أكلي المفرز بمناسبة قدوم شهر رمضان الكريم..

السلام عليكم ورحمة الله وبركاته...

كيفكم بنات؟؟؟إنشاء الله تكونون بخير...
حبيت أكتب لكم طريقتي بأول رمضان لي بعد الزواج...
عندي طريقة إنشاء الله تريحني في الطبخ وتريحكم إنشاء الله إذا عجبتكم...
تدرون شنو سويت؟؟؟
.
.
.
.
.
.
.
.
.
.
.
.
.
.
.
قمت وغسلت يديني...

وبعدين...

رحت بيت أهلي...(من الصبح)

وأخذت معاي أختي...

تدرون ليش؟؟؟

عشان أمي وأختي يساعدوني بلف ورق العنب والسمبوسة....
ههههههههههههه~~~~~~خويتكم مالها باللف واجد
أعرف ألف الورق عنب والسمبوسة بس بطيييييييييييئة...
عرفتوا؟؟؟..
وألحين راح أقول لكم الحشوات..
أول حشوة: جبن شيزدل السلايس عرفتوه أكيد..
وثاني حشوة:جبن مالحة وسط بيضاء خلطتها مع نعناع وحشيت بها عجينة السمبوسة..
وثالث حشوة:لحم مفروم مع البهارات أكيد وبصل محمص وبقدونس وكزبرة مفروم وشوي ماش..وكلوا مخلوط مع بعض ومطبوخ..(مغلي).
ورابع حشوة:(أصابع الست)
اللي نحشي عجينة السمبوسة بجبن الكيري ونلف العجينة بشكل أصبع..وبعد الغلي أحط عليها الشيرة..

وبعد ما خلص السمبوسة...رحنا للف ورق العنب..

حشوة الورق عنب:رز مصري
طماطم-بصل
فلفل بارد أخضر-بقدونس وكزبرة
مع قليل من اللحم المفروم..ولو ماتحبون اللحم ممكن تضيفون جزر وخضار...

وهذا كله راح أكيس كل كمية وأحطها بكيس نايلون كل كمية وحدها وراح أجمدها بالفريزر..

وتعرفون عجينة البف بستري...بعدني ماأسويها بس راح أسويها بكرا..
بس راح أحشيها بقشطة وبعضها بجبن الكيري..وراح أسكرها على شكل مثلثات..
وراح أجمدها كمان..وبعدين بس آخذها أطلعها قبل بربع ساعة وأدخلها بعدين الفرن وأسوي لها الشيرة(الماي والسكر)..

وغير كذا راح ألف سبرينغ رول بس كمية قليلة..
وحشوتها:.دجاج صدور مسلوق ومفتت- ذرة
جزر مبشور-فلفل أخضر بارد مقطع مكعبات صغيرة وبكمية قليلة..
3 ملاعق أكل مايونيز - 2 ملعقة جبن بوك سائل..
ونفس الشي ألفها وأجمدها...
وقبل فترة من الطبخ أطلعها..

وتدروووووووووون شنو راح أجرب أسوي؟؟؟؟
راح أجمد أوصال دجاج للشوي للسحور..
تعرفون راح نزور العايل والأقارب..والجيران...
وراح نتعبد بشهر العبادة..

فراح نرجع أحيانا متأخر ومافي وقت للطبخ واجد أو تعبانة..

طريقة ومقادير الأوصال:
1 صحن صدور دجاج خالي من العظم
4 ليمونات
4ملاعق من الخل
بهارات كاملة من ملح وكاري وشكل وكمون وفلفل أسود
علبة لبن زبادي
3بصل متوسط _ فلفل رومي
4 طماطم متوسطة الحجم
والمقدير كلها أحطها بالخلاط تنخلط..(من دون الدجاج)ههه
وممكن تعملونها بأوصال من اللحم..

الطريقة:أقطع الدجاج مكعبات متوسطة الحجم وأحطها بالخلطة لمدة يوم كامل للتخمير..
وبعدين أحطها بالعيدان الأسياخ الخشب مع قطع طماطم وبصل..
وأجمدها..
ووقت السحور راح أطلعها قبل بنصف ساعة
وبعدين أحطها بصينية وأغطيها بالقصدير..وأدخلها الفرن...

