ياريت كل واحد يدخل يجاوب على الاسئلة دى بصراحة ... شديدة !

ياريت كل واحد يدخل الموضوع يواجه نفسه بصراحة شديدة ويجاوب على الاسئلة دى ، ......

هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟


إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشبابالعربى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-


أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمعالعربى تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجريالكارثة بجد هى وجود أكثر من 74 % من الشباب لا يعرف اسم أول رئيس للجمهورية او اول ملك او امير !
مثلا بما انى مصرى سأستعرض مثال لنا مصر احد الدول العربية الكبرى تعالوا نشوف

-الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!

ذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

ده مثال طيب لو شوفنا باقى الدول العربية حدث ولا حرج !!

طب تعالوا نشوف ازاى الشباب العربى بيستفيد من الإنترنت:


يا ترى بتدخل ع النت ليه؟؟ عشان تتثقف؟؟ -هئ هئ هئ سلملولى عالثقافة-
فحسب تصنيف مؤسسة أليا العالمية عن أكثر 100 موقع يدخلهالشباب العربى كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن الدول العربية تحتل المركز الثاني في قائمة أكثر 10 مناطق من الشباب فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..
استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يب إيه؟؟وقبل كل ده تكون عارف كويس..أنت عايز إيه؟؟
لأن فعلاً جهلنا واضح في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..

واحنا لسه محلك سر!!..يا ترى الفكرة وصلت؟؟ولا لسة؟؟
ها... لو قادر انك تجاوب كدبنى وقولى والله نفسى حد يقولى انت غلطان لو مش عايز بلاش خليك عايش حياتك زى ماهى وكبر دماغك !

انا اسف انا مش متشائم وفيه شباب كتير كويسة بس ياترى كام واحد !!

شكرا واتمنى الموضوع يعجبكم

__________________

طبعا غلطان الدنيا لسى بخير

الف شكر لك

وننتظر جديدك

يعطيك العاافيه اخوووي


لكن بسالك انت هل انت منهم ولا لا (( بصراحه))

الدنيا كلهااا في الحلو فيهاا المررر واعتقد في شبابنااا فيهم الخيررر والبررركه

احترامى لكى اختى خد القمر واختى الملكة

لكن مروركم سلبى وين لو انا غلطان اختى خد القمر قوليلى انتى الصح بالادلة

الحمد لله اختى الملكة انا اجاهد لاصل لمستوى اكون راضى عنه

اتمنى ان اكون فعلا غلطان خد القمر واتمنى ان نرفع راسنا من الرمال قليلا لنرى من حولنا اين وصلوا!

ياجماعة مافيش ردود على الموضوع ليه

ياترى مفيش صراحة ولا مفيش عندكم رد على كلامى !

طيب المشرفين ممكن يردوا !

كلامك صحيح اخ محمد
هذا مع الاسف حال شبابنا

والدليل استخدام حاليا بعض مواقع الاشهار والقروبات مواضيع جنسيه لجذب الزوار للمنتديات
لو وضعت لهم مواضيع عاديه راح يحذف الرساله بكل سهوله
لكن لو وضعت لهم اي مواضيع اباحيه تجدهم يتهافتون على المواضيع
لودخلت على قاعه الاخبار في المنتدى تجد نسبه الدخول على المواضيع اللي تحمل كلمه اغتصاب او فضائح كبير جدا
وهذا مع الاسف حال العرب كلهم والنسب مثل ماذكرتها صحيحه
ولاادري متى نتقدم

تحياتى لصراحة المايسترو وتشرفيه لموضوعى

مرورك اسعدنى جدا اختى دلوعة القلب وارى من ردك انك تحاولى على الاقل المحاولة

انا ارى ان اهم سبب لما وصل اليه حال الشباب الان العربى ضعف الايمان والثقة ....

بدليل فى هذا الشهر الكريم ( رمضان ) تجد معدلات قراءة القران زاددت -الجرائم قلت - الانسانية ازدادت - كل ماهو ايجابى زاد وكل ماهو سلبى قل

اذن السبب الرئيسى هو ضعف الايمان والبعد عن كلام الله
نحن فى انتظار النكسة اة كارثة لاقدر الله لنعود
فهل سنظل ننتظرها ام نحاول ان نمنعها ..

ليت كل شهور السنة رمضان