؟
ندى : يقولون بعد المغرب ... يعني في أي لحظة بيوصلون ..
سكتت ندى مرة ثانية ... وشوق كل لحظة والثانية تشوفها بالمراية ... حاسه انها غريبة وبخاطرها شي ..
شوق : ندى ..
ندى : همممم ..
شوق : وش فيك ؟!
ندى : مافيني شي ..
شوق : منتي بطبيعية ..
تنهدت ندى ... : والله مدري شوق !!!
خلصت شوق سشوار شعرها والتفتت لندى اللي مازالت منسدحة عالسرير وعيونها حايرة في السقف ..
شوق : وش اللي ماتدرين عنه ؟!
ندى : ... آآآخ (تتنهد) .... مدري افرح ولا احزن ؟!
شوق : ليش ؟ ... عسى ماشر ؟
ندى : ماشر ... بس ............ احمد ..
شوق استغربت : احمد!!! ... وش فيه ؟!..
ندى : بيجي اليوم مع اهله ... ومدري افرح ... والا اصيح ..
ظلت كل وحدة منهم ساكتة ..... شوق ماتدري وش ترد عليها ... وندى بعد ماتدري وش تقول اكثر .. بالعادة اذا سمعت ان احمد بيجيهم للبيت تفرح وتتشقق من الوناسة .. لكن الحين العكس .. تحس بحزن .. ماودها تشوفه بعد اللي عرفت عنه .. وبنفس الوقت ولهاااااانه على شوفته ... بس تعرف كل ماتشوفه كل ما يزداد حزنها اكثر ... عشان كذا تتمنى الحين انها ماتشوفه ... كفايه العذاب اللي تحس فيه الحين .. ماتبي تتعذب اكثر من كذا ..
... رن الجرس ... وقطع عليها سرحانها .. وقامت من السرير
ندى : يالله وصلوا ... بسبقك لتحت ..
شوق : اوكي ..
طلعت ندى من الغرفة ... وقفلت شوق الباب عشان تتجهز ..
كانت نجلاء قد وصلت قبل بيت خالتها بخمس دقايق ... بعد ماقال لها رجلها سعود انه بيطلع مع صديق له بيتعشى معه برا ...
دخلوا الضيوف للصالة اما احمد راح لمجلس الرجال وفهد راح عنده ...
نجلاء ماصدقت عيونها : هلاااااااااااااااااااااااااا واااااااااااااااااالله وغلاااا بحبايب قلبي ..
امل اول وحدة : يالله ماصدق عيوني .... نجيل الدبا .... حبيبتي ..
راحت لها وضمتها ...
امل تسمي نجلاء الدبا مو لأنها دبا .. بس لانها لما كانت صغيرة كان لها خدود وفيها غمازات .. مع انها ماكانت سمينة ...ويوم كبرت اعتدل جسمها وصار جمالها يميزها ونظرتها تحليها ... وخفت الخدود اللي فيها بس تمت الغمازات موجودة ...
نجلاء : ههههههههههههههههههههه ... اذا انا دبا انت وش تصيرين ..!!
امل : كيفك ؟ .... هابشري ؟
نجلاء : لا الحمد لله ... انت شخبارك ... وشخبار الكتكوت اللي في بطنك ؟
امل : الحمدلله كويسة ...
فكوا بعض ... وسلموا الباقين على بعض وجلسوا ...
ام احمد : هابشري حبيبتي ... عسى مرتاحة
نجلاء : الحمد لله خالتي ... مرة مرة مرتاحة ..
قدموا القهوة والحلى ... وهم كالعادة سواليف وضحك ..
نجلاء : يالله يا أمل ... شكلك بهالكرشة مرة حلو ..
امل : تسلمين حبيبتي ... خلي هالخوات يفهمون ... كل مرة والثانية .. يالدبا .. ياام الكرشة ... ضيقوا صدري ..
نجلاء : ههههههههههههههههههههههههه ...
بعد هالسواليف قدموا الشاهي مع الفطاير والمكسرات .. كانوا شوق وندى ونوف في جهة يسولفون .. والبقية مع نجلاء ياخذون اخبارها ويسولفون معها ...
بعد فترة سمعوا صوت فهد يتنحنح يبي يدخل .... تغطوا بنات خالته ..
نجلاء : تفضل فهد ..
دخل فهد : السلام عليكم
الكل : وعليكم السلام ..
راح وسلم على خالته .... والتفت لامل : شلونك امل ؟
امل : الحمد لله ... انت شخبارك ؟
فهد : بخير ... شخبار بندر ؟
امل : بخير الحمد لله ... وينك يالقاطع ماتجي تسلم علي ... مابقى الا انت ماجيت ؟
فهد : ههههههههههههههههه ... السموحة يابنت خالتي ... كان ودي .. بس يوم شفت انكم بتجون قلت ماله داعي ...
نجلاء : فهيـــــــد وين احمد ..؟ ... لا يكون راح ؟
فهد : فهد لو سمحتي ... وبعدين احمد ينتظر يبي يدخل ..
نجلاء : رح ناده ..
فهد بعناد : ماااانيب ... اولا بجلس شوي بعدين بروح اناديه .. شايفيني سكرتير لكم انتي وياه ..
نجلاء : حرام عليك ... رح لا يقعد لحاله ..
فهد : مااانيب ..
راح وجلس جنب امه وسفه اخته ... وقعد يسولف مع خالته ... وامل معه تسولف وتضحك ..
كان فهد قاصد يسوي هالحركة بأحمد عشان يطفر به شوي ... ومستقصد انه يتأخر عليه ويخليه يجلس بلحاله في المجلس ...
بعد عشر دقايق ..
نجلاء : فهيــــــــــــد ... حرام عليك رح لأحمد ..
فهد : وش عليك منه انتي ... خليه مهوب ميت ..
في هاللحظة دق جوال فهد .. يوم رفعه وشاف الاسم ضحك بصوت عالي والكل انتبه له ... ورد ..
فهد : هههههههههههههههههههه ... الوو..
احمد بقهر : انا ماأدري .. اجي اعطيك كف ولا اطب في بطنك ولا شسوي فيك !!!!.. يالخاين ..!!!
فهد يتصنع البراءة : ههههههههههههه .. لحظة وش سويت انا..؟!
احمد يستهزء : " وش سويت انا " ..... لاطعني هنا عشر دقايق وتقول وش سويت ياحمار .. كل هذا عشان تخبرهم اني بدخل .. والله لو انك تولد كان خلصت ..
فهد : عن الشتايم ... لأخليك تنلطع نص ساعة زيادة ..
احمد : اقول على تبن ..اصلا انا بخليك تلطعني اكثر ؟!! راح ادخل الحين ولا علي منك .. ( وسكر الخط في وجهه )







