السلام عليكم ورحمة الله وبركاته ...
***** المشهــــــــــــــــد ******
الزوج العصبي وهو داخل البيت ولا كأنه ثور ولا بركان هايج : إنتي ياحرمة ..!!! ياوجع فينك ؟؟!!
الزوجة وهي بتجري ناحيته : ايش فيك يا قلبي ليه بتصرخ كذا ؟؟؟
الزوج بحدة و نيران الغضب بتولع في عينه وهو بيجر شعرها : أنا ماقلتلك لاتروحي عند جارتك الجديدة ومنعتك من كذا ؟؟
الزوجة بألم : آآي .. وأنا كم مرة أسألك ليه ماتباني أروح لعندها ؟؟؟ عشان أقتنع !!
الزوج وهو ماشي عليها بكفين : بس خلاص ولا كلمة !!! روحي لشغلك !!!
الزوجة ماسكة خدينها ورايحة غرفتها تبكي ,,,
وقت الغدا ..........
الزوج بكل نعومة : حبيبتي خدك بيوجعك ؟ <<<< بيعتذر بس موقادر يقول كلمة آسف !!
الزوجة ساكتة ومافتحت فمها بولا كلمة ....
الزوج : عمري إنتي ما أكلتي شي ...
الزوجة ساكتة .
الزوج : ماراح آكل شي إلا لما إنتي تاكلي ... مايصير تسوي بنفسك كذا ..!! <<<< مسكيييين قلبه حن !!
الزوجة عشانها طيبة بدأت تاكل بصمت فأبتسم زوجها وقام وطبع قبلة على راسها ورجع للكرسي وكمل أكل وهو بيبتسم ... <<<<< وراه شي هالمصيبة !!!
في الليل .............
جلس الزوج جنب زوجته في السرير وقاعد يدلعها وهي خلاص الزبدة ساحت ...
قال لها بهمس وصوت رقيق : حياتي إنتي اليوم لما رحتي لجارتك ايش قعدتوا تتكلموا ؟
الزوجة بحيرة : ليه ..؟
الزوج : ولا شي ياقلبي ... بس حابب أعرف ..
الزوجة : كلام الحريم المألوف ... الطبخ .. الأزياء ... البيت ... بس تصدق عاد إنها مرة طيبة ... والله حبيتها من أول يوم شفتها ..
الزوج ووجهه متغير لونه شوية : حبيتيها ... الله يديم المحبة ...
الزوجة ابتسمت وقالت : يعني خلاص ماراح تمنعني أزورها ؟
الزوج بعد صمت قصير : مادري والله ...
وقاعد يفكر وهو ساكت وكأنه شايل هم كبير ...
سألته الزوجة : هاه ايش قلت ..؟... ترى وعدتني الخميس الجاي تجي تزورني .!
الزوج وهو بيطالع فيها بسرعة وعصبية : نعم ..؟؟!!! ... يعني تمشي كلامك من غير ماتاخذي رأيي ؟؟
الزوجة بإرتباك : والله أنا ماسويت شي ... هي تبى تجي تزورني عيب أقولها لأ ... !
الزوج بعد حرب بسيط بالكلام : خلاص ... يصير خير !
وقلب وجهه عشان ينام !!!!
الخميس ....................
من الصباح ...
الزوج : يلا ياحرمة جهزيلي أغراضي رايح البحر مع أصحابي ... وهااااه .. لاتنسي جارتك تجي العصر وتمشيها بدري ماتبى إزعاج ... بدي البيت لما أرجع يكون فاضي عشان أرتاح سامعة ولا لأ ..؟؟
الزوجة : مايصير إلا خير ولا يهمك ... مع السلامة .
الزوج وهو صافق الباب يتأفف بقوة ..!
في آخر الليل دق الزوج على زوجته تلفون وقالها إنه راجع بالطريق .. وسألها : جارتك في ولا راحت ؟
الزوجة : خلاص راحت من زمان ياحبيبي إنت ليه تأخرت ؟
الزوج : خلاص راجع يلا أذلفي .!
الزوجة : .................
بعد أسبوع ..........
الزوجة : حبيبي أنا اليوم رايحة عند جارتي .
الزوج بعصبية : يوووووووووووه !!! فكينا من جارتك هاذي ... كل يومين تنطيلها وهي كمان تجي عندك كأن ماعندكم أزواج يمسكوكم !!!
بعد ماقال هالكلمة بلع لسانه وسكت فجأة ...
الزوجة ماقالت شي ....
الخميس ...........
خرج الزوج من الصباح للبر ...
وفي الليل كانت الزوجة مع جارتها في الصالة بيتكلمو ..
الزوجة : هو إنتي ماقلتيلي ... زوجك يشتغل إيه ؟ ...
الجارة : إنتي نسيتي ههههه زوجي ماشاء الله عليه مهندس ديكور
الزوجة : والله !! .. أنا كمان زوجي مهندس ديكور ... يلا صدفة حلوة ... يمكن يطلعوا أصحاب وإحنا ماندري ههههههه
الجارة : ياريت عشان نتواصل عدل مع بعض ... أنا زوجي مغلبني مايبيني أزورك مادري ليه ... يمكن يخاف عشان زوجك ممكن يكون موجود و .....
الزوجة : ياشيخة أنا كمان زوجي ذابحني ... من أسبوع كفخني عشان زرتك !!! شايفة كيف ... يلا الحمد لله إنه مو في البيت دحين ...
الجارة : تصدقي إن زوجي ألين دحين ماشاف زوجك ؟!!! ... كل ما أسأله قابلت جارك ولا لأ يقلي إنه مابيشوفه ..!!
وهاتك ياحكي والحرمتين شغالين يتكلموا في أزواجهم ... <<<<<<< الله عالفضايح ياشينهم من حريم !!!
ووقت ما قاعدين يتكلموا ويضحكوا أنفتح الباب بسرعة وعفاشة وطلع قدامهم الزوج والحرمتين أنخضوا وأترعبوا ...
الزوج وقف صنم وخشب في مكانه ...
الزوجة بتقول للجارة وهي بتمسكها : تعالي ورايا أنحاشي ..!!!! للزوج : يالخبل أمشي من هنا !!!
الجارة بذهول : أقول إنتي يالهبلة هذا زوجي أنا أنحاشي ورايا بسرعة !!! ... للزوج : إنت ايش جابك هنا ..؟؟؟؟؟
الزوج ...........
************************************************** ******************************************
************************************************** **
فهمتوا المشهد ولا لأ ؟؟
مادري ليه جا في بالي فقمت ألفته لكم
م ن
مشهد تمثيلي بين زوج عصبي وزوجته ... لايفوتكم ! 