وراح أجمد كمان باميا وبازلاء..
راح أشتري كمية وأبعدين راح أغسلها وأنظفها..
وبعدين أسلقها سريع لكم دقيقة بعدها راح أجمدها..
أتمنى إنوا طرقي عجبتكم وأفادتكم...:047:

ههههههههههههه ما بقى شي ما تجمد الله يعين الفريزر

بقولك نصيحة من ناحية المعجنات مثل السبوسة ممكن يتفرز لمدة اسبوع مثلا

لكن الخضار اوصال وغيرة من الأكل راح يفقد القيمة الغذائية وحتى الطعم يصير مختلف

يعني اكل بدون اي فوائد انا ضد التفريز لمدة طويلة يطلع الأكل بدون طعم ... وبدون فوائد

ما في احلى من الأكل الطازة ... والتفريز اقصى حد اسبوع ...


اتمنى لك اكل صحي ومفيد

دمت بخير

هلا والله بضياء
مشكووووووورة على مرورك موضوعي
بالنسبة للسمبوسة مادري قبل ناس واجد جربوه قالوا لي مايخرب
بس صراحة الأوصال ماحد جربها توني مفكره فيها بس من كم يوووووم
بس صراحة مافكرت قبل إلا بعد ماكتبتي عن انوا راح يفقد القيمة الغذائية...
وبصراحة كلامك صحيح
عشان كذا ماراح أجمده...

بس السمبوسة والورق عنب لفيته خلاص
لأنوا راح أدرس من الصبح لين الظهر...
وبعده راح أداوم إنشاء الله إذا طلعت الوظيفة من نصيبي...
من المغرب لين الليل 12..
فعشان كذا أنا محتاجة أسوي كذا

ومشككككككككككككورة لنصايحك

النكهة للمأكولات تختلف بالتفريز لتأثرها بالبرودة

ومن الافضل ما تكون مدة التجميد طويله

يسلمووو الايادي

ينقل الى مائدة رمضان

ماشاءالله عليكي ماشي

شطووووووووووووووووره

ورق العنب ممكن يجلس فتره

بس السنبوسه اذا رقاق تجلس لكن لوعجينه ماتجلس فتره طويله يتغير طعمها في الفريزر


انا عن نفسي ما احب الاكل المجمد لكن لازم يكون الفريز احتياط للضرورة

وتقدري تعملي عجينه بيتزا بحشوات مختلفه وتفرزنيها

الله يعينك ويوفقك

والله احسن ليكي ماشي
عشان تتفرغي للدراسه والعباده
وما فيها شي اذا جمدت الاكل هي كلها فترة معينه عشان توفري في الوقت

الله يوفقك

ماشاء الله عليكي ,, ماشي ,,

احسن لك تريحين نفسك وتتفرغين للعبادة وبيتك

بس موكأنه تعب عليكي تدرسين وبعدها تروحين وظيفة

اتمنى ربي يسهلها لكي ويوفقك يارب


موضوعك حلو شكرالكي

اول شي احب اشكرك على مشاركتك الرائعه

كثير من المتزوجات مضطرين ومجبورين على هذا الاسلوب بسبب ضروف عملهم او دراستهم

وعلى اختلاف وجهات النظر فهو افضل من الاكل من المطاعم وبالاخص في رمضان

الله يعينك وينور دربك وكل عام وانتي بخير

ماشاء الله عليك ماشي والله يعطيك العافية
عزيزتي انا متعوده افرزن الخضار حقت الادامات
انظفها ثم اقطعها حلقات ( الجزر ـ الكوسه ـ الفاصوليا ) ثم اضعها في اكياس وافرزنها ولكن لا اخرجها الا قبل طبخها بخمس دقائق وطعمها كانها طازجة وان لي فترة طويلة على هذه الطريقة في رمضان وغيره
وكذلك السمبوسة (رقائق ) والسبرنق رول
والبتزا والسنبون وجميع المعجنات ولكنها تسوى نصف استواء يعني تسوى من اسفل قليلا
ولكن قبل ان تتحمر ومن اعلى قليلا ايضا ثم تحفظ في علب في الفريزر