الاعلانات :
  رد مع اقتباس
قديم 31-Aug-2007, 02:18 AM   رقم المشاركة : 92
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


قعد فهد يضحك عليه ...
نجلاء : وش عندكم ؟
فهد : ترا احمد جاي بيدخل ...
بسرعة ندى وشوق تغطوا .. ونجلاء بعد ..
لحظات ودخل احمد : السلام عليكم ...
الكل : وعليكم السلام ..
راح يسلم على خالته وهو يناظر فهد بنظرات جانبية .. نظرات حقد وتهديد .. وفهد يناظره وهو مبتسم ..
فهد : حميد .. مافي احم ولا دستور .. تدخل وبس كأن البيت ماله حرمة..
احمد وهو يحط اصبعه على فمه : انت بالذات ولا كلمة ... ولك عين تتكلم ... يبيلك طراق الحين عشان تعرف شلون تلطعني وتروح ..
ظل فهد يضحك على شكله .. ولا رد ....
نجلاء : هههههههههههههه ... اسفهه احمد لا تخليه ينسيك تسلم على بنت خالتك ..
احمد تذكر والتفتت لنجلاء مبتسم : اوووووه .. آسفيــــــــــــــن يابنت الخالة ... شخبارك نجلاء ؟
كلهم ضحكوا ...
نجلاء : ههههههههههههههه .... بخير الله يسلم عمرك .. انت كيفك ؟
احمد راح وجلس جنب فهد .. ويتعمد يدفه ويضايقه : واللــــه تمااام ... ماشية احوالنا ..
وظل يتلحوس في مكانه عشان يضايق فهد .... فهد فهم حركته وقعد يتبسم وهو في داخله يضحك ... واحمد يسولف مع نجلاء ولا كأنه يسوي شي ...
في النهاية تضايق فهد منه صدق ... وصرخ فيه : يااااااااااااااخي أخويـتنا..؟.. ورا ماتهجـــــــــد ... !!!!
التفت احمد له ببرود : وش تبي ؟! ....... جالس فوق راسك انا ؟!
فهد : ياااااااخي الصالة وش كبرها مالقيت تقعد الا هنا ؟!
احمد وهو يحط اصبعه على راسه : كيفي !! ... المكان عاجبني ...
فهد بحزم : اقول اركد لأطــــردك ..!!
احمد ناظره بحقارة : كان فيك شده جرب ... لا يجيك بكس يفقع عينك ..
قام فهد عند خالته .. وكأنه يقصد الهروب : خالتي شفتي ولدك ... انقلب فجأة عدواني .. !! شوفوا بس وش هو شارب ..!!!!
احمد : ماقول الا ياحسافة زمالتي معك ... كنت اظن انك رجال بس الظاهر انك منت بكفو ... والا تروح تتوزى عند وحدة كبر امك .... يالفـــار..
فهد : اذا انا فار فانت قطو يالقطو ..
كل اللي جالسين تموا يضحكون على سوالف هالشابين .. من تجتمع سوالفهم مع بعض تنعرض لهم مسرحية كلها ضحك ووناسة ...
بعد نص ساعة جلسوا احمد وفهد فيها مع البنات سواليف ... طلعوا مع بعض .. بعد ماخبر احمد اهله انهم متى مايبون يرجعون يدقون عليه ....
رجع الجو مثل ماكان قبل دخول فهد واحمد عليهم ...
امل : ايه نجولة .. متى تفكرين تجيبين ولد ولا بنت ؟
نجلاء : تونا تونا مبكرين ... وشو له العجلة ... لاحقين على التعب والعنا ... خلينا نستانس هالفترة بدون بزارين ..
امل : ههههههههههه ... صيري مثلي ... ما كملت سنة مع بندر الا وانا حامل ...
نجلاء : انا غير ... ماحب الاستعجال بالاطفال ... لانهم بيخربون علينا الجو ...
ام فهد : لمتى عاد ... انا يوم تزوجت بابوك ماكملت الخمس شهور الا وانا حامل فيك ..
نجلاء : هههههههههههه ... يمه الزمن تغير ... وتغيرت معها اطباع الناس وتغيرت مفاهيمهم .... شوفي اول ... كانت الحرمة تجيب تسع عشر بزارين ... بس الحين غير باليالله يجيبون اربعة ولا خمسة ...

