oO’‘Oo معقولة يتحول عشقي للأطفال الى كره ..!! oO’‘Oo

السلام عليكم ورحمة الله وبركاته ..,

بداية كل سنة وانتم طيبين ..,

.,.

اكتب كلماتي هذه وانا في قمة توتري ,’

ورجلي مهي راضية توقف بتهز ,’

واصابعي اتكسرت من كثر ما اطق طق فيها ,’

والله مو مصدقه ,’

.,.

أنا اعشق الاطفال لحد الثمالة ,’

أحبهم حب جنوني ,’

من صغري وانا اقدسهم ,’

حتى في زياراتي للناس اول شيء اسلم على الاطفال بعدين الكبار ,’

ويزعلوا مني ,’

صارت لي مواقف كثيره جديرة بانها تحول هذا الحب لكره ,’

لكن كنت لا ازال احبهم ,’

ما عادا اخر موقف ,’

كرهني بام الطفل والطفل نفسه,’

ونظرا لانوا الطفل من قرايبنا فاشوفه كثير ,’

والله العظيم ما ابالغ اذا قلت انوا قلبي يعورني اذا شفت الطفل وامه ,’

احس نفسي حنجن , ما ابغا اشوف خلقتهم ولا ظل طفل ,’

صرت شوي عدوانيه مع الاطفال ,’

كل طفل اضربة بس بشويش اخاف يموت في يدي ,’

اصرخ في وجههم اقول لهم انا اكررررررررررررررررهكم ,’

احبسهم عندي في الغرفة واجلس اتكلم معاهم بقول لهم انا احبكم ,’

واجلس ابكي كاني خبلة ,’

بجد انا احبهم ,’

بس المواقف تقتلني ,’

تكرهني فيهم ,’

قد ما احاول اغصب نفسي اعاملهم زين ما اقدر ,’

والكل لاحظ عدوانيتي واولهم اهلي ,’

بجد احس غصبا عني ,’

صرت اعصب لما اشوفهم ما استحمل اشوفهم ,’

ولا اسمع صوتهم ,’

ماااااااااااااا ابغا اشوفهم اتعذب صرت والله ,’

.,.

اكتب كلماتي والدمع في عيني .,

اتمنى ان اجد حلا ً ,’

.,.

مودتي ..,

عزيزتي الموقف اثر عليك فقط وفترة تمرين فيها .. لكن انتي ماتكرهينهم

حاولي تتفادين الاطفال فترة بعدين صدقيني راح ترجعين مثل اول ..الموقف الي صار لك معهم كرهك بالتصرف الي حصل وليس الاطفال .. الدليل انك تبكين لانك تضربينهم لان من داخلك تحبينهم ....

اتمنى يتغير هالموقف

حبيبتي كرستالة
انت مثلي تماما في عشقي للاطفال
بل اظن انني اكثر لاني دخلت تربية رياض الاطفال
حبا فيهم وعشقا لهم


لكن....

عزيزتي لاتجعلي هذا الموقف
يؤثر في حبك للاطفال
اجعلي عاطفة القسوة تجاه الام التي
حصل لك الموقف معها
لا تصبي غضبك على هذا الطفل
لانه مازال صغيرا لا يعي شيئا مما حدث
حاولي تناسي الامر واجعلى قلبك صافي
لا تحملي شيئا على احد
لان ذلك يزيد محبة الناس فيك

اتمنى اكون افدتك بشئ لو قليل

والله لاتشيلين هم وتكبرين الموضوع
ان شاءالله الموضوع مؤقت ويعدي
يمكن تكوني متضايقه شوي ويجوا هم ينرفزونك عادي كثير تصيريعني لاتوسوسين وتحولينها عقده وتكبرينها براسك وتكبر معك
لو كنتي موطايقتهم او بالاصح مو رايقة لهم انعزلي عنهم شوي او رغبيهم بشي يحبونه بمقابل يلعبوا بمكان ثاني عنك او شوفي الاسلوب اللي يمشون معك فيه وتجنبيهم
بس تمسكينهم وتقولينلهم اكرررررررررررررررررهكم حرام انتبهي تعيديها تاثيرها كبير
بيصيروا عدوانيين معك اكثر وعارفه انك ماتقولينها من قلبك عشان كذا سرعان مابتندمي عليها تراهم والله حلوين واحباب الله
عشان كذا لاتقعدين حواليهم الا وانتي رايقه ومهديه نفسك شاركيهم اللعب شوي واتركيهم عشان لاتملين منهم .. وهذا هم مو اولادك اجل كيف لو صرتي ام الله يهديك لازم تطولين بالك ياقلبوو وتخلين عندك شوية سلف كنتروووووووووول
وان شاءالله تكون سحابة صيف

مرحبا اختي .., hajssi ,..

في قلبي متاكده ما اكرههم ,’

بس مدري في صراع داخلي صاير ,’

بين الحب والكره والطفل ضايع بينهم ,’

من ناحية اتفاداهم ,’

انا في غرفتي ما اطلع بس اسمع الاصوات انخبل ,’

جزاك الله خير خيه ,’

مودتي ..,

اهلين بالاخت كرستاله

اول شي احب اقلك فتره وتعدي

واكيد انك تعانين من ضغوط اخرى

تفقدك السيطره على اعصابك

والاطفال احباب الله

ومهما يكون فيه موقف معين من والدة طفل

تذكري

انهم اطفال ابرياء

ومالهم دخل بسوالف الكبار

احتمال عندك ضغط بالدراسه او اي امور اخرى

لاتخلطي الامور ببعض

ولاتنسي الدعاء والصلاه وقراءة القران

اختك
اخر العنقود

كريستو ,,,,,,,

انا عن نفسي اشوف انها مرحلة وتعدي لانه الموقف اللي صار مازال مسيطر عليكي

بس صدقيني حبك العظيم وقلبك الطيب مستحيل يكره احد فمابالك بالاطفال

لاتكبري السالفة وتضايقي نفسك

ان شاء الله كل شي يصير اوكي بس خلي الموقف في طيات النسيان

اتمنى اني اكون ساعدتك ولو بالقليل

طيب ايش رايك تبعدي عن الام وطفلها فترة مؤقتة بس وحتى لوشفتيهم لاتعطيهم الاهتمام بنظراتك

عشين مايأثر عليكي الشي هذا

صدقيني حب ااطفال فينا كلنا ومستحيل يتحول لكره

تقبلي مروري ورأي المتواضع

كرستو
يؤيؤيؤ اش ذا الكره مومعقول..انا كمان مثلك اعشق الأطفال بشكل جنوني...العب معاهم اصورهم ادلعهم.....
وعشاني اعطيهم وجه اول مايشوفوني يطحون علي اللي يجر شعري واللي يضربني واللي يبوسني...
امكن انتي لأنك تعطينهم وجه زياده يتمردووون عليك....بس زي ماقالولك الاخوات فتره وتعدي...بس والله الأطفال نعمه من الله....
حرام يتحول هالحب الى كره
الله يساعدك ويوفقك
اختك
عذوبه