من جهة ثانية ننتقل لندى وشوق ونوف .... كانت سواليفهم عن الازياء اللي تنعرض عالتلفزيون .. ويتناقشون بآرائهم ... هذا حلو ... هذا شين ... هذا يلوع ... يعني مالهم بسوالف الحمل والعيال ... خلوهم بسوالف البنات والموضة احسن ...
نوف : الله .... شوفوا فستان العرس هذا .... روووعة ...
شوق : لا لا ... اللي بعده أحلى ...اللـــه .. ياليتني البسه في عرسي ..
ظلوا على هالحال يحلمون بأحلام البنات الوردية ... ياليت البس هذا .. وياليت البس هذا .....
ندى كانت عايشة بجو ثااااااااااااني .... بعالم منفصل عن العالم اللي هي قاعدة فيه ... تفكر
وتحلم ... بفراشات الحب اللي ترفرف حولها بذاك اليوم اللي تتمناه ... ريحة الورد حولها وأجنحة وردية تطير بها فوووق الغيوم ... كانت عايشة بعالم رسمه خيالها بخيوط وردية ورسخ في بالها الحالم ...
تحلم بأنها تلبس الفستان الروعة اللي شافته قبل شوي في ليلة زواجها ... الليلة اللي تحلم بها كل يوم قبل ماتنوم ...
تحلم بوقفتها بهالفستان جنب عريسها ....... أحــــــــــــــمد .... !!!!!
زادت ابتسامتها يوم تخيلته لابس البشت وموقف جنبها بملامحه الجذابة اللي أسرتها من يوم كانت بنت الـ14 سنة .... والكلمات اللي يقولها أي عريس لعروسته بليلة العمر ...
لكن فجأة اختفت هالابتسامة ... لما تذكرته قبل شوي ... كان يضحك ويسولف .. بدون مايرسل لها نظرة او ابتسامة تعبر عن شي ...
سلم عليها سلام سريع بعد مادخل .. بعدين انشغل بسوالفه مع فهد واخته امل ونجلاء ...
بعدها طلع .... بشكل عااااادي جدا ... وهالشي اثبت لها للمرة الألف ان قلبه خالي من اي شي ناحيتها ....
- ياهووووووووه .... دونا .. وين رحتي ..
ندى : هاه ... معكم مارحت بعيد ...
نوف : لا لا ... شكل البنت عايشة احلامها الوردية بعد ماشافت هالفساتين اللي تخقق !!!
شوق : من حقها ... أي بنت بتشوف هالفساتين بتعيش نفس الحالة ...
نوف : صراحة زهير مراد خطير يوم انه صمم فساتين مثل هذي ..
شوق : لا تقولين انك تتمنين صدق تلبسين مثلها بليلة زواجك ..
نوف بفخر : ليش لأ ؟! .... الفساتين روعة وأي وحدة ودها تلبس مثلها بزواجها ...
شوق : ياليته بهالسهولة انك تحصلينه ... ولا كان شفتي ملايين الناس راكضين له يبون فساتينه ..
نوف : وهذا القهر ...
قطعت ندى السالفة .... وكأنها ماتبي تسولف فيه .. لأنها أفكار مزعجة بالنسبة لها اذا تخيلت العريس غير احمد ..
ندى : اقول غيروا هالقناة ... حطوا شي ثاني ... فلم أو مسلسل ..
حطوا على مسلسل خليجي ينعرض في احد القنوات الخليجية ...
نوف : ياختي كرهت هالمسلسل من كثر ماانعرض في القنوات ...
شوق : انا شفت نصف الحلقات والحلقات الباقية فاتتني مدري كيف ... وش نهايته ؟
نوف : مدري شلون !!.... اصلا هالمسلسل قمة السخافة ... ماعرف كيف الناس متابعينه ...
ندى قاطعتهم مرة ثانية ..
ندى : اتركوكم من هالمسلسل الغبي الحين ... وحطوا تو بيجي فيه فلم خطير ..
حطوا القناة ... وكان الفلم لسا مابعد بدا ...
بعد ساعة ..
ام احمد : سهى حبيبتي دقي على احمد يجي ..
سهى : ان شالله
وتوها بتفتح الشنطة بتطلع الجوال ... الا وقفتها ام فهد : لا لحظة سهى ... تونا ياسارة ..
ام احمد : أي تونا ... الساعة تسع الحين ... وعلى بال مايوصل احمد الا الساعة تسع ونص ... وبعدبن نجلاء طالعة من الصبح وللحين ماارتاحت .. اخاف اتعبها .. يمكن تبي ترتاح
نجلاء : لا وش دعوة خالتي ... بالعكس انا مستانسة انكم كلكم موجودين .. وياليت تطول السهرة للفجر ..
الجوهرة : ايه شفتي ... خلكم بس انتوا مو بأغراب وان شالله تجلسون للصبح مافي مشكلة ..
سارة : بس ....
قاطعتها الجوهرة : لا بس ولا شي .... حالفة ماتطلعون من عندنا الا انتوا متعشين ..
ضحكت سارة ... اختها حلفت عليها خلاص معناته ربطتها ...
على طول التفتت ام فهد لندى : حبيبتي قومي قولي للخدامات يحطون العشا ...
قامت ندى : ان شالله ...
شوق : لحظة ندى انا جاية معك ....
نوف : وانا بعد وش يجلسني ...
قاموا كلهم للمطبخ ... قالت ندى للخدامات .. وجلست تشرف عليهم ...
نوف : الله ندى ... والله لو انها عطلة كان نمت عندكم ...
شوق : حياك الله ... ليش ماتنومين ...
نوف : نسيتي بكرة جامعة ..
شوق : عااااااادي .... كلنا في جامعة وحدة ... يعني تروحين معنا ...
نوف : لا مااعتقد اقدر ... وبعدين اغراض وكتب الجامعة كلها في البيت ..
ندى : عادي اللبس البسي من عند شوق ... والكتب خللي السواق او احمد يجيبها لك ..
نوف : لا مااتوقع احمد يوافق ... لانه اكيد بيجي للبيت تعبان .. فماله خلق يرجع يطق مشوار لبيتكم ... والسواق اليوم مشغول مع ابوي اللي يحتاجه ... وابوي اكيد مارح يرجع قبل 2 مثل امس ... يعني مافيه امل ...
ندى : وش رايك اخلي امي تكلم احمد ... هي خالته واكيد مارح يرد لها طلب
نوف نطت في وجهها : لا لا لا الله يعافيك ... اذا درى احمد اني توسطت عند خالتي ... بيذبحني ... ماتدرين عن احمد انتي .. اذا كان تعبان تكون نفسه في خشمه ..
ندى ابتسمت ... عرفت معلومة جديدة عن احمد ... ماكنت اتوقع انك من هالنوع ...
لانها قليل ماتشوفه معصب ... كل ماتشوفه تلقى الابتسامة مافارقته ..
احمد اصلا مب من النوع اللي يعصب بكثرة ... لكنه في وقت التعب والارهاق مايحب احد يطلب منه أي شي ...
اخيرا انتهوا الخدامات من ترتيب السفرة .. لكن هالمرة عالارض لان العدد كبير ومايكفيه على طاولة الاكل ...







الاعلانات :
  رد مع اقتباس
قديم 31-Aug-2007, 02:19 AM   رقم المشاركة : 93
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


اجتمعوا كلهم على العشا ... ومعهم الاطفال .. عمر وريم ومنى .. ونايف ومحمد اللي كانوا طول الوقت عالبلاي ستيشن ...
انتهوا عشا ... وكان وقتها الساعة عشر الا ربع .. جلسوا شوي سواليف ... الا واحمد جاي بعد مادقت سهى له بعد العشا على طول ... كانت ام احمد ودها تجلس اكثر .. بس عيالها وخاصة محمد وريم وراهم مدرسة ... عشان كذا استعجلت بالروحة ...
لبسوا عباياتهم وطلعوا ...
في وقت روحة احمد واهله دخل فهد لأنه جاي مع احمد اصلا ... جلس مثل عادته بالصالة عند التلفزيون قبل لا يرقى لغرفته ... وشوق جالسة مع نجلاء تتكلم ...
ندى رقت لغرفتها بعد ماراحوا بيت خالتها على طول ... وام فهد مع عمر تعشيه لأنه ماأكل زين معهم ...
بعد ماخلص عمر عشاه قعدت شوق تلاعبه وهو ميت ضحك ... بعد دقيقتين وصل ابو فهد سلم على عياله بسرعة وراح راقي لغرفته ..
ام فهد : ها عبدالرحمن ... ماتبي عشا ؟
ابو فهد : انا تعبان ... ياليت تجيبينه فوق للغرفة ..
قامت ام فهد : ان شالله ...
راحت ام فهد للمطبخ .. بعد دقايق رجعت بصينية العشا وراحت فوق عند رجلها ..
أثناء ماكانت شوق تلاعب عمر ... انتبهت لنجلاء تكلمها ..
نجلاء : شوق ..
شوق : هلا ..
نجلاء حاولت تخفض من صوتها : شخبارك مع ندى ؟!
شوق ابتسمت : تمام .... ندى زي العسل ..
ابتسمت لها نجلاء بدورها : يعني متفاهمتين لاقصى درجة ؟
شوق : مثل ماتبين ... ندى يانجلاء دخلت قلبي اول ماشفتها ... يابختك فيها ..
نجلاء : حلو ... يعني تعرفين عنها كل شي ...
قطبت شوق ... حست ان نجلاء وراها شي من هالكلام : تقريبا ... وهي بعد نفس الشي .. كل شي عني تعرفه ..
مازالت نجلاء مبتسمة ... بعدها قالت بجدية : طيب !!... بسألك سؤال .. وأبيك تجاوبيني بصراحة ..
شوق قطبت اكثر ... وش ورا اسألتها ... حست بارتباك ..
شوق : اوكي ... بحاول ...
تنهدت نجلاء بعدها قالت .. : شوق .... انا حاسة ان ندى متغيرة ...
.. في وقت روحة احمد واهله دخل فهد لأنه جاي مع احمد اصلا ... جلس مثل عادته بالصالة عند التلفزيون قبل لا يرقى لغرفته ... وشوق جالسة مع نجلاء تتكلم ...
ندى رقت لغرفتها بعد ماراحوا بيت خالتها على طول ... وام فهد مع عمر تعشيه لأنه ماأكل زين معهم ...
بعد ماخلص عمر عشاه قعدت شوق تلاعبه وهو ميت ضحك ... بعد دقيقتين وصل ابو فهد سلم على عياله بسرعة وراح راقي لغرفته ..
ام فهد : ها عبدالرحمن ... ماتبي عشا ؟
ابو فهد : انا تعبان ... ياليت تجيبينه فوق للغرفة ..
قامت ام فهد : ان شالله ...
راحت ام فهد للمطبخ .. بعد دقايق رجعت بصينية العشا وراحت فوق عند رجلها ..
أثناء ماكانت شوق تلاعب عمر ... انتبهت لنجلاء تكلمها ..
نجلاء : شوق ..
شوق : هلا ..
نجلاء حاولت تخفض من صوتها : شخبارك مع ندى ؟!
شوق ابتسمت : تمام .... ندى زي العسل ..
ابتسمت لها نجلاء بدورها : يعني متفاهمتين لاقصى درجة ؟
شوق : مثل ماتبين ... ندى يانجلاء دخلت قلبي اول ماشفتها ... يابختك فيها ..
نجلاء : حلو ... يعني تعرفين عنها كل شي ...
قطبت شوق ... حست ان نجلاء وراها شي من هالكلام : تقريبا ... وهي بعد نفس الشي .. كل شي عني تعرفه ..
مازالت نجلاء مبتسمة ... بعدها قالت بجدية : طيب !!... بسألك سؤال .. وأبيك تجاوبيني بصراحة ..
شوق قطبت اكثر ... وش ورا اسألتها ... حست بارتباك ..
شوق : اوكي ... بحاول ...
تنهدت نجلاء بعدها قالت .. : شوق .... انا حاسة ان ندى متغيرة ...
شوق : متغيرة ؟
نجلاء : ايه .... متغيرة عن اخر مرة شفتها فيها ..... من شفتها امس وانا حاسة انها مكتئبة ومب على بعضها .... وقتها قلت يمكن صدق صداع مثل ماقالت .... لكن بعد اليوم تأكدت ... من بعد اللي شفته ...
شوق : وش شفتي ؟
نجلاء : هادية وساكتة ... ومدري ... احسها حزينة !!!....... ندى في العادة اذا اجتمعنا حنا وبنات خالتي يكون لها صوت .... تكون ضحكتها مسموعة للكل ... بس اليوم ... مدري بصراحة وش اللي جايها ..
سكتت شوق ... ماتدري وش ترد ..... هي عارفة ان ندى متغيرة وهي اول وحدة عارفة هالشي .... بس المشكلة ان ندى أمنتها على هالسر .. وطلبت تحفظه .... فمعقول بعد وعدها لها تخبر نجلاء ؟؟!!!!!....
بس نجلاء غير .... هذي اختها .... ويمكن تكون اقرب لها مني ... ياربي اقول لها ولا ماقول ....
ظلت ساكتة تفكر وشلون ترد ...
هزتها نجلاء : شوق ..
شوق : هلا ..
نجلاء بعد ماتفحصت وجه شوق وانتبهت لنظراتها اللي تتحاشى انها تحطها بعينها ...
نجلاء بهدوء : شوق ... هذي اختي حبيبتي .... ويهمني اعرف وش مضايقها ..
تمت شوق بنفس الصمت ..
نجلاء : صاير بينك وبينها شي ؟
رفعت شوق عينها على طول ... : لا افا عليك ... لو هي زعلانه مني او شي كان ماشفتيها معي اليوم جالسة .... اصلا مايهون علي زعلها ...
نجلاء : طيب وش اللي مضايقها .... تكفين شوق قولي لي اذا كنت تعرفين ..
شوق بعد ماتنهدت سكتت ... لكن هالمرة كانت نجلاء تنتظرها تتكلم ...
شوق : مدري نجلاء أقول ولا ماأقول ..
نجلاء : يعني انت تعرفين وش فيها ؟
هزت شوق راسها وقالت بهمس : ايه اعرف .... بس بصراحة ندى طلبت انه يكون سر مايعرفه غيري ..
ابتسمت نجلاء تطمنها : لا تخافين حبيبتي .... ياما قالت لي اسرار عنها من قبل حتى امي ما تعرفها ...
شوق كانت من جد مترددة ...... يارب ألهمني أقول ... ولا ماقول وأخليها تروح تسأل اختها بنفسها ....
شوق : ايه بس اخاف تعصب ندى علي ...
نجلاء : قلت لك شوق لا تخافين ... انا يهمني اعرف وش في ندى ... وبكون احرص منك على سرها ..
شوق : طيب بقول ...
نجلاء : تفضلي أسمعك ...
بدت شوق تلعب بأصابعها ماتعرف من وين تبدا ... قررت تقول الزبدة وتفتك ..
شوق بهمس مايسمعه فهد : بصراحة نجلاء ....................... ندى تحب ...!!!
نجلاء قعدت ساكتة فترة بعدها قالت : ..................... كيــــــــــــــــف ؟!!!!







الاعلانات :
  رد مع اقتباس
قديم 31-Aug-2007, 02:25 AM   رقم المشاركة : 94
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


نزلتلكم جزء كبير مرة عشين خاطركم كلكم

شفتكم متشوقين لكن انتظروا القادم مشوق اكثر

كنت بنزل اكثر لكن تعبت والله كل بعد مشاركة انتظر مية ثانية لازم

انتظروا البقية ^_^







الاعلانات :
  رد مع اقتباس
قديم 31-Aug-2007, 08:16 AM   رقم المشاركة : 95
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


اتمنى قراءة ممتعة للكل

سي يو







الاعلانات :
آخر تعديل فتاة الظل يوم 31-Aug-2007 في 08:21 AM.
  رد مع اقتباس
قديم 31-Aug-2007, 10:29 AM   رقم المشاركة : 96
مول نواره1
~°¤§نجم ذهبي مميز§¤°~
 
الصورة الرمزية مول نواره1








معلومات إضافية
  النقاط : 10
  المستوى : مول نواره1 is on a distinguished road
  الجنس : انــثى
  عدد الزيارات :
  الحالة : مول نواره1 غير متصل
 
 
 

 

افتراضي


مبررررررررررررروك لك يا فتاة الظل على القصة
ارتفعت الى تثبيت ماشاء الله و الف مبرك مرة ثانية

تقبلي مروري







الاعلانات :
  رد مع اقتباس
قديم 31-Aug-2007, 04:46 PM   رقم المشاركة : 97
فرفوشة4
¤ô§ô¤*~نجم مميز~*¤ô§ô¤







معلومات إضافية
  النقاط : 10
  المستوى : فرفوشة4 is on a distinguished road
  الجنس : انــثى
  عدد الزيارات :
  الحالة : فرفوشة4 غير متصل
 
 
 

 

افتراضي


مشكور فتاة الظل

الله يعطيك العافيه

في انتظار البقيه







الاعلانات :
  رد مع اقتباس
قديم 02-Sep-2007, 01:17 AM   رقم المشاركة : 98
فتاة الظل
مشرفة قاعه الفيديو واليوتيوب محتـِـِـِـِـآج آتنفس انفــاسگ
 
الصورة الرمزية فتاة الظل







معلومات إضافية
  النقاط : 208
  المستوى : فتاة الظل has a spectacular aura about فتاة الظل has a spectacular aura about فتاة الظل has a spectacular aura about
  الجنس : انــثى
  عدد الزيارات :
  الحالة : فتاة الظل غير متصل
 
 

 

افتراضي


نواره ,,,,,

تسلمين على مرورك الدائم والمميز


*********

فرفوشة 4

ياهلاوالله نورتي القصة انتظري البقية

سي يو







الاعلانات :
  رد مع اقتباس
قديم 02-Sep-2007, 08:14 AM   رقم المشاركة : 99
&,دمعة فرح,&
§][][نجم فضي مميز][][§
 
الصورة الرمزية &,دمعة فرح,&







معلومات إضافية
  النقاط : 126
  المستوى : &,دمعة فرح,& will become famous soon enough &,دمعة فرح,& will become famous soon enough
  الجنس : انــثى
  عدد الزيارات :
  الحالة : &,دمعة فرح,& غير متصل
 
 
 

 

افتراضي


انا منتظره باقي القصه
ممكن سؤال
ممكن تكمليها قبل رمضان







الاعلانات :
  رد مع اقتباس
قديم 02-Sep-2007, 09:27 PM   رقم المشاركة : 100
!The Best!
المجموعه الذهبيه
 
الصورة الرمزية !The Best!








معلومات إضافية
  النقاط : 10
  المستوى : !The Best! is on a distinguished road
  الجنس : انــثى
  عدد الزيارات :
  الحالة : !The Best! غير متصل
 
 
 

 

افتراضي


ياحبي لك هذي فتاتو اللي نعرفها


إي كذا كل يوم حطي لنا جزء كبير مثل كذا


مشكورة ياقلبي تعبناك معنا


(^_^)







الاعلانات :
  رد مع اقتباس
إضافة رد

مواقع النشر (المفضلة)


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ღ♥ღالحب الاعمى ღ♥ღ نورس الحب القـــاعة العــامة 9 08-Dec-2009 02:12 AM
أنواع الحب ها الأيام فرووحا القـــاعة العــامة 15 08-Dec-2009 02:11 AM
صعوبات الحب .................. ؟؟؟ nasser454 القـــاعة العــامة 7 08-Aug-2007 02:43 AM


الساعة الآن 05:33 PM

خدمات شبكة افراح

زفات دليل الافراح اكاديميه افراح تواقيع العرسان تنسيق ميزانيه الفرح تولبار افراح مركز التحميل اتصل بنا
المتجر النسائي المتاجر الخاصه دليل المواقع العاب افراح تدريب الالكتروني الطب البديل الاسره المسلمه اعلن معانا
البوم صور افراح مقالات للعرسان بطاقات افراح جوال افراح المؤثرات الصوتيه فساتين افراح كوش أفراح شبكة افراح


أقسام المنتدى

¤*~ˆ°صالة الصوتيات والمرئيات°ˆ~*¤ @ الاناشيد والاغاني الاسلاميه @ الالعاب والترفيه @ العاب ومسابقات @ الثقافه والادب @ شعر وخواطر @ ~ˆ°قاعة التقنية والاتصالات°ˆ~ @ اتصالات @ الكمبيوتر والبرامج @ *~ˆ°الصـالة العــامة°ˆ~* @ القـــاعة العــامة @ الترحيب والاهداءات @ الترفيه والفرفشة @ اسرار البنات الخاصه @ زفات - زفات افراح - زفات اسلاميه @ صور @ القصص والروايات @ الاخبار والمواضيع الساخنة @ ~ˆ°صالة المناسبات والافراح°ˆ~ @ افكار وابتكارات الافراح والمناسبات @ طلبات ومناقشات الافراح والزفات @ فساتين -فساتين 2012 - فساتين افراح @ عالم حواء @ ديكورات - ديكور @ مكياج وتسريحات 2012 - مكياج خليجي - صور مكياج @ العرسان العامة @ اشعار الافراح والمناسبات @ التصاميم @ واحة الاسلام @ اغاني المطربات الاسلاميه(للنساء فقط ) @ ¤*~ˆ°الخيمة الرمضانية°ˆ~*¤ @ قاعة المسابقات الرمضانية @ المطبخ العربي والعالمي @ افكار زفات @ النقاشات والحوارات الجادة @ عروس افراح وتجهيزها @ الاغاني والاعمال الحصريه @ توبيكات @ الاسرة والمنزل @ الصوتيات الاسلاميه @ قاعه الدروس @ السياحه والسفر @ الاعمال والفنون اليدويه @ عالم الاطفال @ التسوق للأفراح @ صاله الاستقبــــال @ اخبار شبكه افراح ومواقعها @ تطوير الذات وتنمية المهارات @ الطب و الصحة @ المشاكل الاسريه والزوجيه @ المواضيع الملفقه والاشاعات @ مائدة رمضان ومستلزمات العيد @ التصميم والإبداع @ معارض وبازارات ومهرجانات @ قاعه دورات التجميل @ قاعه العملاء والتهنئات الخاصه @ تحت الاضواء @ الروايات الطويله والمصوره @ دورات تدريبية - دورات تطوير ذات @ محلات نوران @ طلبات ومناقشات المشاغل والكوافير @ طلبات ومناقشات المطربات @ قسم خاص لاحتفالات شبكة افراح @ التسوق والبازارات والمعارض @ قسم الاهداءات والتبريكات @ فساتين سهره 2012 - ازياء سهرة @ جمالك سيدتي @ اكسسوارات 2012 @ حمله لتكن افراحنا اسلاميه @ فيديو ويوتيوب @ الولاده والحمل @ قسم جمع رأسين بالحلال @ english section @ اخبار الافراح والمناسبات @ اخبار الصحف والجرائد @ اخبار الصحف اليوميه @ عروس قطر - بنات قطر @ عروس الامارات - بنات الامارات @ فساتين مستعمله @ مدونتي @ قسم طلبات الزواج الخاصة @ قصور أفراح @



إستضافة وترقية وتطوير

Upgrade by KsaTec.CoM Copyright ©2000 - 2012, Jelsoft Enterprises Ltd.
SEO by vBSEO 3.3.1 vBulletin 3.8.6
 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86